يا جماعة انا الماروتى بتسخن حتى مع مشوار صغير عايز اعرف دة علشان ماشى على الاول كتير ودة بسبب الشوارع الواقفة على طول ولا اية ويا ريت حد يقولى اعمل اية فى تبديل سرعات الفتيس لانى لسة جديد فى السواقة
عرض للطباعة
يا جماعة انا الماروتى بتسخن حتى مع مشوار صغير عايز اعرف دة علشان ماشى على الاول كتير ودة بسبب الشوارع الواقفة على طول ولا اية ويا ريت حد يقولى اعمل اية فى تبديل سرعات الفتيس لانى لسة جديد فى السواقة
بص يا باشا انا اول ماجبت العربيه قالولى العربيه دى بتسخن بس ماشفتش كده اثناء تعاملى -العنيف- معاها بل ان التبريد بتاعها اكتر من رائع لحد ما يوم كنت خدت مشوار سفر ساعتين و بعدين وقفت فى زحمه لقيت الحراره على الشرطه قبل الاخيره ووقفت و حطيت ميه عشان لقيتها ناقصه و بعد كده اتكرر الموضوع دا لحد ما رحت لبتاع رادياتير لقيت 3 خروم فى الرادياتير و قام بلحامهم و من يومها و هيه مازادتش تانى
فانت اكشف على الرادياتير و الحم اى خرم فيه ممكن ينتج من اى حاجه ممكن تعدى من الشبكه وتوصله و اطمن دا بحصل فى كل العربيات خصوصا ان معظم العربيات الرادياتير بتاعها الومنيوم اما الرادياتير النحاس فدا اقوى و بيتحمل اقوى من الالومنيوم و عموما ناس كتير بتعمله فى كل العربيات و لو هتعمله نحاس هيكلفك من 250 الى 300 جنيه بس انا مش شايف ليها لازمه اوى انت الحمه و خلاص و هيمشى حلو
و فيه ممكن المشى على الاول كتير مع الحر و الزحمه ممكن يرفعوا الحراره برضه فا خلى بالك الاول بيكون للطلعه بس و بعدين انقل تانى و دا بيكون مع تعودك على العربيه و حاول تنزل باليل شويه لما الدنيا تبقى فاضيه و لف شويه عشان تاخد على عربيتك
والله الكمبيوتر كان بايظ واول ما قرات ردك لا يسعنى الا شكرك يا استاد تامر بجد رد وافى جدا ويارب يخليلك عربيتك ويحفظهالك من كل شر بس لى سؤال هل المؤشر بتاع الحرارة لما يجى فى النصف مش معناة ان العربية سخنت ولا اية معلش انا تقلت عليك
وكما للاسف لقيت التابلوة مشقوق هل لو رحت اجيبة من التوكيل هيبقى غالى ولا اية
علي فكرة
عندي الالتو اصلا مؤشر الحرارة متعاير علي النص
يعني لما بتدور وتسخن بيثبت علي النص و مش بيعلي بعدها
الاول إتأكد ان من وضع المؤشر و يا ريت حد من الزملا اللي معاهم ماروتي يقولك هل هي زي الالتو في ده ولا لأ
الحاجه التانية ممكن يكون مشيك علي الاول السبب
ديما حاول ما تمشيش علي الاول كتير
و كمان ما تقرصش علي الغيارات"يعني ما تجيبش السرعة القصوي للغيار "
و مافيش مانع انك تخلي حد يبصلك علي الريداتير وانك تشوف المية ايه اخبارها, ويستحسن لو تحط مية خضرا بدل المية العادية
بالنسبة للتابلوة بتاعها مش هاتلاقيه غالي ان شاء الله.
معذره على التأخير
مؤشر الحراره الطبيعى فيه النص و لما يعلى عن النص حاجه بسيطه المروحه ساعتها بتشتغل و بتنزله تحت النص بشويه و هكذا متوسط الحراره النص