احدث التجارب لتنظيف الموتور من الداخل كأنه بحاله المصنع جديد جديد

**atpo56a** · 15-07-2014 06:27 PM

السلام عليكم احبائي اعضاء وزوار المنتدي
بصراحه شاهدت احد جيراني بينظف موتور سيارته بطريقه أعجبتني أردت انقل لكم التجربه
قبل الفطار بالأمس لقيت جار لي فاتح الكبوت وفاصل البطاريه وبيرش علي جميع اجزاء الموتور اسبراي بصراحه شد انتباهي اللمعه اللي بقت في الموتور سألته ايه اللي معاك بتلمع بيه
مفاجأه بصراحه لقيته ماسك علبه كيتو رش بتاع الناموس العلبه لونها اصفر المهم استغربت علي اللي بيعمله المهم فضي العلبه ورش كل حته في الموتور وبقماشه قطن قعد يمسح الاوساخ والتراب وكل اللي كان موسخ الموتور بصراحه الموتور بقي فله فله بيلمع ويبرق كأنه جديد
ايه رأيكم في التجربه دي علما بان الماده اللي مصنوع منها الكيتو او البيروسول أشبه بالجاز يعني بيدوب الشحم والزيوت
يا ريت اللي عنده معلومه هل الكلام ده صح ولا غلط يفيدنا علشان الكل بيتعلم
علي فكره لما سألت جاري علي اللي بيعمله رد
وقاللي اعتبرني بغسل العربيه بمسدس جاز في البنزينه الأتنين زي بعض الجاز زي البيروسول
منتظر المشاركه والرد وبخاصه اصحاب التجارب

**kantofanto** · 15-07-2014 06:35 PM

شكرأ على الموضوع جامد اووى و مشاركة مميزة.
متابع

**shiko85** · 15-07-2014 06:50 PM

وعليكم السلام ورحمة الله وبركاته
طيب ما الفوم بيعمل كده و مش بيأثر على الماتور لان الــ كيتو زى الجاز بيأثر على مواتير العربيات الجديده

**atpo56a** · 15-07-2014 06:54 PM

وعليكم السلام ورحمة الله وبركاته
طيب ما الفوم بيعمل كده و مش بيأثر على الماتور لان الــ كيتو زى الجاز بيأثر على مواتير العربيات الجديده
يكفيك غسل وتنظيف أمام بيتك وبكام بــــ 5جنيه ثمن علبه البيروسول ووتنظف انت بمزاجك مش شغل الكروته واقلب الزبون علشان اللي بعده ـــــــــ عدي طريق للي بعدك يا أستاذ

**shiko85** · 15-07-2014 07:05 PM

انا قصدى تشترى علبه الفوم و تنضف الماتور بنفسك
البنزينه اى كلام فعلا و ضغط المياه بيكون شديد و بيبوظ الحساسات
لما بكون عند الميكانيكى و يكون مزاجه رايق بينضف الماتور بالهواء و بعد كده بيجيب سفنجه و صابون سائل و ينضف حوض الماتور و بعض الأجزاء من الماتور اللى مش هتتأثر بالمياه و ينشفها و بعد كده بينضف الأجزاء البلاستيك بفوطه او بالفوم لو معايا و النتيجه بتكون ممتازه

**kokowasfy** · 15-07-2014 07:29 PM

بعد ما ترشة هيلمع و بعديها هيلم كمية تراب كبير جداااااااااااااااا و هتقلب بوساخة جامدة اوى فى متور العربية الانها مادة لازجة بتجذب التراب جدا

**kantofanto** · 15-07-2014 07:48 PM

انا مع رأى الفوم بصراحة بس هو الميكانيكى ينضف الماتور أحسن و لا البنزينة ؟

**shiko85** · 15-07-2014 07:51 PM

المشاركة الأصلية كتبت بواسطة kantofanto

انا مع رأى الفوم بصراحة بس هو الميكانيكى ينضف الماتور أحسن و لا البنزينة ؟

مسدس المياه اللى فالبنزينه + العامل اللى بيغسل الماتور كافيين جدا انهم ينهوا عمر جميع الحساسات
الميكانيكى فاهم و مش مستعجل

**ahmedamgad18** · 15-07-2014 09:19 PM

انا عن نفسى لا اضع مسدس المياه بداخل حوض الموتور ابداااا .... هو مسدس الهواء
واوقات على رواقه اجيب مياه وبرسيل وبالرغوه بتاعته اغسل الموتور بعيدا عن الحساسات وبخاخه مياه ارش
وانشف على طول مكان المياه وادور الموتور عشان ينشف اى مياه

**atpo56a** · 16-07-2014 01:25 AM

يا ريت المشاركه للأهميه علشان اللي جرب الموضوع ده يعطينا الرأي ويا ريت التفاعل من كل اللي يقرأ الموضوع

الموضوع: احدث التجارب لتنظيف الموتور من الداخل كأنه بحاله المصنع جديد جديد

LinkBack

أدوات الموضوع

عرض

-

-

-

-

-

المواضيع المتشابهه

طريقة عملية ومجربة لتنظيف فلتر الهواء دون الحاجة الى شراء اخر جديد

بعض التجارب لتنظيف الصالون الاسود

مطلوب بريماسيل جديد او بحاله جيده

مساعده لانى هشترى لانوس جديد وكاش ايهما افضل معرض ام المصنع

كورولا 93 بحاله نادره جدا( بحاله المصنع) للبدل ب civic si

الكلمات الدلالية لهذا الموضوع

المفضلات

المفضلات

ضوابط المشاركة