استفسارات بخصوص بنك فيصل

**mr_kenawy** · 17-10-2008 08:46 PM

يا جماعة انا كنت مقاطع البنوك طول عمرى و بعدين لقيت ان الحكاية دى متنفعش و ان الفلوس خطر فى البيت ده غير قيمتها اللى بتنزل و بعض الاصدقاء نصحنى ببنك فيصل باعتباره بنك اسلامى , و لما دخلت على موقع البنك لقيت حاجات كتير مش واضحة فياريت لو حد من اعضاء المنتدى عنده حساب فى البنك من زمان و يقدر يجاوب على بعض الاستفسارات يبقى مشكور و جزاه الله خير و اول استفسار هو هل صحيح ان البنك لا يقبل ايداع اقل من 1000 جنيه يعنى لو عايز اودع 100 او 200 او حتى 900 جنيه ما يقبلوهمش؟
و فى الحالة دى هل ممكن لو انا عايز اودع مثلا 500 جنيه ممكن اودع 1000 جنيه علشان يقبلوهم و بعدين فى نفس اليوم اسحب 500 من ماكينة الصرف و بكدة اكون اودعت ال 500 اللى انا عايز اودعهم و لا فيه موانع بتمنع الفكرة دى؟
ياريت حد يفيدنا

**mr_kenawy** · 17-10-2008 10:54 PM

ايه يا جماعة مفيش حد عنده حساب فى بنك فيصل من اعضاء المنتدى و لا ايه؟!

**ahmed1981** · 17-10-2008 11:31 PM

المشاركة الأصلية كتبت بواسطة mr_kenawy

هو هل صحيح ان البنك لا يقبل ايداع اقل من 1000 جنيه يعنى لو عايز اودع 100 او 200 او حتى 900 جنيه ما يقبلوهمش؟

بنك فيصل له حد أدنى لفتح الحساب
تقريباً الحد الأدنى = 2000 جنيه مصري

المشاركة الأصلية كتبت بواسطة mr_kenawy

و فى الحالة دى هل ممكن لو انا عايز اودع مثلا 500 جنيه ممكن اودع 1000 جنيه علشان يقبلوهم و بعدين فى نفس اليوم اسحب 500 من ماكينة الصرف و بكدة اكون اودعت ال 500 اللى انا عايز اودعهم و لا فيه موانع بتمنع الفكرة دى؟

الفكرة قابلة للتنفيذ
تروح تفتح حساب بالمبلغ المحدد حد أدنى لفتح الحساب
وتاني يوم تسحب الفلوس وتسيب مئة جنيه في الحساب مفيش مشكلة لكن مش هيخش عليهم أرباح لو كانو أقل من الحد الأدنى
وبالنسبة للفيزا ببنك فيصل بتاخد حوالي عشرة أيام لإستخراجها

**mabdelaziz** · 18-10-2008 12:04 AM

بنك فيصل فيه نوعين من الحسابات
حساب جارى بالإطلاع وده ليس له حد أدنى ولو وصل رصيده ل 1000 جنيه ممكن تحول المبلغ للحساب الاستثمارى عن طريق موقع البنك, الحساب الجارى ليس له أرباح.
ميزة الحسابات فى بنك فيصل إنك ممكن تحط فلوس بأى عملة فى نفس رقم الحساب, يعنى جنيه ماشى دولار ماشى يورو ماشى ريال سعودى ماشى كله بنفس الرقم.

أما بقى حساب الاستثمار الحد الأدنى له 1000 جنيه مصرى أو 500 دولار أمريكى أو 2000 ريال سعودى أو 250 جنيه استرلينى.الأرباح على الحساب الاستثمارى بتتحسب كل 3 شهور ميلادية.

أعتقد إنك ممكن تودع مبلغ أقل من ألف جنيه بس هيبقى فى الحساب الجارى بدون أرباح يعنى.

دى صفحة أنواع الحسابات لو تحب تعرف معلومات زيادة:
http://www.faisalbank.com.eg/FIB/Edkhar_1.jsp

**mr_kenawy** · 18-10-2008 12:47 PM

بنك فيصل له حد أدنى لفتح الحساب
تقريباً الحد الأدنى = 2000 جنيه مصري

الف شكر على ردكم بس هى المشكلة مش فى فتح الحساب اول مرة بس اللى فهمته ان اى ايداع بعد كدة لا يمكن يقل عن الف جنيه , و ده طبعا غير منطقى يعنى لو عايز افتح حساب لبنتى اللى عندها سنة مثلا أحطلها كل شهر اى مبلغ يتوفر 100 او 200 او حتى 500 جنيه يقولولى ما ينفعش يااما الف و الا لأ؟ و لا انا فاهم غلط؟

**mr_kenawy** · 18-10-2008 12:51 PM

و ياترى لما بفتح حساب بيكون جارى و استثمارى فى نفس الوقت و لا لازم افتح حساب جارى و حساب تانى استثمارى برقم تانى و مصاريف تانى؟

و علشان اشترى شهادات ادخار او وثائق صناديق الاستثمار لازم يكون عندى حساب و لا مش شرط؟

**mabdelaziz** · 18-10-2008 04:40 PM

المشاركة الأصلية كتبت بواسطة mr_kenawy

و ياترى لما بفتح حساب بيكون جارى و استثمارى فى نفس الوقت و لا لازم افتح حساب جارى و حساب تانى استثمارى برقم تانى و مصاريف تانى؟

و علشان اشترى شهادات ادخار او وثائق صناديق الاستثمار لازم يكون عندى حساب و لا مش شرط؟

لما بتفتح حساب بيكون جارى واستثمارى فى نفس الوقت, وعلى ما أتذكر مصاريف فتح الحساب 60 جنيه فقط لا غير.

بالنسبة لوثائق صناديق الاستثمار لا يلزم إن يكون عندك حساب, بس من الأفضل إنه يكون عندك حساب توفيراً لوقتك عند الشراء أو الاسترداد.

بالنسبة لشهادات الإدخار أنا مش متأكد يفضل حضرتك تسأل فى البنك أو لو أى حد تانى يعرف يتفضل يجاوبك.

**ahmed1981** · 18-10-2008 05:19 PM

المشاركة الأصلية كتبت بواسطة mr_kenawy

الف شكر على ردكم بس هى المشكلة مش فى فتح الحساب اول مرة بس اللى فهمته ان اى ايداع بعد كدة لا يمكن يقل عن الف جنيه , و ده طبعا غير منطقى يعنى لو عايز افتح حساب لبنتى اللى عندها سنة مثلا أحطلها كل شهر اى مبلغ يتوفر 100 او 200 او حتى 500 جنيه يقولولى ما ينفعش يااما الف و الا لأ؟ و لا انا فاهم غلط؟

أكيد حضرتك فاهم غلط

أنا من مدة قمت بإيداع في بنك فيصل مبلغ جنيه واحد فقط بدون مبالغة!!!!
بس إنت متعملش كده وحط في كل مرة لا يقل عن خمسين جنيه مثلاً عشان تبقى بفايدة

المشاركة الأصلية كتبت بواسطة mr_kenawy

و ياترى لما بفتح حساب بيكون جارى و استثمارى فى نفس الوقت و لا لازم افتح حساب جارى و حساب تانى استثمارى برقم تانى و مصاريف تانى؟

الحساب بيكون قسمين : جاري وإستثماري

**mr_kenawy** · 18-10-2008 06:03 PM

[QUOTE][أنا من مدة قمت بإيداع في بنك فيصل مبلغ جنيه واحد فقط بدون مبالغة!!!!
/QUOTE]
اودعت الجنيه فى الحساب الجارى لأنه ملوش حد ادنى , لكن وفقا لموقع البنك على النت الحد الادنى لفتح الحساب و لأى ايداع هو 1000 جنيه , و لا حضرتك متأكد انك اودعت الجنيه ده فى الحساب الاستثمارى , و الف شكر على الردود.

**mr_kenawy** · 18-10-2008 06:05 PM

بس إنت متعملش كده وحط في كل مرة لا يقل عن خمسين جنيه مثلاً عشان تبقى بفايدة

هو احنا مش سايبين كل البنوك و بنتعامل مع بنك فيصل علشان ما نستخدمش مصطلح فايدة ده و نستبدله بالارباح , مع تحياتى

الموضوع: استفسارات بخصوص بنك فيصل

LinkBack

أدوات الموضوع

عرض

-

-

المواضيع المتشابهه

استفسارات بخصوص فكترا a

استفسارات بخصوص جين 2

استفسارات بخصوص فئة c

شقة فاخرة للبيع باول شارع فيصل ترى كوبرى فيصل

استفسارات بخصوص ال 323

الكلمات الدلالية لهذا الموضوع

المفضلات

المفضلات

ضوابط المشاركة