صوت غريب شوية بعد تغيير تيل فرامل ام 11

**khaled_Saga** · 14-07-2014 10:19 PM

السلام عليكم ورحمة الله وبركاته

رمضان كريم يا جماعة وكل عام وانتم بخير

كان فيه صوت صفارة جاى من ناحية العجلة الشمال ادام بقالو فترة طويلة وانا مكسل لكن ربنا كرمنى وقررت اروح للميكانيكى النهاردة فك التيل ونضفه والصفارة راحت بس التيل كان متاكل وعلى اخره فقولنا نغيره عشان الطنبورة متخربش وفعلا اشتريت التيل وغيرناه.

الغريب بعد غيرت التيل بدأت اسمع صوت زرجنة غريب كده جاى بردو من العجلة الشمال زى ما تقول حاجة مكلبشة فى الطنبورة وبحس الزرجنة دى لما بتحصل فى الطارة .. الصوت بيروح وييجى وبييجى اكتر على السرعة الخفيفة اوى وبيروح لما بشعر فرامل فرجعت للميكانيكى تانى قالى من غير مايجرب العربية ده عادى على ما التيل يطبع مع الطنبورة فسبته ومشيت ولما رجعت البيت فكيت العجلة وركبتها تانى لانى مقتنعتش بكلامه فالصوت راح شوية فعلا بس رجع تانى بعدها بساعات.

تفتكروا ده ممكن يكون ايه؟ انا حبيت اسأل عشان اجمع اراء وابقى فاهم عشان لما اروحلو تانى ميشتغلنيش .. انا عموما لو الصوت على بكرة ماراحش هرجعلو تانى اخليه يركب ويجرب بنفسه بس اتمنى تقوليلى اراءكم.

ولكم جزيل الشكر

**hugan** · 15-07-2014 03:10 AM

هل هلالك
ايه النور ده
كل عام وانت بخير خالد باشا
استني يومين وشوف التيل هايطبع فعلا علي الطمبوره

**Melad Sedky** · 15-07-2014 10:58 AM

غالبا لما ركب التيل ركبه قافش شوية .. مفتكرش انها مشكلة انه يطبع .. التيل عشان يطبع ممكن تلاقيه بيصفر شوية وممكن يعمل براده سودا وميمسكش كويس لحد اول 500 متر تقريبا .. لكنه يمسك علي فردة دي يبقي في الغالب التيل قافش عليها بزياده.. وحلها انه يفكه ويظبطه

**khaled_Saga** · 15-07-2014 02:17 PM

المشاركة الأصلية كتبت بواسطة hugan

هل هلالك
ايه النور ده
كل عام وانت بخير خالد باشا
استني يومين وشوف التيل هايطبع فعلا علي الطمبوره

ياااااه نورك والله يا ابراهيم باشا
كل سنةو انت طيب يارب .. والله انت وهيما وكاتوبا وكل الناس دى ليها وحشة عند والله بس غصب عنى الشغل ومشاغله ووقت رمضان ضيق اوى انت عارف..

للاسف مش بيجمعنا غير المشاكل

ان شاء الله هحاول مغيبش عليكم وابتدى ارجع اشارك تانى

**khaled_Saga** · 15-07-2014 02:23 PM

المشاركة الأصلية كتبت بواسطة melad sedky

غالبا لما ركب التيل ركبه قافش شوية .. مفتكرش انها مشكلة انه يطبع .. التيل عشان يطبع ممكن تلاقيه بيصفر شوية وممكن يعمل براده سودا وميمسكش كويس لحد اول 500 متر تقريبا .. لكنه يمسك علي فردة دي يبقي في الغالب التيل قافش عليها بزياده.. وحلها انه يفكه ويظبطه

شكرا يا ميلاد على ردك .ز فى الحقيقة مش فردة وحدة بتقفش .. انا قصدت بصوت زرجنة مش قفش بس هى حاجة انا مش عارف اوصفها بصراحة هو صوت بيحصل وانا ماشى عادى من غير فرملة وبحسه فى الطارة كمان .. عموما انا روحت للميكانيكى النهاردة خليته فك التيل ونضفه وركبناه تانى وهجرب واشوف ايه الاخبار

**khaled_Saga** · 15-07-2014 02:24 PM

الف شكر يا جماعة لكل من تكرم بالرد

احنا نضفنا التيل النهاردة وركبناه تانى وان شاء الله هجرب النهاردة كده واشوف ايه الاخبار واقولكم

**hemaa_82** · 15-07-2014 03:20 PM

حمدالله بالسلامة ...... تيل من ابو كام ؟؟؟؟؟

لو من العادي ...60 و 70 و لحد ال 100 ...عادي خالص .... لو الصوت مضايقك خلي الميكانيكي ياكل منه علي الصاروخ

**khaled_Saga** · 15-07-2014 09:43 PM

المشاركة الأصلية كتبت بواسطة hemaa_82

حمدالله بالسلامة ...... تيل من ابو كام ؟؟؟؟؟

لو من العادي ...60 و 70 و لحد ال 100 ...عادي خالص .... لو الصوت مضايقك خلي الميكانيكي ياكل منه علي الصاروخ

محمد باشا كل سنة وانت طيب ورمضان كريم

تيل من ابو 70 جنيه .. انا بجرب اهو دلوقتى وتقريبا مظهرش الصوت خالص النهاردة.
للعلم هو مش صوت صفارة ومش معاه ضغطة الفراملة .. بالعكس ده بيختفى لو فرملت هو عبارة عن صوت زرجنة او حشرجة كده مش عارف اوصف!

**hemaa_82** · 16-07-2014 10:04 AM

سوستة التيل بتبقي زباله ... فالتيل بيريح من مكانه... بيلمس الطنبورة فيعمل صوت خفيف قوي كان في حديدة بتحك في حديدة بس اقل كتير لانه تيل مش حديد....
حبه كدة و هتسمع صوت تكتكة من سوستة التيل برضه لانها هتنعم اكتر و لقمة التيل بتبقه مهزوزة مع المطبات .....

مش عارف بس منظري هركب تيل من ابو 200 عند المتحدة او رشاد او اجيب الاصلي من تكنو بقي و ربنا ينتقم من تجار قطع الغيار الضلالية

-

الموضوع: صوت غريب شوية بعد تغيير تيل فرامل ام 11

LinkBack

أدوات الموضوع

عرض

-

-

-

المواضيع المتشابهه

سؤال غريب شوية

طلب غريب شوية

سؤال غريب شوية

سؤال غريب شوية !!!

طلب غريب شوية

الكلمات الدلالية لهذا الموضوع

المفضلات

المفضلات

ضوابط المشاركة