ارتفاع الاكسنت ار بي عن الارض والمطبات

**MLM88** · 14-07-2014 11:25 PM

انا كنت بدور على عربية اوتوماتيك جديدة في حدود ال 130 الف, وكنت استبعدت الاكنت من فترة عشان سمعت من ناس شارياها ان لما حد بيركب في الكنبة ورا العربية بتهبط وبتكون قريبة من الارض وبتحك في المطبات, بس مع الاسف مش لاقي عربيات اوتو في السعر ده من غير مشاكل, هل حد يعرف اذا كانت المشكلة دي اتحلت في موديل 2015 او لو ليها حل تاني سهل؟ وهل في حاجة احسن في السعر ده ممكن اشوفها مفيهاش المشكلة دي, فكرت في الرية وناس قالت استهلاكها للبنزين سيء. نرجو المساعدة.

**toty_305** · 14-07-2014 11:34 PM

-مش بتحك في كل المطبات ..المطبات الهرمية فقط و الحل أنك بتاخد المطب بالعرض الريو تقريبا نفس الارتفاع فرق بسيط
-العربيات اللي أرشحها لك كبديل ريو بعديها بيجو 301.

**MLM88** · 14-07-2014 11:39 PM

المشاركة الأصلية كتبت بواسطة toty_305

-مش بتحك في كل المطبات ..المطبات الهرمية فقط و الحل أنك بتاخد المطب بالعرض الريو تقريبا نفس الارتفاع فرق بسيط
-العربيات اللي أرشحها لك كبديل ريو بعديها بيجو 301.

شكرا للرد, لا انا صرفت نظر عن البيجو من فترة, طيب اية رأي حضرتك, هل الموضوع ده يعتبر مقبول وهل الفتيس الاوتوماتيك فيه مشاكل؟ هل تعتبر افضل شيء في السعر ده؟

**Adnfalcon** · 14-07-2014 11:50 PM

العربيه فعلا واطيه بس الحل بسيط
تجيب 2 علايه الومنيوم وتروح لبتاع عفشه شاطر و هتحس بفرق
بس اجمالا عربيه تحفه

**ahmedelrayan** · 14-07-2014 11:59 PM

انا لسة مشترى الاكسنت 2015 لاخى والعربية كويسة وموضوع المساعدين الخلفى دى ليها بدل الحل الف وبعدين مفيش عربية بدون مشاكل واحنا فضلناها عن الريو عشان قوة الموتور وعشان استهلاكية جدا فى البنزين وبالتوفيق

**MLM88** · 15-07-2014 12:44 AM

المشاركة الأصلية كتبت بواسطة ahmedelrayan

انا لسة مشترى الاكسنت 2015 لاخى والعربية كويسة وموضوع المساعدين الخلفى دى ليها بدل الحل الف وبعدين مفيش عربية بدون مشاكل واحنا فضلناها عن الريو عشان قوة الموتور وعشان استهلاكية جدا فى البنزين وبالتوفيق

الاكسنت رجعت دخلت دماغي تاني بس هو ده الموضوع اللي مقلقني, طيب في ايه حلول مثلا؟ هل في مساعدين افضل ممكن الواحد يركبهم؟
وايه اخبار الفتيس الاوتوماتيك ؟ هل فيه مشاكل؟

**MLM88** · 15-07-2014 12:45 AM

المشاركة الأصلية كتبت بواسطة adnfalcon

العربيه فعلا واطيه بس الحل بسيط
تجيب 2 علايه الومنيوم وتروح لبتاع عفشه شاطر و هتحس بفرق
بس اجمالا عربيه تحفه

هي عجباني فعلا ولولا الموضوع ده كانت هتكون اختياري بدون تردد. هل العلاية دي بتسبب مشاكل في الثبات؟ هل ممكن لو ركبتها تخرجني برا الضمان؟

**kokowasfy** · 15-07-2014 01:12 AM

نصيحة بلاش عليات و الكلام دا فى عربية زيرو !!!!!!!! يجماعة مكنش الخواجة غلب لما تلعب فى مناسيب العربية هتبوظ الثبات و اداء العربية بشكل عام و انا شايف الاكسنت اختيار كويس و مشفتش ناس كتييير اشتكو منها زى منافسيها و موضوع العلو عن الارض دا نسبى و على حسب تعودك على العربية بس

**Adnfalcon** · 15-07-2014 01:50 AM

المشاركة الأصلية كتبت بواسطة mlm88

هي عجباني فعلا ولولا الموضوع ده كانت هتكون اختياري بدون تردد. هل العلاية دي بتسبب مشاكل في الثبات؟ هل ممكن لو ركبتها تخرجني برا الضمان؟

عايز اي كلام ولا حاجه متجربه ؟
انا عليت عربيه اخويا و كان بيجيب 200 بدون اي قلق
والكلام دا مش بيطلع من الضمان
المساعدين لو تعبانين يتغيروا فالتوكيل
دي الخلاصه

**toty_305** · 15-07-2014 10:07 AM

المشاركة الأصلية كتبت بواسطة mlm88

شكرا للرد, لا انا صرفت نظر عن البيجو من فترة, طيب اية رأي حضرتك, هل الموضوع ده يعتبر مقبول وهل الفتيس الاوتوماتيك فيه مشاكل؟ هل تعتبر افضل شيء في السعر ده؟

-أنا طريقى عامة مفيش مطبات غريبة فحكاية الحك ده مش حكاية يعني حكت 3 مرات في 3 سنيين ..المشكلة لو حمولة كبيرة و مسافر على طريق وحش هتحس بتفاصيل الطريق جامد
-الفتيس تمام متجرب في سيراتو بردو
-أحسن عربية في فئة دي ريو ﻷنها أفخم و الاتنين واحد كعفشة وفتيس و ميكانيكا بس انا بالنسبة ليا ال 1600 حسمت الاختيار بدون تفكير
-1400 بعد 5 -6 سنوات هيقل أدائه جامد و هي زيرو مش هتحس قوي بالفرق