اتوبيس خبطنى و جري

**dizel** · 15-07-2014 12:37 PM

كل عام و انتم بخير

ارجوكم افيدوني

امبارح الساعه 3 الظهر واقف مستنى دورى عشان ادخل الشارع يمين و الطريق واقف, اتوبيس هيئة نقل عام ازرق كان بيحاول يطلع مني شمال و لقي رصيف قدامه لان الشارع ضيق قام حاككلي بجنب الاتوبيس من اول الببان القدامانيه للاتوبيس لحد ما خرج بالكامل ,,,, اما عندى ف الفانوس بالرفرف بالاكصدام شمال كله اتدغدغ..... و لما بكلمه قل ادبه و لولا انى معايا مراتي مكنتش سببته,,, قلتله هاتيجى معايا اعمل محضر الركاب اخدوه و قلوله امشى و سيبك منه :((((
و مشى :((( مشعارف يرضى مين ده

المهم العربية فاضلها شهرين على التامين و هى موديل السنه دى 2014 سيراتو

قولولى اعمل ايه غير المحضر و الاجرائات ايه عشان اصلحها ؟!!

و بعدين المرايا اليمين مكسوره.... ينفع اخلى التامين يصلحها بالمرة و لا دى لازم اجرائات جديدة؟!!!

انا كتبت شكوه فى هيئة النقل العام و قدمتها اون لين على البوابه الحكوميه غير الايميل الى بعته لهيئة النقل العام.... تفتكروا فى امل حد يرد و هل فى حاجة تاني كنت المفروض اعملها؟؟؟!!!

افيدونى افادكم الله .....
كل سنه و انتم بخير

**M R. Z E C O** · 15-07-2014 12:57 PM

مخدتش نمرة الاوتوبيس او اسم السواق ورقم البطاقة ..لو معكش بيانات مش هتعرف تثبت حاجه

**dizel** · 15-07-2014 01:20 PM

المشاركة الأصلية كتبت بواسطة m r. Z e c o

مخدتش نمرة الاوتوبيس او اسم السواق ورقم البطاقة ..لو معكش بيانات مش هتعرف تثبت حاجه

معايا رقم الاتوبيس اللي علي اللوحه المعدنيه و الرقم في الهيئة الل 4 ارقام اللي علي القزاز بس معييش اسم السواق و لا بطاقته و ده اثبته في المحضر

**lanos2004** · 15-07-2014 01:32 PM

طب الحق اعمل الاوراق المطلوبه وقدمها قبل اما معاد التامين يروح عليك

**kantofanto** · 15-07-2014 09:33 PM

يعوض عليك ربنا و الحمد لله ان حضرتك بخير ،حاول تعمل محضر فى القسم عشان تثبت حالة على طول .

**insurancebroke** · 15-07-2014 09:50 PM

قدر الله وما شاء فعل
ممكن تكلمني عشان اقولك علي الاوراق المطلوبة
المحضر والمقايسه

**dizel** · 16-07-2014 11:26 AM

متشكر جدا على اهتمامك و ردك .... هاكلمك النهارده

**Abo.Moazz** · 17-07-2014 10:50 PM

متخافش
التأمين هيقوم بالتصليح كله لو لسه فترة التأمين معدتش
وأى حاجة قديمة أو خبطة حصلت فالعربية خلال السنة دى هتقول للتأمين عليها وهيصلحهالك
انت بس هترفق المحضر ولو فى أى خبطات فى العربية هتقوله إن العربية إتخبطت وهيه واقفة وكده كده العربية هتتصلح
معلش ... قدر الله وماشاء فعل
بس أنا لو منك كنت هركب الأتوبيس وأخد المفتاح من السواق وأسيبه يخبط راسه لحد ما الشرطة تيجى