الموضوع: أفضل عربية مستعملة فى حدود 30.000 للـ 40.000

المشاركة الأصلية كتبت بواسطة ahmedalaahosny

كنت ف نفس حيرتك دي ياباشا وماوصلتش لحاجة بص ياباشا انا من الاخر بعد اللف هنا وهنا لقيت عربيات بالهبل ف الرينج ده ( ابيزا - كوردوبا- اكسيل - اكسنت - النترا قديمة بس قطع غيارها قليله - فيليشيا - ماروتي - سويفت - فيات بيترا كانت ب ٣٨ الف - برايد كيا والبتاعه الايرانية دي - شوية صيني بس بتشخلل من كل حته محتاجه عربية من اول وجديد - لانوس بس مفرومه وعايزه شغل - نوبيرا ١ نفس الكلام - لانسر موديل ٩١ البطه - بروتون ويرا ١٣٠٠ سي سي - جولف - جيتا موديل ثمانينات - شاهين - لادا - مرسيدس تمساحة موديل ٨٠ هتبقي ف حدود ٤٠ الف او ازيد الفين او تلاته - بي ام دبليو e21) ولسة لو سيادتك عايز موديلات اجيبلك بس استفيد من تجربه اخوك لو مشي سيادتك جوا البلد وسفر قليل يبقي سيبك من الالماني القديم مصروف بنزين وقطع غيار ع الفاضي خليك ف حاجة اقتصادية زي الماروتي واهي هتبقي موديل قريب وحالة جيده جدا او كيا برايد مكيفه وفي منها موديلات اوتوماتيك والاتنين دوول اعتمادية عالية وقطع غيار ببلاش وماسكين سعر ف اعادة البيع يعني لو ماعجبتكش بيع هتتباع بسرعه وبتمن كويس جدا وبرده لو عايز متانة هاتلك حته شاهين دي دفع خلفي بس بدون اي رفاهية خالص حته صاج جواها وموتور وفتيس ودواسات وعدادات وكراسي

انا بيتهيالي انك جبت من الاخر انا من مواضيعكم انتو و الاخوه في المنتدي انا عاوز اعرف ايه رايك في ابيزا 2002 و هيا ولا الجليت
انا كنت سمعت ان الابيزا الماني و سبات عالي جدا و اعتماديه و امكانيتها حلوه و في ناس قالت جوليت و انا محتار

المشاركة الأصلية كتبت بواسطة hamo81

سواء الإبيزا أو الجولف قطع غيارهم غالية ومش كل الميكانيكية بتشتغل فيهم
من 30 إلى 40 العربيات إلي ممكن تجيبها بالسعر ده
هيونداي إكسيل (95-98) - كيا برايد(2000-2002) - سكودا فليشيا(94-2000) - سبرانزا a113 (2008-2011)
ورأيي لو تنزل السوق تاخد فكرة عن العربيات المعروضة والأسعار وممكن بعدها تقرر

علي ما اعتقد ان الجولف او ابيزا او جوليت احسن ولا ايه رايك

المشاركة الأصلية كتبت بواسطة douha_wise

ممكن كمان و عن تجربه الشيرى a11 أو a15 لكن خليك فى المانيوال بس يشترط الحاله طبعا و ميكونش اتلعب فى ضفيرتها و لا وحدة الكونترول يعنى على ابوها زى ما بيقولوا و قطع غيارها متوفره فى العفشه هى الجولف و فى الموتور لو مكنش متغير فورد اسكورت 1600 و صدقنى سياره ممتازه و لو احتجت اى مساعده فيها فأنا تحت امرك

طيب ما اجيب الجولف طالما ده تقليد ليها

المشاركة الأصلية كتبت بواسطة j a g u a r

شوف دايو جوليت

تمام انا بفضل الهاتش باك بس الناس بتقول عليها خفيفه مش سابته

المشاركة الأصلية كتبت بواسطة misry

فيلت سيينا 1400 مش متهانة

أو زود شوية وهات لانوس

المشاركة الأصلية كتبت بواسطة omaradel98

فيات برافا

مش عارف ليه محدش بيشكر في الفيات

المشاركة الأصلية كتبت بواسطة white ashe

انا بيتهيالي انك جبت من الاخر انا من مواضيعكم انتو و الاخوه في المنتدي انا عاوز اعرف ايه رايك في ابيزا 2002 و هيا ولا الجليت
انا كنت سمعت ان الابيزا الماني و سبات عالي جدا و اعتماديه و امكانيتها حلوه و في ناس قالت جوليت و انا محتار

لا لو هنقارن يبقي هنا نختلف الابيزا غير موفره لو ركبتلها المكنة ال ٢٠٠٠ سي سي بس اداء محترم انما انا شايف ان مناسب ليك الجوليت ع الاقل قطع غيارها دايو لانوس فكده انت ضمنت قطع غيار ببلاش واراهن معاليك انك تدخل ورشه ميكانيكي وماتلاقيش عنده عربية لانوس فكده انتشار الصنايعية كمان انما الابيزا عايزه يامتخصص ياعك انما كثبات وكده الابيزا افضل بس لو اتظبطت ع الشعره بس الجوليت لو راكبلها جنوط سبور معاك لغاية ١٦٠ مسطره واساسا مين اللي يعدي السرعه دي ؟ بس الجوليت لو نضيفه مش هتقل عن ٤٥ لموديلات الفينات

الجولييت احسن حاجه بس متهيالي هتحتاج تزود كمان الفين تلاته
اللانوس معايا وبحبها جدا وارخص شويه م الجولييت ممكن تيجي علي 40 لو ممكن تتنازل عن طلب الهاتشباك.. كان معانا بولو زمان وكانت عربيه حلوه الحقيقه ومحستش ان قطع غيارها غاليه ولا حاجه