أنا باعت جواب بعلم الوصول من حوالى شهر ونص أو شهرين
ومفيش اخطار جالى لحد دلوقتى !!!!
عرض للطباعة
هو ياشباب عادى ان اى محامى بعد مايخلصلى قضية معينة الغى له التوكيل حتى لو بعد كده عوزت استخدمه تانى
ولا انتو بتتكلموا فى حالة حدوث خلاف؟
يا جماعة انا شغال دعم فني في الشهر العقاري
اهم حاجة في موضوع توكيلات المحامين انك بعد ما تعمل التوكيل للمحامي يكون معاك صورة منه
عشان بعد كده تعرف تلغيه
التوكيل العام للمحامي لا يجوز البيع بيه يعني المحامي ما ينفعش يبيع حاجة ملكك او يشتريلك حاجة
بس ممكن يعمل كده
1- ممكن عقد ايجار مضروب و يوقعك في مشاكل
2- ممكن يدخل اسمك في تاسيس شركة برضه مضروبة
3- ممكن تكون انت رافع قضية على حد و هو بالتوكيل ده يبيعك للطرف التاني و يتصالح بموجب التوكيل (و دي اعتقد اهم نقطة) و يكون حقك راح هدر
4- اي حاجة تاني بتبقى على حسب ما انت كاتب في التوكيل عشان كده لازم قبل ما تمضي على اي ورقة تقراها كويس جداااا
بالنسبة لإرسال صورة من إخطار الإلغاء بالبريد المسجل بعلم الوصول, هل فى أى حاجة بتثبت إن اللى أنا أرسلته ده إخطار بإلغاء التوكيل؟
أصل أنا لغيت توكيل لمحامى ورحت البريد وحطيت صورة فى ظرف وكتبت عنوانه واسمه على الظرف, وطلبت من الموظف فى البريد إنه يرسلى الخطاب ده مسجل بعلم الوصول, وقلت له إن ده صورة من إلغاء التوكيل للمحامى, بس الكعب اللى أنا أخدته من البريد مفيش فيه أى شئ يشير لإن محتوى الخطاب المرسل بعلم الوصول هو إخطار بإلغاء توكيل محدد؟
ياترى كده كفاية ولا فى إجراء تانى لازم أعمله؟
شكراً
الساده الافاضل ،الغاء التوكيل القضايا هام جدا اذا كنت لا تثق في المحامي ويكون الغاء التوكيل والعلم به بثلاث طرق .
الطريقه الاولي يتم توقيع المحامي علي ظهر التوكيل بتنازله عن الوكاله ويقوم بكتابه التاريخ علي التوقيع .
الطريقه الثانيه والثالثه يتم التوجه الي الشهر العقاري والغاء التوكيل ثم اخطار المحامي بالالغاء اما بمسجل بعلم الوصول او بانذار علي يد محضر ولابد من توقيع المحامي عليه وليس غيره.
او الذهاب الي المحامي بصوره الالغاء وتوقيعه عليها بالعلم بالالغاء .
وهذه الحاله او الطريقه الاولي اصح حتي لا يقوم برفع دعوي تقدير اتعاب لانك الغيت التوكيل لو كان النزاع مازال مستمر
اوف انا عندى توكيل لمحامى ومتخانق معاة جامد بس للاسف معنيش صورة من التوكيل
ممكن اعرف ازاى الغى التوكيل ؟؟؟؟؟؟؟؟؟؟ وانا معنيش صورة من اصل التوكيل اصلا ؟؟