سمعت ان فيه ماروتي شكل جديد نزلت مصر و كمان مكيفة؟ حد عندة معلومات أكتر عن الموضوع دة
عرض للطباعة
سمعت ان فيه ماروتي شكل جديد نزلت مصر و كمان مكيفة؟ حد عندة معلومات أكتر عن الموضوع دة
الماروتي بتنزل بتكييف من الاول وهي 3 سلندر
لا يابشا الماروتى مبتنزلش بتكييف بس انا فعلا سمعت على الخبر ده وهتكون كالتالى : مرشوشه الاكصدامين - جنوط سبور - تكييف - مراريات مرشوشه - 2 زجاج كهربا واحتمال يكبروا الموتور ده الكلام ده انا سمعته معرفش صح ولا لأ.
المواصفات دي موجودة فعلا بس مش ماروتي , دي عربية صيني شبه الماروتي بالظبط و فيها اوبشنز أعلى , وأعتقد إن أسمها جين ألتو
العربية دي انا شفتها في اسكندرية فعلا بس مش عارف اسمها
حد عندو معلومات عنها ؟؟
انا كمان شوفتها انهاردة فى سوق السيارات وهى بصراحة عجبانى بس عايزين اى معلومات عنها يا شباب؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟ بلييييييييييييييييييييييز
يا جماعة حد يؤد علينا بقا بجد كدة عيب ما فيش اى تعاون ولا اى استجابة بصراحة هنا فى قسم سوزوكى عكس كل الاقسام التانية مش عارف لية بجد
العربيه دى يا جماعه اسمها سيتى سبيريتcity spirit ودا تحليل ليها من وجهة نظرى المتواضعه:
1-المميزات:-
- كماليات اكتر من الماروتى
- ارخص من الماروتى الف و نص او الفين(كنت جايب عربيتى ب 35ونص و دى كانت قدامى ب 34 علما ان انا جبت واحد معرفه معايا عشان بنزلى من 36 الى 35ونص فى الماروتى)
2-العيوب:-
-شكلها اسوأ من الماروتى بمراحل
- موتورها 1100 يدون زياده ملحوظه عن الماروتى فى السحب او العزم
-عفشتها اضعف من الماروتى(ودا من واحد جارى جايبها-وقال العربيه بقالها سنه و العفشه بدات تخبط)
-بيقولوا قطع غيار رخيصه بس المشكله ان انا مقدرتش اتأكد عشان ملقيتهاش متوفره زى قطع غيار الماروتى
-سعر اعاده البيع اقل بكتير من الماروتى (و دا فى كل الصينى بالاضافه انالعربيه مش معروفه فهتلاقى سوقها تقيل)
- دا بالاضافه الى عيوب الفئه دى الموجوده اساسا من صغر حجم الشنطه و ضيق السياره
3-الاستخدام:-
-معموله كتقليد للماروتى لحل مشكله نقص الكماليات فيها مع سعر ارخص و دا طبعا على حساب الجوده لذا لو واحد عايز يجيبها لازم تكون للاستخدام الخفيف اوى سوا بنت فى الجامعه و موظف بيروح شغله لكن بدون تحميل العربيه و الضغط على العفشه
فى حين ان الماروتى ممكن تستخدم لعيله صغيره وطبعا الشباب فى الجامعه و ايضا استخدامى ليها كعربيه اشغال شاقه كمندوب دعايه فى شركه ادويه
بالنسبه للتكييفانا هقول وجهه نظرى ان التكييف ممكن يركب للماروتى عشان بتنزل مكيفه فى الهند و ال94 و 95 فى الماروتى مكيفه و ايضا على حد قول احد الاخوه هنا فى المنتدى ال2001 ايضا مكيفه و اكيد التكييفات دى ليها قطع غيار سواء كومبريسور او سربنتينه او مواسير او غيره يعنى ممكن نشتريها من المحلات و نركب التكييف بس السؤال هنا بتتباع فيييييييييين؟؟؟
و بعدين الاخوه اللى بيفترضوا ان التكييف هيتعب المكنه دا ثابت ان التكييف لما يشتغل كتير بيقلل عمر المكنه عن اللى مفيهاش تكييف او مبيشتغلش كتير و دا فى كل العربيات من الماروتى للعيون و البى ام
و بعدين اللى بيقول ان الموتور 800 سىسى و 3 سلندر و هيكون ضعيف و هيبوظ بسرعه احب اقول انا مش رايح اجيب تكييف لانوس اركبه على الماروتى انا هاجيب تكييف ماروتى للماروتى و بكده عمر موتور الماروتى المكيفه هيكون زى عمر موتور اى عربيه كبيره مكيفه علما ان كومبريسو الماروتى صغير مش زى العربيات الكبيره
الطلب هنا ان اى حد محتاج التكييف يسعى و يدور على التكييف بتاعها و اول ميلاقى يا ريت ميبخلش علينا بالافاده
و السلام