تحذير هام جدا و خطير بخصوص المولدات

**boomboomzoro** · 16-07-2014 10:17 AM

السلام عليكم و رحمه الله و بركاته
أكتب هذا الموضوع خصوصا في ظل الظروف العصيبه التي تشهدها معظم المحافظات من حراره الجو مع زياده معدلات إنقطاع التيار الكهربي

أحد أقاربي كان في زياره لعياده طبيب...نظرا لتكرار إنقطاع التيار قام الطبيب بشراء مولد كهرباء ليتمكن من تشغيل الأجهزه خلال فترات إنقطاع التيار

المشكله أن الطبيب بحكم كونه جديد في موضوع المولدات وضع المولد في أحد غرف العياده

بدأت المشكله حينما إنقطع التيار الكهربي و تم تحميل المولد....فوجئ الموجودون بالعياده بحالات إغماء الجالسين واحد تلو الآخر كل علي قدر تحمله

وصل عدد حالات الإغماء إلي 8 حالات ما إستدعي طلب الإسعاف التي جاءت متأخره بعد 30 دقيقه تقريبا و لولا ستر الله لكانت بعض الحالات قد تعرضت لأذي شديد خصوصا أن من بينهم من كان يعاني من الحساسيه و الربو

بسبب وضع المولد في مكان مغلق و غير جيد التهويه زادت نسبه العادم في جو العياده و قلت نسبه الأكسجين ما أدي إلي حدوث حالات الإغماء المتتاليه

الموضوع هنا هدفه تحذيري لكل من يمتلك مولد أو يفكر في إقتنائه حيث يلزم أن يوضع في مكان جيد التهويه حتي لا يؤثر العادم في المحيطين

تجربه واقعيه حقيقيه برجاء نشرها للإفاده

جزاكم الله خيرا
رمضان كريم

**amrelsaqqa** · 16-07-2014 10:30 AM

انا اسف بس اسمحلى ازاى دكتور ويغلط غلطة بشعة زي دى
ده العادم بيطلع اول اكسيد كربون يعنى بلاوى زرقا بتوصل لتلف خلايا المخ وقتى

حمد لله ع السلامة وشكرا على التحذير

**boomboomzoro** · 16-07-2014 10:46 AM

المشاركة الأصلية كتبت بواسطة amrelsaqqa

انا اسف بس اسمحلى ازاى دكتور ويغلط غلطة بشعة زي دى
ده العادم بيطلع اول اكسيد كربون يعنى بلاوى زرقا بتوصل لتلف خلايا المخ وقتى

حمد لله ع السلامة وشكرا على التحذير

السلام عليكم
أنا بصراحه مش متخيل للآن كيف يقع دكتور في هذا الخطأ الفادح؟!
أعتقد أن كثره إنقطاع التيار الكهربي في أوقات متعدده من اليوم ما يجعل المرضي في العياده يغادرون دون كشف هو ما دفع هذا الطبيب إلي فكره المولد مع التساهل الشديد إلي حد الإهمال في تقدير عواقب وضع المولد في أحد غرف العياده

جزاكم الله خيرا

**rotanamasoud** · 16-07-2014 02:12 PM

معروف قواعد الامان
مكان جيد التهويه بعيد عن الاستخدام(بلكونه-جراش مفتوح-سطح)
ابعاد المولد عن الحوائط بمسافه لا تقل عن50 سم من جميع الاتجاهات والافضل 1 متر
توجيه فتحه العادم الى مكان مفتوح زى باب الجراش
ممنوع اطلاقا تزويد المولد بالوقود وهو يعمل او وهو مازال ساخن
ابعاد جراكن الوقود بمسافه امنه جدا عن المولد
عدم تحميل المولد لاحمال اعلى من المسموح بها(بترفع درجه حرارته جدا)
طبعا اللى يقدر يجيب طفايه حريق ويخليها جنبه يكون اامن
طبعا مفيش حد بيطبق نص الكلام ده
حتلاقى فى توقيعى تقرير عن المولدات

**rotanamasoud** · 16-07-2014 02:20 PM

اما الناس اللى شايفه ان دكتور يقع فى الخطء ده انتو مشوفتوش دكاتره اليومين دول
انا بعد فى بلاى استشن وعارف كميه دكاتره وصيادله من الجيل الجديد 25 سنه تفكيرهم ملوش علاقه بالطب هى مش كل حاجه فى مصر باظت جات على دول
تخيل بيسمعو موالد اللى هى زى العصابه والديابه وحجات سوقيه شعبيه فظيعه ولما اقولهم لما انتو تشغلو الحجات سورى يعنى العربجيه تشغل ايه
ايام الكليه دفعه 2000 كنت بستمتع جدا لما اقعد مع زمايلى الاطباء(انا مش دكتور)تحس بمستوى ثقافى وفكرى عالى وتبقى مش عايز تقوم من القاعده لاستمتاعك بمحتوى الكلام والاستفاده من معرفتهم العلميه

**drcobra** · 16-07-2014 05:24 PM

نفس اللى حصل معايا بالمس
كنت واخد بنت اختى( 3 ايام) اكشف عليها انا وزوج اختى
طبعا الكهرباء كانت مقطوعة وكان الدكتور بيحاول يشغل المولد ومعرفش وجاب ناس تانية تشغلة
اول ما المولد اشتغل طبعا ريحة العادم كلها فى المكان وقفنا برة ومقدرناش ندخل اللا على ميعاد الكشف

**mahmoud_ali** · 16-07-2014 06:35 PM

المشاركة الأصلية كتبت بواسطة rotanamasoud

معروف قواعد الامان
مكان جيد التهويه بعيد عن الاستخدام(بلكونه-جراش مفتوح-سطح)
ابعاد المولد عن الحوائط بمسافه لا تقل عن50 سم من جميع الاتجاهات والافضل 1 متر
توجيه فتحه العادم الى مكان مفتوح زى باب الجراش
ممنوع اطلاقا تزويد المولد بالوقود وهو يعمل او وهو مازال ساخن
ابعاد جراكن الوقود بمسافه امنه جدا عن المولد
عدم تحميل المولد لاحمال اعلى من المسموح بها(بترفع درجه حرارته جدا)
طبعا اللى يقدر يجيب طفايه حريق ويخليها جنبه يكون اامن
طبعا مفيش حد بيطبق نص الكلام ده
حتلاقى فى توقيعى تقرير عن المولدات

بالظبط كده