بورسعيد .... المدينة الباسلة

**amrrashed** · 18-10-2008 01:45 AM

اروحها ازااااى من القاهرة .... والطريق حلو ولا لأ وكويس بالليل ولا لأ وياخد اد ايه وشكراااااااااا

**Nour_Peugeot** · 18-10-2008 01:48 AM

ضرتك تتطلع علي طريق المطار و من بعديه تاخد طريق الاسماعيليه

بالمرور علي مدينة العبور

و كمل الطريق لاخره هتوصل و الطريق كويس بس فيه رادار ممل بليل

**OZYDREAMS** · 18-10-2008 02:21 AM

بلاش بالليل احسن لان الطريق وحش وكمان فى كمين بعد الرادار رخم اوى بيتلكك على اى حاجه وبيشوف البطايق ورخم اوى خليك الصبح احسن ...

**amrrashed** · 18-10-2008 03:05 AM

شكرا ليكم يا جماعة طب ايه اخبار الطريق الساعة 6 الصبح مثلا؟ شبورة سحابة سودا ؟

**amrrashed** · 18-10-2008 03:08 AM

المشاركة الأصلية كتبت بواسطة ozydreams

بلاش بالليل احسن لان الطريق وحش وكمان فى كمين بعد الرادار رخم اوى بيتلكك على اى حاجه وبيشوف البطايق ورخم اوى خليك الصبح احسن ...

شكرا على ردك بس ممكن تقولى وحش ازاى بالليل؟

**dr_shady** · 18-10-2008 03:19 AM

بص يا عمرو باشا أنا سافرت بور سعيد باليل و لقيت في وسط الطريق قبل ما أوصل الاسماعيلية الأرض مفروشة كلها رمل و ممكن تزحلق عربية أجدع سواق لو كان داس فرامل....يعني مفيش أمان خااااالص.
تاني حاجة كنا ماشيين ورا مقطورة كبيرة و احنا ماشيين سريع و فوجئنا بان الاستبن بتاع المقطورة اللي قدامنا وقع و كان ممكن يقلب العربية ....انت عارف استبن العربيات دي عاملة ازاي......كبيييييير جدا و احنا كنا راكبين لانسر ساعتها.
أهم حاجه ان بعد الاسماعيلية كده و انت رايح بورسعيد حوالي150كيلو ضلمة كحل مفيش حتى نور في الشارع و طبعا انسى الاستراحات طول الطريق....أخرك بتاع المانجا بعد الاسماعيلية :k5:
المهم خلي بالك من نفسك و أهم حاجة تسافر بدري في النهار و انت نايم و فاطر كويس لزوم الصحصحة :k20:
و سلملي على المعدية يا باشا

**amrrashed** · 19-10-2008 02:02 AM

الف شكر يا دكتور شادى على المعلومات وربنا يسلم طريقنا

**WalidAdel** · 19-10-2008 02:37 AM

المشاركة الأصلية كتبت بواسطة dr_shady

.
أهم حاجه ان بعد الاسماعيلية كده و انت رايح بورسعيد حوالي150كيلو ضلمة كحل مفيش حتى نور في الشارع و طبعا انسى الاستراحات طول الطريق....أخرك بتاع المانجا بعد

ازاي ياباشا 150 كيلوا و الطريق كله من القاهره لحد بورسعيد 180 كيلو كله علي بعض و الطريق لحد الاسماعيليه بس 120 كيلو و بعد الاسماعليه لبورسعيد 75 كيلو

شوف ياباشا مع احترامي طبعاً للاعضاء اللي ردوا
انا الطريق ده مشيت عليه كتير اوي بحكم شغلي كمقاول و شوفت طرق كتير و مشيت علي طرق كتير اسوا من ده
الطريق نسبيا كويس في من العبور لحد مدينة العاشر من رمضان حيبقي زحمه علشان بيبقي في تريلات كتير و عربيات نص نقل و كده من بعد العاشر حتلاقي مصنع الصفدي علي اليمين حيبقي الطريق فاضي و كويس شويه و حتلاقي الكارته تقول للراجل اللي قاعد تذكره بورسعيد ب 4 جنيه علشان لو مقلتش حيديك واحد ب 2 جنيه دي لحد الاسماعليه و حضطر تقطع تذكره عند بورسعيد
الطريق من بعد الكارته الاولي لحد السماعليه كويس و منور كله لحد ماتوصل الاسماعليه و تمسك طريق بورسعيد
وصلنا الاسماعليه و الحمد لله في كوبري حتطلعه و بعديه ب 100 متر كوبري تاني تطلعه بردو حتمشي شويه حتلاقي لافته بتقول شمال الاسماعليه و في بنزينة موبيل جنب البنزينه علطول في قهوه كده في جنينه اسمها نجوم ممكن تنزل تشرب حاجه القهوه ظريفه و نظيفه اهم حاجه
حنكمل الطريق بقي الوصله اللي جايه دي ارخم حته في الطريق حوالي 30 كيلوا بتعدي علي قري كده بعد السماعليه و كوبري مبارك للسلام و القنطره الطريق ضيق حارتين بس و الاسفلت مش اوي و في مطبات هواء و خلي بالك تمشي مع الطرق علشان في دخلات و طلعات كتير حتوصل للكارته
الوصله اللي جايه بعد الكارته حوالي 35-40 كيلو كويسه حارتين بردوا و النور مش كتير فيها و في كمين هناك بتاع ردار و ميزان بسكول
حتلاقي الواد بتاع الرادار قاعد جنب لافته كبيره اوي مكتوب عليها اسم بتروجيت خالي بالك لافته واحده و كبيره علشان فبليها حتلاقي اثنين صغيرين مكتوب عليهم بتروجيت بردوا بس جنب بعض المهم لما تلاقيهم ابقي امشي براحه
كده احنا وصلنا بورسعيد و الحمد لله في كمين بقي علي مدخل بورسعيد علطول دا انا مفتكرش انه وقفني و شاف الرخص بس ايه ممكن لو شكلك معجبهوش يوقفك عادي يعني بمزاجه اراجل
في العوده بقي بليل نفس الكلام مفيش اختلاف نسبيا ماعدا حوار الاناره اللي انا اصلا مش واخد بالي منه اوي لاني مش بهتم اذا كان الطريق منور ولا لأ
الكافتريات و انت راجع في الوصله اللي هيا حتبقي قبل الاسماعليه حتلاقي كذا واحده بيركن عندها العربيات الاجره بتاعت شمال سيناء و كده كويسه بردوا و فيها اكل كويس او ممكن بعند ماتوصل الاسماعليه بالسلامه و تعدي الكافتريا (نجوم) حتلاقي بقي كافتريا (شروق) جتنب بنزينه مصر للبترول تقريباً
بالنسبه للوقت لو ماشي علي 100 طول الطريق حتاخدوا في ساعتين و نص مثلاً و بعدين نصيحه و انت علي طريق متحسبش وقت خالص كله بالتساهيل
تسافر و ترجع بالسلامه

اخر حاجه بس مفيش رادار ليلي علي الطريق هوه الواد بتاع لافتة بتروجيت بيمشي الساعه 4:30 - 5 العصر دا لو كان قاعد

**WalidAdel** · 20-10-2008 03:28 PM

العفو ياباشا علي ايه
انا بس نسين اقولك مكان 2 كمين بتوع رادار بردوا علشان يبقي انا كده الواجب بتاعك وصل كله ههههههههههههه
مدينة الشروق ليها مدخلين بعن المدخل الثاني كده في كمين و الواد بتاع الرادر ممكن يقعد علي الشمال او اليمن عادي يعني
بعد كارتة الاسماعليه حتلاقي الاسفلت مش حلو و في حفر كده و الجزيره اللي في النص حتبقي رمله كده و بتاع مره واحده حتلاقي الاسفلت بقي كويس اوي اوي اللي هو ترمي عليه شويه ميه يجروا و حتلاقي الجزيره اللي في النص بقت نجيله صناعي حتلاقي الدنيا بقت نظيفه اذ فجاتاً هنا بقي تهدب علشان في كمين كمان كام 3 كيلوا الواد بتاع الردار حتلاقي قتعد عن جزع شجره كبير كده قريب من الطريق علي اليمين بس كده الوصفه تمام
السرعه القصوي 100 كيلو

و الله المستعان

-

الموضوع: بورسعيد .... المدينة الباسلة

LinkBack

أدوات الموضوع

عرض

بورسعيد .... المدينة الباسلة - انشر الموضوع فى :

-

-

-

-

-

المواضيع المتشابهه

المدينة الفااااضلة

ينفع عربيه منطقه حره بورسعيد تتباع برا بورسعيد ارجو الافاده

المدينة الطائرة

لو سمحت يا رجالة بورسعيد أنا نازل بورسعيد وعندي سؤالين......

الكلمات الدلالية لهذا الموضوع

المفضلات

المفضلات

ضوابط المشاركة