ارغب في شحن سيارة لمصر

السلام عليكم ,
كل سنة و الجميع بصحة و خير

انا مقيم حاليا فى السعودية و تحديدا فى الرياض و كنت بفكر اشترى سيارة من هنا و اشحنها على مصر
و سوف اشتريها زيرو من التوكيل موديل السنة و مالك اول ان شاء الله
نوع لسيارة نيسان جوك 1600 سى سى
و كان عندى استفسارات ارحجو المساعدة

1- ما هى الاجراءات و الوراق المطلوبة
2- كام الجمارك المتوقعة علي السيارة علشان اعرف هتفرق و لا لأ
3- كيفية شحن السيارة من الرياض الى مصر جوي و لا بري
4- لو حد يعرف معلومات عن شركات الشحن و الاسعار
5- هل ممكن اخى فى مصر يستلم السيارة بتوكيل رسمى عام منى


و شكرا

وعليكم السلام ورحمة الله وبركاته
هى سعرها كام فالسعوديه ؟؟؟

بص يا باشا
محتاج اصل اول رخصه واضح فيها تاريخ التملك او خطاب من مرور البلد موثق من الخارجيه المصريه يفيد تملكك للسياره في سنة الموديل وانك المالك الاول للسياره
وصوره من جواز السفر يكون كان في نفس وقت تاريخ شراء العربيه

اما بالنسبه للسعر المستحق للجمرك فبما ان العربيه 1600 سي سي فا حيبقى فيه 40% ضريبه جمركيه_15% ضريبة مبيعات_ 3% رسم تنميه ...... ودي كل المعلومات الي اعرفها :) وبالتوفيق انشاء الله

رأى لو حضرتك لسه هتشترى يبقى اشترى من مصر و ريح نفسك
اعتقد السعر هيكون متقارب

قبل ماتشتري اتأكد الاول من الوكيل والمرور انك ممكن تاخد شهادة مالك اول
وماتشتريش غير لو في خصم محترم
غير كده وفر على نفسك وهاتها من هنا

عن تجربه
متتعبش نفسك و هاتها من مصر
مش هتفرق في السعر كتير و اهي تبقي ضمان التوكيل

الموضوع ملوش اي لازمة
حتقف عليك اغلى من مصر
انا جربت فى نيسان صنى و طلعت اغلى تقريبا ب 10 آلاف غير البهدلة و المصاريف التانية و الشحن و لو وصلت كويسة اصلا - فصرفت نظر
خلي بالك فى الخليج بيعطوك السيارة عليها خصم كبير و لكن الجمارك على سعر الاصلي و ليس سعر الشراء و بالتالي حيبقى سعر مبالغ فيه جدا اغلي من مصر