تويوتا ياريس 2007 بتدور و تبطل تاني بعد ثواتي

السلام عليكم....
عندي استفسار بخصوص تويوتا ياريس 2007 اتوماتيك امبارح لما جيت ادور العربية بالمفتاح الماستر بتدور لثواني و بعدين تبطل تاني عملت كده ثلاث او اربع مرات بعد ده دارت لما شيلت المفتاح و دورت تاني و عملتها تاني بعدها مرة و برده دارت بعد كام محاولة علما بان العربية فيها بنزين تقريبا نص التانك.

في واحد صاحبي قالي ممكن تكون فلتر بنزين او طلمبة بنزين كلمت التوكيل النهارده لقيت اول ميعاد متاح بعد اكتر من اسبوعين. لو في اي حد يعرف حل او تفسير الموضوع ده و كمان لو يرشحلي مكان يكون متخصص في التويوتا هيأكدلي المشكلة فين علما بأني ساكن في أكتوبر ..... و شكرا

المشكلة غالبا يأما فلتر البنزين محتاج يتغير او طرمبة البنزين ودعت

هوة مفتاح حضرتك مشفر اصلى بيبقى فية حتة فحمة كدا جوة المفتاح الاصلى مش الماستر لو دورت بمفتاح تانى مش هتدور

باشا جرب جط منظف الرشاشات من شركة stp ب 35-40 جم علي تفويلة كاملة و احرق فالتنك دا و شوف النتيجة....
و برضه نظف فلتر الهواء و البوبات,,,
و خير بإذن الله

اللى يخلى العربيه تدور ثوانى وتنبطل كده احد الاحتمالات التاليه

1- طرمبه البنزين

2- حساس الكرنك


من رأيى انت تروح لكهربائى سيارات شاطر يكشف على الطرمبه وبعدين لو منفعش يغير حساس الكرنك ويشوف ايه النتيجه

اقتباس:

---

المشاركة الأصلية كتبت بواسطة m.abdou

اللى يخلى العربيه تدور ثوانى وتنبطل كده احد الاحتمالات التاليه

1- طرمبه البنزين

2- حساس الكرنك

---

+1111

المشكله فى واحده من دول

بانسبة كبيرة اوى حساس الكرنك
لو كشفت بالكمبيوتر هايقولك المشكلة فين

متشكر جدا لرد كل الناس :)..... أنا كده هشوف خلال الأسبوع ده مكان يكشفلي علي العربية و يحددلي سبب المشكلة حساس كرنك او طرمبة. أنا بفكر في الطرمبة لاني لاحظت ان قراءة عداد البنزين مش مظبوطة كان علي النص و لما حطيت بنزين العربية اخدت 40 ليتر معني كده ان التنك كان تقريبا فاضي.

حساس السلانسيه ..بس كده
يا تالف ..يا الفيشه مخلوعه مع الحركه

لسه النهارده نفس الحكايه بالضبط…. طلعت الفيشه مفكوكه