إستشارة بخصوص شراء سيارة نمر سياحة
السلام عليكم
قدامي عربية مع واحد صاحب شركة سياحة.....جايبها سياحة من فترة و بيبيع دلوقتي
العربية حالتها كويسة و فايقة و هو بيقولي أنه خلاص دفع جماركها و ناقص شوية أجراءات و يعلق نمر ملاكي عادي.
بس هو طبعاً مش حابب يروح يدفع ترخيص و خلافه في عربية بيبيعها.
أيه أحسن طريقة أشتريها منه و أنا مطمن.
هو بيقول أنه هيديني إفراج جمركي و عقد مسجل و شهادة مخالفات و شهادة بيانات تقريباً.
هل ده يكفي و أكون مطمن أن ورقها مش مضروب مثلاً ؟
أنا عرضت عليه أني أدفع فلوس الترخيص و التسجيل و يكتبها بأسمي فى المرور على طول و هو معترضش.
رأيكم أيه ؟