عرض للطباعة
السلام عليكم
سؤال هو اللى بيسرق كهرباء من البيت بتتحسب على مين ؟
توضيح اكتر
فى العماره عندى (أعتقد) فى 2 مشغلين التكييفات بره العدادات (سرقة كهرباء) استهلاكهم بقى بيتحسب على مين ؟؟ وبيبقوا موصلين من ايه يعنى ؟
و لو عايز أبلغ بس معنديش دليل بس متأكد أعمل ايه ؟
للاسف عندي كم حرامي من دول يا باشا لدرجة انهم قالولي انت عبيط
استهلاك الكهربا دة علي الدولة الا في حالة واحدة لو فية عداد مجمع تحت علشان نور السلم ساعتها يبقي بيتوزع علي السكان
للاسف على الدوله
ولو انت متأكد روح بلغ ودى ومتقولش اسمك وهما بيفرحوا فى الحاجات دى اوى
حسب واخدين منين لو من الصاعد بتاع الشقه قبل العداد بتاعهم يبقى على الدوله و لو من كهربة السلم يبقى على السكان كلهم
من غير دليل ممكن تعمل محضر فى شرطة الكهربا ان فاتورة السلم عاليه و انك شاكك ان حد سارق كهربا منكم و هم بيعملو معاينه و محاضر للناس اللى سارقه
مين اللى قالك انت عبيط ؟؟اقتباس:
المشاركة الأصلية كتبت بواسطة سامح سامي
اعتقد لما بتبلغ بييجوا يكشفوا و يتأكدوا من الموضوع ده غصب من عن اى حد و محدش يقدر يمنعهم هى المشكله بس فى بعد كده هتخلق مشكلة مع جيرانك او صاحب العماره
و عندنا نور سلم فعلا وموتور مياه وبيتقسم علينا فلوسهم اخر كل شهر .. كده بيتحسبوا فيهم ؟
طب مفيش طريقه معرفش بيها جيرانى انى انا اللى مبلغ ؟
وانا طلبت سرعة الرد علشان فى فنيين جايين دلوقتى علشان فى ضعف فى التيار عندنا وتقريبا بسبب التكييفات دى فمش عارف اقولهم موضوع السرقه ده ازاى وانا مش معايا دليل وفى نفس الوقت مش عايز حد يعرف انى مبلغ عن حاجه زى دى علشان ممكن تحصل مشاكل كبيره لو الموضوع صح فعلا لانه بيبقى فيه سجن و غرامة ماليه +8000
يا سيدى الفاضل لو رحت قلتلهم بلسانك مش بلاغ رسمى هيجوا جرى وهيفرحوا انهم عملوا شغل ومش هيعرفوا اسمكاقتباس:
المشاركة الأصلية كتبت بواسطة mostafa fahmy
ثانيا دا يبقى خير انت عملتوا
مباحث الكهرباء بتتمنى اى بلاغ من ده
وللاسف اللى زيهم كتير جدا واللى بيقع منهم مفيش تفاهم بيدفع مبلغ محترم يخليه يحرم يعملها
ما احب علي قلب شركة الكهرباء حاليا
حاجة زي كده
وعلى فكره اكث واحد بيتعامل مع مباحث الكهرباء ويقوم بالابلاغ وله نسبه (مكافأه) على ضبط الحاله هو .. قارىء العداد
ممكن تكلمه بعيد عن العماره وهو طبيعى مش هيعرفك ولا يعرف اسمك لانه لايتعامل معك مباشر مثل المحصل
كلم القارى وهتلاقى تانى يوم مباحث الكهرباء فصلت كهرباء العماره من المفاتيح ودخلت شقه شقه وشغلت المواتير والسخانات والتكييفات دى طريقتهم فى كشف السرقه
ايه الدراما دي كلها !
انت هتبلغ .. ومش هيحصل حاجه
ياعم ده في شوارع كاملة بدون عدادات وبدون اي حساب .. ومباحث الكهربا راحه جايه عليها عادي
وعمارات كامله بدون عدادات وبدون اي مصاريف شهريه .
على كل حال التبليغ مش بيكون في القسم .. التبليغ في ادارة الكهرباء "في مكتب لمباحث الكهرباء"
روح وجرب ومش هيطلب بياناتك ولا حاجه
بخصوص انه يدخل الشقق ويشغل السخانات والتكييف .. الخ
دي حركة فهلوه منهم بس بيعملوها مع الناس الغلابه .. لكن ده غير قانوني
علشان يعمل كده محتاج اذن نيابه .
مفيش حاجه اسمها يدخل الشقق غصب عن صحابهم ويجرب الاجهزه بدون اذن نيابه .
مباحث الكهربا
الأخ الفاضل:
ضعف التيار مش معناه إن الجيران سارقين كهربا خالص ده معناه إن البوكس الداخل للعمارة ضعيف و عايز حد يكشف عليه و الله أعلم
أما بقى حساب الكهرباء المسروقة هاشرحلك و إنت هاتعرف لوحدك على مين
العمارة داخل ليها كهرباء كالتالى:
1- السلم و المناور و الأسانسير و مواتير الماء - عداد خاص بيهم
2- كل شقة عداد
الحساب بيكون من قراءة العدادات - يعنى لو حد عداده فيه مشكلة سريع - بطئ - بايظ - ده هايأثر على فاتورته و بس مش هايأثر على قوة الكهرباء
لو حد سارق كهربا من قبل العداد نفس الكلام
لكن لو حد سارق من كهربا السلم دى هاتسمع فى عداد السلم و هاتكون مكشوفه أوى لأن نور السلم و الأسانسير سحبهم لا يقارن بالتكيف