من مرور السلام الى الاميريه يا قلبى لا تحزن

زى ما انتوا عارفين سكان ع شمس و المطريه اتنقلوا من السلام للاميريه روحت اجدد رخصتى سنه قالولى لازم تجيب مخالفات من السلام روحت السلام جيبت المخالفات و بعدين روحت تانى الاميريه قالولى لازم تفحص و العربيه اصلا موديل 2013 ياجدعان يعنى لسه فاحص من سنه المهم فحصت تانى و ختموا الطفايه و روحت عشان يشوفوا شنطه الاسعاف و المثلث بنت كده قالتلى الشنطه ناقصه وتشترى واحده جديده ب76 جنيه بصتلها و قلتلها مفيش الكلام ده الشنطه سليمة راحت كاتبه ان الشنطه تمام و مفيش مشاكل .. المهم خلصت اللفه ديه و سلمت الملف على 10 و فضلت مستنى ساعه اتنين تلاته لغايه اما فهمنا المرور ده ماشى ازاى .... المرور واخد تعليمات يخلص بتوع الاميريه و الزيتون الاول و ده فعلا الى حصل بحد اقصى 12 ماكنش فاضل غيرنا بتوع ع شمس و المطريه و فضلنا ملطوعين لغايه الساعه 3 بعد ماكل الناس مشيت و فالاخر ادونا الرخصه 6 شهور مش سنه و لما سالت ليه قالولى عشان هنبعت نجيب ملفك من السلام :crying2:
طب مكناش بقى فحصنا و لا جبنا المخالفات من هناك ماانتوا كده كده هتجيبوا الملف ... بجد انا حزنت من المرور ده

ايه علاقه اﻻميريه بالمطريه
مش كل اداره منفصله لوحدها

اقتباس:

---

المشاركة الأصلية كتبت بواسطة hugan

ايه علاقه اﻻميريه بالمطريه
مش كل اداره منفصله لوحدها

---

و كان ايه علاقه السلام ب ع شمس اهو كله بالحب

هو موضوع الشنطة انا مش فاهمة كل مرور بمزاجة حلوان مش بيجيوا سيرتها

اقتباس:

---

المشاركة الأصلية كتبت بواسطة merosss

هو موضوع الشنطة انا مش فاهمة كل مرور بمزاجة حلوان مش بيجيوا سيرتها

---

و لا السلام بيسال عليها

نصيحه يا باشا اعمل استعجال ملف علشان لما التصريح ده ينتهى هتاخد تصريح تانى

اقتباس:

---

المشاركة الأصلية كتبت بواسطة mahmoud_ali

نصيحه يا باشا اعمل استعجال ملف علشان لما التصريح ده ينتهى هتاخد تصريح تانى

---

و ده بيتعمل ازاى

متابع

تصدق احنا معانا عربية التويوتا كورولا كانت مرور المقطم وبعد التسجيل اتنقلت للمنوفية والكلام ده من سنتين لحد يومنا هذا ماشى بالتصريح المؤقت اللى بيتجدد 6 شهور بـ 6 شهور وعمال يدفعك في كل مرة وانت اصلا المفروض انك دافع ترخيص 3 سنين
بلد مترهلة !

هو التصريح بيبقى شبه الرخصه؟؟ لان الى معايا رخصه عاديه بس تنتهى بعد 6 شهور

هوا اسمه استعجال ملف يا باشا وده بيتعمل فى المرور اللى العربيه كانت تابعه ليه لانك هتفضل تاخد تصريح فى تصريح لحد متزهق

للتذكرة :Oc_sun1[1]:
http://www.nilemotors.net/Nile/424958-a-2.html

متابع

سؤال معلش يا رجالة ... هو مرور السلام دلوقتي بقي السلام والمرج بس ولا ايه ؟ انا سمعت ان كل الملاكي اتنقل الاميرية والسلام بقي اجره فقط ... حد رخص في السلام قريب يفيدنا في الحوار ده؟

لا الى مشيوا بس بتوع ع شمس و المطرية الباقى زى ماهم

نفس اللي حصل معايا بالظبط من سنة 1999 لحد 2014 تبع مرور العجوزة و عملنا كل حاجة فحص و الطفاية و كله فجأة عرفنا إننا اتنقلنا الدقي و طبعا 6 شهور عقبال ما الملف يوصل بس طبعا هتاخد كذا تصريح لحد ما متزهق.

لازم نبتسم
احنا فمرور مصر
اومال نعصب الناس والورق يخلص ف 5 دقائق