السلام عليكم و كل سنة و انتو طيبين ...
بقالى فترة بفكر اشترى تربة و اتبرع بيها لدفن الفقراء و المساكين , رحت النهاردة مدافن المنارة اللى عند كلية الهندسة باسكندرية سألت واحد من الشغالين هناك قالى ايوه فيه تعالى شوفها , رحت معاه ولما وصلنا شاورلى على تربة لسه مبنية جديد و معلهاش لوح رخام و مكانها وسط الترب بتاعة الناس قولتلوا حلو مين صاحبها قالى انا صاحبها قولتله ازاى مش المفروض التربة دى ملك الحى او ادارة الجبانات قالى لأ احنا هنا 30 تربى ماسكين المدافن وكل واحد ليه جزء , قولتلوا يعنى أنا حشتريها منك قالى أه قولتلوا على كام قالى 15ألف وأنا مهاودك فيها عشان حتعملها لله ,,,
ايه رأيكوا أنا مش مقتنع ان هو صاحبها مع انه قالى حنروح الحى و ادارة الجبانات عشان كل حاجة تبقى قانونى , وكمان أنا شايف المبلغ قليل قوى ؟!!!