عندك حق
عرض للطباعة
عندك حق
الكوميك رهيب d:
ممكن احكي قصة حصلت قدّامي?
كنت مع واحد صاحبي من ايام الثانوي, اخوه الصغير ملازم اوّل طيّار. ف أيام الحظر كنّا بنخش ع الكماين بالليل بالعربية بتاعته ( عليها نمر وكل حاجة - متفيّمة 80%), ف كل كمين نقف فيه الظابط يقوله رُخصك؟ يقوم مطلّعله الكارنيه كده من بعيد فيقوله اتفضل :)
لحد ما جه كمين على كوبري قصر النيل.. مين كان واقف فيه؟ ظابط أمن وطني!! - حاجة كده أعلى من امن الدولة. وكان لابس جاكيت فمكنتش رتبته ظاهرة.
ف بيقولّه رخصك؟ قام مطلع الكارنيه.. فالظابط بصّله شذراً قاله وريني رُخصك!! قام الواد قايله بصّ في الكارنيه يا باشا..
فجأة الاقيلك الظابط وشه اتضرب الوان.. وقعد يزعّق فينا... وانزلّي من العربية دلوقتي, انت بتقولي بص في الكارنيه قدام الأمناء بتوعي؟ انت شايفني خو* واقف قدامك؟
المهم فتّشونا وقّفونا صف ووشّنا للنيل.. والظابط شغّال زعيق, جه عند صاحبنا بتاع الكارنيه وقالله " انت عارف الأ*ـا؟ انا هربّيك" d: كل ده وانا مش مصدّق نفسي.
المهم 20 دقيقة وجه نقيب داخليه معرفة صاحبنا ده وفضل يتكلّم مع ظابط الامني الوطني اياه ويراضي فيه لحد ما سابنا نمشي.
والى هذا الحين.. كل ما اخش على كمين ركبي بتخبّط.
شكراً.
الشيخ كشك الله يرحمة قال ان تسعة اعشار الظلم في مصر والتسع العاشر يجوب العالم نهار ويبيت ليلته في مصر
للاسف حقيقة
هههههههههههههههههههههه
ركب مين ياعم
ده كويس انه ماامرش امناء الشرطة بتوعه انه يرميكم فى النيل
طب بس راح نعمل ايه
ماهى الحال رجع انيل من الاول
والبشر الغيلان هم هما
رتب ومناصب بتخدم على بعض
راح الاستعمار الخارجى ووقعنا تحت الاحتلال الداخلى
اما الغلبان لازم يطاطى والا نهاره يبقى اسود من ليله