احدث التجارب لتنظيف الموتور من الداخل كأنه بحاله المصنع جديد جديد
السلام عليكم احبائي اعضاء وزوار المنتدي
بصراحه شاهدت احد جيراني بينظف موتور سيارته بطريقه أعجبتني أردت انقل لكم التجربه
قبل الفطار بالأمس لقيت جار لي فاتح الكبوت وفاصل البطاريه وبيرش علي جميع اجزاء الموتور اسبراي بصراحه شد انتباهي اللمعه اللي بقت في الموتور سألته ايه اللي معاك بتلمع بيه
مفاجأه بصراحه لقيته ماسك علبه كيتو رش بتاع الناموس العلبه لونها اصفر المهم استغربت علي اللي بيعمله المهم فضي العلبه ورش كل حته في الموتور وبقماشه قطن قعد يمسح الاوساخ والتراب وكل اللي كان موسخ الموتور بصراحه الموتور بقي فله فله بيلمع ويبرق كأنه جديد
ايه رأيكم في التجربه دي علما بان الماده اللي مصنوع منها الكيتو او البيروسول أشبه بالجاز يعني بيدوب الشحم والزيوت
يا ريت اللي عنده معلومه هل الكلام ده صح ولا غلط يفيدنا علشان الكل بيتعلم
علي فكره لما سألت جاري علي اللي بيعمله رد
وقاللي اعتبرني بغسل العربيه بمسدس جاز في البنزينه الأتنين زي بعض الجاز زي البيروسول
منتظر المشاركه والرد وبخاصه اصحاب التجارب