امامى a113 وعاوز مشورتكم

**MMMERO** · 17-07-2014 12:28 AM

السلام عليكم ورمضان كريم الرجاء عاوز اجيب a113 لزوجتى لتتعلم عليها السواقة واستخدامها فى مشاوير بسيطة داخل الحي فرأيكم اية من حيث الاعتمادية ورخص وتوافر قطع الغيار
ومعروض عليا العربية دى وعاوز رأيكم تسوى كام
ماركة السيارة: اسبرانزا
طراز السيارة : ِa 113ِ
موديل السيارة : 2008
فابريكة دواخل ويوجد استعدال فى الصدر على البارد نتيجة خبطة بسيطة
السقف فابريقة فقط ولا توجد تجاريح تستدعى الرش
عداد الكيلومتر 69000
تكييف وباور وسنتر وزجاج وروافع وانذار وجنوط وتعمل بكفائة
حالة الموتور والميكانيكا جيدة وتم عمل صيانة وتغيير لطقم الكاتينة فى التوكيل ولكن تحتاج لتيل وطنابير امامي
حالة الكهرباء :جيدة
حالة الصالون :جيد جدا
حالة الكاوتش و الزجاج:3 فرد جداد والزجاج لا يوجد بة شروخ
الحالة العامة جيدة وتحتاج الاتى تغيير زيت و فردة كاوتش وتيل وطنابير امامي

والف شكر مقدما

**shiko85** · 17-07-2014 12:41 AM

المشاركة الأصلية كتبت بواسطة MMMERO

السلام عليكم
وعليكم السلام ورحمة الله وبركاته
رمضان كريم
كل سنه و حضرتك طيب
الرجاء عاوز اجيب a113 لزوجتى لتتعلم عليها السواقة واستخدامها فى مشاوير بسيطة داخل الحي فرأيكم اية من حيث الاعتمادية ورخص وتوافر قطع الغيار
هقول لحضرتك تجربتى فالسواقه (حوالى 10 دقائق) و استشاره شراء (ميكانيكى شغال فالعربيات الصينى )
انا كنت حاسس ان العربيه ضيقه (مكان السائق) و وضعيه القياده مش مريحه (بس ده رأى الشخصى و ممكن غيرى يكون مختلف معايا)
لما سألت الميكانيكى على العربيه دى اول مره فحياتى اشوفه اتعصب كده و فضل يقول اشترى اى حاجه غير a113 و السبارك لانها عربيات فاشله و هو بيكرها و بيكره التعامل معاها
لكن طبعا رأى الملاك هيكون مفيد اكتر بس انا كنت عايز انقل لحضرتك الموقفين بكل دقه و حياديه

**MMMERO** · 17-07-2014 12:52 AM

الف شكر على رد حضرتك الكريم ومستنة رد الملاك الكرام

**OmarAdel98** · 17-07-2014 01:58 AM

و الله انا مش من ملاكها
بس انا شايف انها افضل سيارة مقابل سعرها لأن فئتها فيها البيكانتو و اقل فئة في البيكانتو ب86 الف جنية

**hemaa_82** · 17-07-2014 10:38 AM

الميكانيكية بيكرهوها علشان الحوض صغير و بتطلع عينين اهاليهم .... بس كدة .... انما مش لمشكلة فيها

**hugan** · 17-07-2014 10:43 PM

ال113 عربيه بياعه ومطلوبه

**MMMERO** · 19-07-2014 03:18 AM

متشكر يا جماعة على الردود انا فعلا سوقتها تكييفها كويس والبور رائع والعربية حلوة بجد بس انا عاوز اعرف منكم الحالة دى تسوي كام

**ayman salem** · 19-07-2014 06:14 AM

سيدي الفاضل
ممكن نتكلم بعمليه شويه العربيه كأوبشن كويسه علي سعرها وحاجاتها موجوده في السوق ولكن نادرا ما تصلح العربيه والحاجه الي فييها ما ترجعش تاني .. بالنسبه للتكيف كويس بس بيخلي العربيه توكتوك .. حاجتها مش رخيصه خاصه عفشتها الي كل اسبوعين عند العفشجي .. نصيحه لوجه الله لو تقدر تجيب حاجه غيرها متترددش