تقرير شراء انفرتير هندى وبطارية ديب سيكل كورى

تقرير شراء انفرتير هندى وبطارية ديب سيكل كورى

اولا بعد فترة عناء ومقارنة بين الانفرتير والمولد اخترت الانفرتير
بسبب قلة الاعطال وكهرباء نظيفة وشحن الجهاز داخل البيت
امكانية تحريك الجهاز اى مكان
غلاء البنزين
من الاخر اشتريت دماغى

طبعا كل المميزات دى مش موجودة فى المولد
الميزة الوحيدة للمولد هى القدرة تقريبا اربع اضعاف
يعنى مولد هوندا 2.7 كيلو صافى 3500 جنية
انفرتير هندى وبطارية كورى 2950 جنية

نيجى بقى للجهاز
الحمد لله جهاز محترم جدا
شغلتة 3 ساعات ونصف بخمولة
1-تليفزيون توشيبا قديم 21 بوصة
2- عدد لمبتين موفريين 26 وات
3- لاب توب
4- عدد 2 مروحة حائط

طبعا الجهاز ادى صفارة تنبية ان الشحن قرب يخلص وشغلتة مع الصفارة 10 دقائق كمان وبعدين فصلتة


طبعا بحساب التكلفة وحساب الجدوى تعالوا نحسبها

اولا عمر الجهاز اعتقد مفتوح بشرط الحفاظ علية والشركة الهندى ىبتدى 3 سنوات ضمان
ودة لينك للجهاز قدلرة 850 فولت امبير تقريبا 600 وات
http://homemania.in/su-kam-inverter-shiny-850-va/


ثانيا اهم حاجة البطارية
عمر البطارية يقاس بعدد مرات الشحن والتفريغ

يعنى لو شحنت البطارية وفضتها للاخر 100% تعمل 450 مرة
لو فضتها 50% تعمل 1000 مرة
لو فضتها 30% تعمل 1800 مرة

Life expectancy
Stand-by use 8 ~ 10 years (2

http://www.upimage.us/server/php/fil...%20%281%29.jpg

جميل جداً

طيب انا عايز اجيب انفرتر وبطاريه للكمبيوتر

باور الكمبيوتر 850 وات فعلي .. لكن انا معرفش الكمبيوتر بيستخدم قدرة الباور بالكامل ولا لأ ( أعتقد ده حسب الاستخدام عالكمبيوتر )

والشاشه lcd وسماعات

ايه المناسب له من حيث الانفرتر والبطاريه .. ويشتغل ساعتين .. ويكون بنفس نظام ال ups

يعني لما الكهربا تقطع الكمبيوتر مايفصلش

كمان عايز انفرتر وبطاريه .. لراوتر + سويتش .. ويشتغلوا ساعتين

اقتباس:

---

المشاركة الأصلية كتبت بواسطة drcobra

http://www.upimage.us/server/php/fil...%20%281%29.jpg

---

اخى العزيز السلام عليكم
هل هذه البطاريه ديب سايكل

الف مبروك و ربنا يباركلك فيهم

اقتباس:

---

يعنى مولد هوندا 2.7 كيلو صافى 3500 جنية

---

منين ده ياباشا ؟
وده هوندا يابانى اصلى وصوته عالى ولا لا ؟

تجربة مميزة
انا فعلا كنت عايز اعمل كده
بس البطاريه كام امبير
والانفرتر كام امبير
وبعدين لو انت شاحن البطاريه بالكامل وفضين في ثلاث ساعات معنى كده ان لو انور قطع ثلاث ساعات في اليوم يعني البطاريه تشتغل معاك 450 يوم فقط
وبعدين الانفرتر كلم وات
وشاحن البطاريه بكام
وعلى فكره الموضوع ده انظف 100 مره من المولد

اقتباس:

---

المشاركة الأصلية كتبت بواسطة dreamo

جميل جداً

طيب انا عايز اجيب انفرتر وبطاريه للكمبيوتر

باور الكمبيوتر 850 وات فعلي .. لكن انا معرفش الكمبيوتر بيستخدم قدرة الباور بالكامل ولا لأ ( أعتقد ده حسب الاستخدام عالكمبيوتر )

والشاشه lcd وسماعات

ايه المناسب له من حيث الانفرتر والبطاريه .. ويشتغل ساعتين .. ويكون بنفس نظام ال ups

يعني لما الكهربا تقطع الكمبيوتر مايفصلش

كمان عايز انفرتر وبطاريه .. لراوتر + سويتش .. ويشتغلوا ساعتين

---

كل الاحمال دى تشتغل بانفرتير 850 فولت امبير يعنى 600 وات
مع العلم ان الكمبيوتر مش هيكمل 100 الى 150 وات بالكتير
هنستثنى السماعات على حسب القدرة

وبعدين بلاش سماعات لما الكهرباء تقطع

الانفرتير اللى انا جايبة سعرة 1350 هندى ماركة سو كام
وفى واحد بيبيع انفرتير هندى كمان ماركة ليمونيس 1900 بعد ما كان بيبيعة 1300


بالنسبة للبطارية انا جبت من نفس المكان بطارية كورى جديدة 100 امبير
وممكن تشترى بطارية اتحاد اوروبى مستعملة 100 امبير بسعر 1300

بس بصراحة الجديد افضل
المستعمل انت وحظك

يبقى انصحك بانفرتير 850 فولت امبير وبطارية 100 امبير

اقتباس:

---

المشاركة الأصلية كتبت بواسطة sas5

اخى العزيز السلام عليكم
هل هذه البطاريه ديب سايكل

---

من البروشور هى بطارية مخصصة للطاقة الشمسية وتسمى سولار جل لاستخدامها للشحن العميق اللى هو ديب سيكل

solar gel for renewable energy needed

يعنى ديب سيكل بالفعل بس جديدة وسعرها معقول مش غالية بالمقارنة بال trojan الامريكى
وانا حسبت فى الموضوع تكلفة البطارية وعدد مرات شحنها وتفضيتها بنسب يبقى كام

وفى واحد بيبيع نوع اوروبى اسمة باور سيف مستعملة 100 امبير 1300
170 امبير 1700 جنية

اقتباس:

---

المشاركة الأصلية كتبت بواسطة amrelsaqqa

منين ده ياباشا ؟
وده هوندا يابانى اصلى وصوته عالى ولا لا ؟

---

ده هوندا برافا مكونات ايطالى نمساوى تكنولوجيا هوندا اليابانى تجميع مصرى
صوتة عالى بس افضل من الصينى
اقل مولد كاتم صوت هوندا 10000
بيتباع فى تريدكو الصياد وسط البلد وشارع الجمهورية خلف مسجد الفتح

اقتباس:

---

المشاركة الأصلية كتبت بواسطة mohammadrashee

تجربة مميزة
انا فعلا كنت عايز اعمل كده
بس البطاريه كام امبير
والانفرتر كام امبير
وبعدين لو انت شاحن البطاريه بالكامل وفضين في ثلاث ساعات معنى كده ان لو انور قطع ثلاث ساعات في اليوم يعني البطاريه تشتغل معاك 450 يوم فقط
وبعدين الانفرتر كلم وات
وشاحن البطاريه بكام
وعلى فكره الموضوع ده انظف 100 مره من المولد

---

البطارية 100 امبير

الانفرتير 850 فولت امبير يعنى حوالى 600 وات

في اليوم يعني البطاريه تشتغل معاك 450 يوم فقط

بلاش 450 لانك هتفترض كل مرة بتفضيها للاخر ودة مستحيل خلينا ناخد متوسط ال 3 احتمالات
1- 450 لو فضتها 100%
2- 1000 لو فضتها 50%
3- 1800 لو فضتها 30%

يبقى متوسط 1000 مرة على من سنين الى 5 سنين
البطارية تمنها 1600 جنية لو اشتغلت 1000 مرة يبقى المرة بتتكلف جنية وستين قرشولتر البنزين ب 2.6 جنية فى ساعتين خمسة جنية وعشرين قرش

طيب المولد الساعة بتعمل لتر او لتر ونصف لو الحمل كبير
خلينا نقول لتر تمنة 2 جنية وستين قرش

يبقى لو شغلنا مولد لمدة 1000 مرة كل مرة ساعتين يبقى 2000 ساعة * 2.6 جنية =5200 جنية
طيب لو قلنا كل نصف لتر فقط يبقى هنستهلك 1000 لتر تمنة 2600 جنية

طيب ما الانفرتير بيسحب كهربا من البيت اقولك دعم الدولة للكهربا اكتر بكتير من البنزين

طيب نحسبها ودى حسبتها اسهل بمعنى الانفرتير كل اللى هيخرجوا 600 وات فى الساعة يعنى ساعتين هيخرج 1200 وات يعنى 1.2 كيلو وات *1000 مرة يعنى 1200 كيلو طوال مدة البطارية سعرهم فى الاستخدام المنزلى هيتراوح بين الشريحة التانية والتالتة يعنى متوسط 600 جنية


يبقى مولد صينى معقول 2500 جنية خرج 2.5 كيلو
+بنزين لمدة سنتين مثلا 2500 جنية + صيانة نقول 500 جنية مثلا ؟؟؟

يبقى 5500 جنية
كل دة بافتراض انك هتحمل نصف حمل المولد يعنى قول كيلو وربع
وتستحمل الصوت والعادم والتوصيلات وتنزل تجيب بنزين وتتابع الزيت وتشد المنفلة وتحاسب من الاطفال


طيب الانفرتير 2950
+600 كهرباء + بطارية جديدة بعد سنتين1600 ويرجع الجهاز جديد
يبقى 5000
بافتراض تحميل كامل 600 وات

وتستحمل 600 وات يكفوا تليفزيون +ريسيفر +راوتر +2 مروحة +2 لمبة موفرة

يبقى للبيت طبعا الانفرتير يكتسح

بس خلي بالك من تعليمات البطاريه الديب سايكل انك متفضيهاش خالص عشان تعيش معاك
مقاتليش بتشحن البطاريه بايه؟

اخى العزيز السلام عليكم ورحمه الله
يوجد نوعين من البطاريه النوماكس 100 امبير
SG 1000H SOLAR GEL
PNB 121000H Deep Cycle
انا اشتريت الموديل SG 1000H SOLAR GEL هل يوجد فرق تقنى كبير مابين الاثنين

https://www.youtube.com/watch?v=g-YCE6eUv7M
Sinergy v/s Sukam & Luminous Power Inverter
مقارنه بين ثلاثه أنواع انفرتر هنديه

أنا كل ما أفكر فى موضوع مولد أو انفرتر ، بيوقفنى حكاية التوصيل
يعنى عشان أنور أكثر من أوضة، وتليفزيون فى الصالة ، وكمبيوتر جوه فى أوضة تانية
حاسس انها غلبة ومش متخيل هتتعمل ازاى فباجيب ورا ..

very nice idea

اقتباس:

---

المشاركة الأصلية كتبت بواسطة mohammadrashee

بس خلي بالك من تعليمات البطاريه الديب سايكل انك متفضيهاش خالص عشان تعيش معاك
مقاتليش بتشحن البطاريه بايه؟

---

البطارية بتتشحن عن طريق الانفرتير يعنى تحط فيشة الانفرتير تشحن البطارية الكهرباء تقطع تشيل فيشة الشحن وتشغل الفيشة الخارج من الجهاز

اقتباس:

---

المشاركة الأصلية كتبت بواسطة sas5

اخى العزيز السلام عليكم ورحمه الله
يوجد نوعين من البطاريه النوماكس 100 امبير
ة الديب سيكلsg 1000h solar gel
pnb 121000h deep cycle
انا اشتريت الموديل sg 1000h solar gel هل يوجد فرق تقنى كبير مابين الاثنين

---

اكيد فى فرق
بس البطارية السولار جل بتعمل بتقنية الديب سيكل
وطبعا احنا مجبرين على اللى موجود فى السوق

والاختيار كان مابين trojan امريكى فوق 4000 جنية (غالية)
power save اتحاد اوروبى مستعملة (لا انصح بالمستعمل )
newmax ودى ارخصهم وبرضوا بتقنية الديب سيكل

مبروك يا باشا

اقتباس:

---

المشاركة الأصلية كتبت بواسطة egyzizo

أنا كل ما أفكر فى موضوع مولد أو انفرتر ، بيوقفنى حكاية التوصيل
يعنى عشان أنور أكثر من أوضة، وتليفزيون فى الصالة ، وكمبيوتر جوه فى أوضة تانية
حاسس انها غلبة ومش متخيل هتتعمل ازاى فباجيب ورا ..

---

الموضوع بسيط جدا

كلمني وأنا اقولك تعمل ايه
01286896088

شكرا لصاحب الموضوع

اتمنى الجميع يستفيد

طيب لو هجيب بطارية عربية جافة ... هتعيش فى المتوسط قد ايه ؟

صديقى العذيذ نظرا لرؤيتى اياكم تناقشون حل مشكلة الكهرباء بمصر اردت اضافة شرح لهذا الجهاز وهو مولد صامت او محول جهد البطاريه المستمر الى تيار متردد اى انه لابد وان يعمل ببطارية وافضل بطاريات هى بطاريات الجل او الديب سايكل لان تقنية صناعتها تسمح بشحن وتفريغ قد تصل لمئات بل لالاف المرات وتسمح بتخزين الطاقة للاستفسار نحن وبفضل الله مستوردين جهاز سوكام الهندى ارقامى 01220076488 او 01028233770