السلام عليكم
انا معايا عربية شفورليه لانوس 2009
عايز اعرف ممكن اتكلف كام لتر بنزين فى السفر من القاهرة الى شرم انا من فيصل
وعايز اعرف ياريت الطريق بالتفصيل
انا عرفت ان المسافة تقريبا 540 كم
ياريت تفيدونى
مستنى الردود الجامدة
واشكركم مقدما
عرض للطباعة
السلام عليكم
انا معايا عربية شفورليه لانوس 2009
عايز اعرف ممكن اتكلف كام لتر بنزين فى السفر من القاهرة الى شرم انا من فيصل
وعايز اعرف ياريت الطريق بالتفصيل
انا عرفت ان المسافة تقريبا 540 كم
ياريت تفيدونى
مستنى الردود الجامدة
واشكركم مقدما
40 لتر سرعات عادية
50-55 لتر سرعات عالية
حوالى 50 لتر ذهاب ومثلهم العودة .... بالنسبة للطريق اللى انا عارفه وعلى حد علمى من اخر مرة ذهبت الى شرم تاخد الدائرى ( المنيب )
وقبل نازلة المطار فى نازلة طريق السويس تاخد طريق القاهرة السويس ... ستجد مدينة الرحاب على يمينك وبعد كده مدينة الشروق على اليسار ثم مدينتى على اليمين لحد ما تلاقى يفط اتجاه نفق الشهيد / احمد حمدى كل ده طوالى برضه وبعد لما تعدى النفق تاخد يمين وعلى طول .. مرورا بمدينة ابو زنيمة و الطور لحد ما توصل شرم الشيخ
ولو حد من الاخوة هنا عنده اى اضافة ممكن يفيدنا
انا بفكر برضه جديا انى اذهب رحلة الى شرم بالسيارة بس انا مشوارى ابعد منك عشان فى اليكس .
عليك و على جوجل خرايط
و لو معاك سمارت فون يبقى زى الفل
انا سافرت شرم بالعربية قبل كدة
سافر بالنهار
بلاش بالليل
البنزينات : مون قبل النفق
فيه هناك 2 وطنية
بعد كدة مفيش بنزينات الا كل حوالى 100 وشوية كيلو
فى مراكز المدن
فيه مناطق متعلم عليها احمر كخط فاصل بين الاتجاهين
هدى سرعتك
وخد بالك من القادم
لان دى ملفات خطر
خد بالك من ناس تيت ممكن تكبس فى تعدية سواء ناحيتك او المقابل
النفق هدى فيه وشغل النور الصغير
عايز حاجة تانى معاك وفيه برده مواضيع سابقى اتكلمت عن طريق شرم كتير
سفر شرم الشيخ بالعربيه مغامره ممتعه جدا نفسى اجربها
حوالى 100 لتر رايح راجع
بس لو ماشى على 90 طول الطريق استهلاك البنزين هيبقى حوالى 85 لتر رايح راجع
لو مش هتحتاج العربيه هناك (يعني مثلا هيبقي في باصات تبع الفندق اللي انت رايحه) و كمان مش مسافر معاك عدد كبير من الأفراد يبقي سافر بالسوبر جيت او عن طريق اتوبيسات اي شركه تانيه اريح و اسهل لان الطريق طويل و ضيق و في اجزاء كتيره منه هتلاقيه رايح راجع و اتوبيسات و نقل جايه في وشك و استهلاك البنزين هيبقي في المتوسط ١٠٠ لتر ده غير ان السواقه متعبه وهتحتاج تقف مرتين تلاته تريح ضهرك و العربيه كمان
اولا مشكور على ردك بس انا بفكر ان السفر بالعربية هيكون فى حد زاته مغامرة
وبعدين بصراحة حسبت السوبر جيت انا وزوجتى ومعاية طفلين واحد منهم 7 سنوات
يعنى هدفع 3 افراد يعنى حوالى 450 غير مواصلة من هناك الى الفندق حوالى 50 و50 اخرى وانا راجع
يعنى 550 جنيه
وفيه تاكسى من فيصل للسوبر جيت وزيه وانا راجع قول 25 رايح و25 جاى
يعنى المجموع 600
هوفر تقريبا 400 جنيه
انا بحب استفيد من خبرتكم ومستمتع جدا وعايز يكون عندى دراسة وافية عن الموضوع
اشكرك مرة تانية
السلام عليكم جميعا ورمضان كريم
شكرا على كل الاخوة اللى قاموا بالرد علية وارجوا لو فى معلومات اكتر
اخوكم عايز يطمن
ايه يا جماعة عاييزين معلومات اكتر
التعب عادة بيكون فى زحمة النغق
طبعا احتياطات السفر المعتادة للعربية
الطريق بياخد حوالى 6 ساعات
يفضل تتحرك الفجر او بعده بشوية
علشان تبعد عن حرارة الجو
خللى الرخص والبطاقة فى مكان سهل لايدك دد
يعنى يا جماعة لو فولت العربية وتوكلت على الله تكفى من فيصل الى شرم ولا ايه؟؟؟؟؟
لا طبعا ما تعتمدش على كدة لانك بتخاطر
حتى لو ااستهلاكك اقل من تنك
فول فى فيصل
فول قبل النفق من وطنية هناك
طريق شرم فيه بنزينة كل 100 الى 150 كيلو
ولازم يكون معاك بنزين للرجوع
واغلبهم هناك مصر للبترول والجمعية
جوة شرم فيه موبيل ووطنية وواحدة بس على الطريق وطنية
الطريق
بعد كارتة السويس هتعمل يوترن
تدخل اول يمين
هتلاقى صينية بعد شوية
ويفط للنفق
تلاقى كارتة النفق ثم النفق
ممنوع التجاوز فى النفق
هتطلع منه
تعدى على راس سدر
وكمين عيون موسى
فيه ملفات خطر عند ابو زنيمة
اياك تقول مفيش حد قدامى وتتجاوز فيه او تزود سرعة
ممكن ما تشوفش اللى قدامك غير على 30 متر
وادى كلاكسات كتير
ونفس الوضع قبل شرم ب 20 كيلو
نصيحه متزودش السرعه عن 120 ولو اقل يبقي احسن وخلي بالك من الجمال في الطريق ! الخبطه بفوره وخصوصا من راس سدر لحد ابو زنيمه وبعد كده من الطور لحد شرم.
النهار احسن حاجه يديلك مجال رويه اكبر وخلي الفرامل علي الشعره وربنا معاك
بس متنساش اخوك لو ذهبت الى هناك تيجى تعمل لنا تقرير وتقولنا السكة ايه نظامها بالتفصيل عشان استفيد وباقى الاخوه كمان