فات الكثير مش باقى الا القليل

يا جماااعه الشهر قرب يخلص وتقريبا محدش توصل الى اى معلومات نهائيه عن موضوع مثلث المرور المعتمد وشنطه الاسعاف
كلها عشره ايام وتلاقى ظباط المرور منتشرين فى كل ركن

ومجهزين السكاكين عشان دبح مالكى السيارات :funny34d:


ولحد الان مش عارفين منافذ البيع فين و قربت المهله على الانتهاء
بصراحه معنديش استعداد حد يوقفنى ويسحب رخصتى :ph34r:

فما التصرف ............؟ :pissedoff:
اللى يعرف اماكن البيع يقولنا

انا برضه قلقان لأن مقالوش علي منافذ بيع زي ما قالوا ولا بتاع
ولو حد جه قاللي رخصك معكش شنطة مش عارف هعمل إيه ساعتها

مش كان معاكي سيلف ديفنس :thinking:

غالبا مش حيقوالوا الا لما يجمعوا كميه مخالفات حلوه يعني :)

فعلاً الموضوع بقي مقلق و مفيش اخبار طب ايه الواحد يتصرف من بره و لا حنتم الصفقه بتاعت المثلثات اللي احنا قعدنا نعد فيها دي ..............؟

اعتقد ان ده مقصود علشان يتم عمل مخالفات كثيره جدا لجمع وسرقه اكبر قدر من المال

امال هم عاملينه ليه ؟
وكمان سايبينه غامض وكأنه سر عسكرى مش حته مثلث وشنطه ؟

طبعا علشان كل اللى اشترى يقولوا له مش قانونى وكمان علشان يطبخوا العمليه ويرسى العطاء على الحرامى اللى تم تفصيل القانون له لانتاج المثلث والشنطه

انا سمعت ان الموضوع ده لسه هيتناقش فى مجلس الشعب
(الظاهر اننى بسمع حاجات غريبة و كتيرة اليومين دول)
إن شاء الله لمل اروح هاعدى على المرور و احاول اعرف حاجه

tab aih 7n3mel aih

يا جماعه أصبروا ..... أكيد بيفكروا و يدرسوا علشان يطلعوا بالقرار المتين ..... مش ناقصه يطلعوا بحاجه و يلغوها أو يأجلوها تاني .....

و بعدين ممكن برضه يقولك مفيش مثلث خالص ...... خليه مستطيل أو شبه منحرف مثلا ..... أكيد عملين لينا مفاجأه كالعاده

متهيألى هايمدوا المده تانى على الاقل كمان شهر يأما الموضوع يتلغى

الموضوع كبير يا جماعة
دا مطلوب بطانية حرارية تمنها 1000ج علشان لما العربيه تتحرق يشيلونا فى البطانيه
والجماعة بتوع المرور بيقولو ان الشنطة هاتتوزع فى المرور وماحدش عارف اى حاجه
اما بالنسبه للمثلث اعتقد انه مفيد لانى عن تجربه شخصية كنت ماشى بالليل على طريق مصر الاسماعلية وفجاءة لقيت عربية مقطور عطلانه وكانو حاطين على الطريق حجر كبير ولحقت نفسى فى اخر لحظة كنت هادخل فى الحجر بس الحمد لله فاديت نفسى بصعوبة
وربنا يحنن قلوب رجال المرور علينا

لازم يبقي الاعلان في آخر لحظة ... عشان يبقي مافيش وقت و الناس تجري تشتري من غير فصال..... وكدة تبقى السبوبة ... صح الصح :049:

يمكن لسه ما اتفقوش على توزيع عائد بيع المثلث و الشنطة على جيوبهم

اقتباس:

---

المشاركة الأصلية كتبت بواسطة MOON5

الموضوع كبير يا جماعة
دا مطلوب بطانية حرارية تمنها 1000ج علشان لما العربيه تتحرق يشيلونا فى البطانيه

وربنا يحنن قلوب رجال المرور علينا

---

بطانيه بكم ؟

بتقول كم ............؟

الف جنيه ............ بس :k20:

انا كده عرفت مصيرى لو قلت لبابا هات الف جنيه اجيب بطانيه المرور
هيقولى وعلى ايه الخساره دى اتحبسى عندهم احسن واهو اوفر لى

:D:D:D:D:D

على رأى هيثم دبور
ايهههههههه
دنيا

انا اتكلمت من يومين مع ظابط فى المرور عن الشنطه و المثلث و بيقولى انه هو نفسه لسه مجابهاش و معندوش اى فكره عن موضوع المواصفات المصريه ديه !!!!!!!!!!
شئ غريب !

طيب كويس يعنى الداخليه والمرور نفسهم نايمين فى العسل خليهم كده

انا سالت برضوا واحد قالى انهم احتمااااااااااااااااااااا ل يلغوا موضوع شنطه الاسعاف دى خالص

يارب يكون كلامه صح

وقالى فى حاله انهم هينزلوها هيبقى سعرها 120 وهتتباع فى المرور

أنا لسه جاي من مرور مدينة نصر بالأمس , و سألت علي موضوع الشنطة و المثلث ماحدش عارف حاجة بس فيه موظف قالي انهم بيفكروا يلغوا الشنطة و يأخدوا فلوس بدلا منها من مالكي السيارات عند تجديد الرخصة لتطوير سيارات الاسعاف علي الطرق
و الله أعلم بالحقيقة

هي الحكومة تايهه، يصدروا قانون و يتوهوا فيه بعدها
حسبنا الله و نعم الوكيل

انا قرأت فى جريده السيارات التابعه للاهرام ان هناك مقترحات لالغاء الشنطه لان من الممكن استخدامها بدون فهم مما يؤدى الى نتائج عكسيه وممكن ان يتم تحصيا فلوس بدلا منها وبصراحه كده احسن

اقتباس:

---

المشاركة الأصلية كتبت بواسطة mrghost

انا قرأت فى جريده السيارات التابعه للاهرام ان هناك مقترحات لالغاء الشنطه لان من الممكن استخدامها بدون فهم مما يؤدى الى نتائج عكسيه وممكن ان يتم تحصيا فلوس بدلا منها وبصراحه كده احسن

---

عالأقل كدة السبوبة تبقي غير متنكرة

اقتباس:

---

المشاركة الأصلية كتبت بواسطة mrghost

انا قرأت فى جريده السيارات التابعه للاهرام ان هناك مقترحات لالغاء الشنطه لان من الممكن استخدامها بدون فهم مما يؤدى الى نتائج عكسيه وممكن ان يتم تحصيا فلوس بدلا منها وبصراحه كده احسن

---

طيب يحصلوا فلوس ليه؟ هو الغرض من الشنطة كان ايه بالظبط؟

واحد صحبي في المانيا عايز يطلع رخصه ......... ف راح ياخد دوره تدريبيه في الأسعافات الأوليه ....... و لازم يجيب شهاده بانه ناجح علشان يكملوا الاجراءات ...... فسألته اخبار شنطة الأسعافات اللي عندكوا ايه ....... قالي مفيهاش غير قطن و شاش و بلستر للجروح السطحيه فقط ...... أي حاجه تانيه متفهمش فيها لازم تسيب المصاب و تكلم الأسعاف و بكتيره ربع ساعه و يكون عندك و معاه البوليس طبعا

احنا عندنا الشنطه مليانه خير ..... شاش كذا نوع ..... قطن كذا نوع ... مطهرات ... مقصات و قفازات ..... و ليمون و عسل ابيض ......... و كل ده من غير دوره تدريبيه و لا حاجه ....... ناس معديييييييييه

اقتباس:

---

المشاركة الأصلية كتبت بواسطة OlaOsman

طيب يحصلوا فلوس ليه؟ هو الغرض من الشنطة كان ايه بالظبط؟

---

غرضين :

الاول سبـــــــــــــــــــــــ ـــــــــــــــوبــــــــ ــــــــــــــــــــه

الثانى ان عديمى الخبره يستخدموا الشنطه غللط وتحصل اثار عكسيه واهو يخلصوا شويه من الشعب والزحمه

انتى نسيت الشفافيه فى بلدنا ولا ايه

شخصيا ناوى لا اتحرك بالعربية لمدة 3 ايام من اول الشهر لحد ما اشوف النظام

يا تن تن
يا تن تراتاتن تن تن

يا بنتى هم بيتلككو من غير قوانين ولا بتاع

طيب احكيلك على موقف انا اصلا كنت بلبس نضارة و عملت الليزك فالرخصة عندي لما عملتها قالولى اتصوري بالنضارة عشان لازم يتكتب على الرخصة نضارة طبية المهم مرضتش و كلمت خالى و بتاع فبقي مكتوب بس على ضهر الرخصة نضارة طبية

المهم من كام يوم و انا رايحة النادى الساعة 6 الصبح الاقيلك لجنة على اول الكبرى و وقفنى ظابط و قالى رخصك اديتهاله المهم بص في ضهر الرخصة و قالى طيب فين النضارة قلتله لا انا عملت عملية و بقيت بشوف و بقيت بشوف من غير نضارة :biggrin24: متفهميش بقا افتكرنى بتريق ولا بهزر و لقيته قاللى طيب على جنب بقا يا انسة :biggrin24:

المهم قمت ركنت على جنب و بتاع و الظابط دة منفضلي خالص و عمال يشوف فى عربيات تانية قمت نزلاله بقا و قولتله ممكن افهم في اييه ؟؟ قاللى اصل انا مش داقق عصافير عشان تقوليلي عملت عملية و بقيت بشوف!! المهم من هنا لهنا خدت الرخصة و مشيت بس بجد شفتى القرف اللى بيحصل و التلاكييك من غير ياختى قانون ولا بتاااااع !!!!

اقتباس:

---

المشاركة الأصلية كتبت بواسطة Noha.M

يا بنتى هم بيتلككو من غير قوانين ولا بتاع

طيب احكيلك على موقف انا اصلا كنت بلبس نضارة و عملت الليزك فالرخصة عندي لما عملتها قالولى اتصوري بالنضارة عشان لازم يتكتب على الرخصة نضارة طبية المهم مرضتش و كلمت خالى و بتاع فبقي مكتوب بس على ضهر الرخصة نضارة طبية

المهم من كام يوم و انا رايحة النادى الساعة 6 الصبح الاقيلك لجنة على اول الكبرى و وقفنى ظابط و قالى رخصك اديتهاله المهم بص في ضهر الرخصة و قالى طيب فين النضارة قلتله لا انا عملت عملية و بقيت بشوف و بقيت بشوف من غير نضارة :biggrin24: متفهميش بقا افتكرنى بتريق ولا بهزر و لقيته قاللى طيب على جنب بقا يا انسة :biggrin24:

المهم قمت ركنت على جنب و بتاع و الظابط دة منفضلي خالص و عمال يشوف فى عربيات تانية قمت نزلاله بقا و قولتله ممكن افهم في اييه ؟؟ قاللى اصل انا مش داقق عصافير عشان تقوليلي عملت عملية و بقيت بشوف!! المهم من هنا لهنا خدت الرخصة و مشيت بس بجد شفتى القرف اللى بيحصل و التلاكييك من غير ياختى قانون ولا بتاااااع !!!!

---

ههههههههههههههههههه فكرتينى بفيلم قنديل ام هاشم كنتى قولتى له انا حطيت ششم وخلاص بشوف

بس كنتى نازله الساعه 6 الصبح ليه صحيح :D:D:D

تستاهلى :ack2:

عموما فى عضو كتب فى قسم تانى ان المثلث المعتمد نزل وسعره 31 تقريبا
هنقل لكم الموضوع

اقتباس:

---

المشاركة الأصلية كتبت بواسطة دموع الثلج

ههههههههههههههههههه فكرتينى بفيلم قنديل ام هاشم كنتى قولتى له انا حطيت ششم وخلاص بشوف

بس كنتى نازله الساعه 6 الصبح ليه صحيح :D:D:D

تستاهلى :ack2:

عموما فى عضو كتب فى قسم تانى ان المثلث المعتمد نزل وسعره 31 تقريبا
هنقل لكم الموضوع

---

هههههههههههههههههههههه حطيت ششم ؟؟ ماشي يختى:D

و بعدين مانتى عارفة يا موووووووزة انا نازلة ليه 6 الصبح :k41::D

يلاا شوفيلنا بقا موضوع المثلث دة خلينا نخلص :sweatdrop:

المثلث العاكس اخيرا مطابق للمواصفات
يا جماعة
اخيرا المثلث العاكس المطابق للمواصفات بقى موجود و 35 جنيه بس
اللي عاوز يروح الشركة المصرية للتجارة 58 شارع 77 المعادي او يتصل بالنهندس هشام على 0123689774
على فكرة في خسم على الكميات

انا نسخت الكلام من منتدى الاكسسوارت وياريت حد من الشباب يتطوع ويتصل بالراجل ده يستفسر

عن وجود العلامه ويبلغنا

اقتباس:

---

المشاركة الأصلية كتبت بواسطة دموع الثلج

المثلث العاكس اخيرا مطابق للمواصفات
يا جماعة
اخيرا المثلث العاكس المطابق للمواصفات بقى موجود و 35 جنيه بس
اللي عاوز يروح الشركة المصرية للتجارة 58 شارع 77 المعادي او يتصل بالنهندس هشام على 0123689774
على فكرة في خسم على الكميات

انا نسخت الكلام من منتدى الاكسسوارت وياريت حد من الشباب يتطوع ويتصل بالراجل ده يستفسر

عن وجود العلامه ويبلغنا

---

طيب كويس انه فى المعادى انا ممكن اعدى عليه دلوقتى انا كدة كدة نازلة قريب من شارع 77 , ان شاء الله هسالكو و اقولكو اخر الاخبار

اقتباس:

---

المشاركة الأصلية كتبت بواسطة MedaSam

واحد صحبي في المانيا عايز يطلع رخصه ......... ف راح ياخد دوره تدريبيه في الأسعافات الأوليه ....... و لازم يجيب شهاده بانه ناجح علشان يكملوا الاجراءات ...... فسألته اخبار شنطة الأسعافات اللي عندكوا ايه ....... قالي مفيهاش غير قطن و شاش و بلستر للجروح السطحيه فقط ...... أي حاجه تانيه متفهمش فيها لازم تسيب المصاب و تكلم الأسعاف و بكتيره ربع ساعه و يكون عندك و معاه البوليس طبعا

احنا عندنا الشنطه مليانه خير ..... شاش كذا نوع ..... قطن كذا نوع ... مطهرات ... مقصات و قفازات ..... و ليمون و عسل ابيض ......... و كل ده من غير دوره تدريبيه و لا حاجه ....... ناس معديييييييييه

---

ومشرط و ملقاط و جفت و عدد 5 حقن 10 ملم وعبوة اوجمنتين و بنادول و مضاد للحموضه

ربنا يستر يا جماعه الواحد بجد اتخنق انهارده وانا رايح الشغل و كنت ضارب البدله و رابط الحزام و داخل على الكمين الامين بيشاورلى علشان اقف بصيتله بقرف لقيته بيعملى تعظيم سلام (الحكايه دى مش جايه من فراغ العربيه عليها بدج نادى القضاه )

اقتباس:

---

المشاركة الأصلية كتبت بواسطة Noha.M

يا بنتى هم بيتلككو من غير قوانين ولا بتاع

طيب احكيلك على موقف انا اصلا كنت بلبس نضارة و عملت الليزك فالرخصة عندي لما عملتها قالولى اتصوري بالنضارة عشان لازم يتكتب على الرخصة نضارة طبية المهم مرضتش و كلمت خالى و بتاع فبقي مكتوب بس على ضهر الرخصة نضارة طبية

المهم من كام يوم و انا رايحة النادى الساعة 6 الصبح الاقيلك لجنة على اول الكبرى و وقفنى ظابط و قالى رخصك اديتهاله المهم بص في ضهر الرخصة و قالى طيب فين النضارة قلتله لا انا عملت عملية و بقيت بشوف و بقيت بشوف من غير نضارة :biggrin24: متفهميش بقا افتكرنى بتريق ولا بهزر و لقيته قاللى طيب على جنب بقا يا انسة :biggrin24:

المهم قمت ركنت على جنب و بتاع و الظابط دة منفضلي خالص و عمال يشوف فى عربيات تانية قمت نزلاله بقا و قولتله ممكن افهم في اييه ؟؟ قاللى اصل انا مش داقق عصافير عشان تقوليلي عملت عملية و بقيت بشوف!! المهم من هنا لهنا خدت الرخصة و مشيت بس بجد شفتى القرف اللى بيحصل و التلاكييك من غير ياختى قانون ولا بتاااااع !!!!

---

لا بصي يانهى في اقتراح احلى خلي معاكي في العربية نظارة لعبة (مش لعبة بتاعة اطفال يعني لا نظارة زجاجها شفاف مش طبية يعني) ولما تدخلى على لجنة البسيها :D :D
هو لو كنتي وضحتيله وقولتيله انك عملتي ليزك كان ممكن يفهم ولا يفتكرك بتشتميه؟ :D

وبعدين يعني يوقفك ليه مش فاهمة هاتبقي ضاربة رخصة مزورة مثلا وكاتبة فيها نظارة طبية ؟ ايه الهزار ده؟ :pissedoff:

يعني انا اشتريت مثلث اصلي بتاع اسبرنزا اشربه واشتري اللي ها يعلنو عنه

آخر معلومت قرأتها فى جريدةو الجمهورية من اسبوعين ان التطبيق سيكون 9 \ 12 \ 2008 وأن شروط محتويات الشنطة تم تقليلها الى 8 محتويات فقط ما أذكره هو بلاستر طبى وربطتين شاش مقاسين كبير وصغير وشاش مبطن بقطن ( اسمه دريسينج فى اللغة الطبية الدارجة ) وكتيب تعليمات الاسعافات الأولية , والشنطة من قماش مقوى أو بلاستيك وتكون مختومة بختم وزارة الصحة ....

اقتباس:

---

المشاركة الأصلية كتبت بواسطة birdybirdy

لا بصي يانهى في اقتراح احلى خلي معاكي في العربية نظارة لعبة (مش لعبة بتاعة اطفال يعني لا نظارة زجاجها شفاف مش طبية يعني) ولما تدخلى على لجنة البسيها :D :D
هو لو كنتي وضحتيله وقولتيله انك عملتي ليزك كان ممكن يفهم ولا يفتكرك بتشتميه؟ :D

وبعدين يعني يوقفك ليه مش فاهمة هاتبقي ضاربة رخصة مزورة مثلا وكاتبة فيها نظارة طبية ؟ ايه الهزار ده؟ :pissedoff:

---

ههههههههههه

ولله شلنى على الصبح يا رورو قعدت افهم فيه ساعتين لما نزلت من العربية و قلتله والله ما بتريق ولا حاجة :Dو قعدت اقوله يعني ايه ليزك و كلام كدة و فين على ما فهم بعدين ادانى الرخص بس بجد كرهنى فى عيشتي يعني و كرهني في اليوم اللى عملت العملية فيه :D

اقتباس:

---

المشاركة الأصلية كتبت بواسطة د.محمود صلاح

آخر معلومت قرأتها فى جريدةو الجمهورية من اسبوعين ان التطبيق سيكون 9 \ 12 \ 2008 وأن شروط محتويات الشنطة تم تقليلها الى 8 محتويات فقط ما أذكره هو بلاستر طبى وربطتين شاش مقاسين كبير وصغير وشاش مبطن بقطن ( اسمه دريسينج فى اللغة الطبية الدارجة ) وكتيب تعليمات الاسعافات الأولية , والشنطة من قماش مقوى أو بلاستيك وتكون مختومة بختم وزارة الصحة ....

---

كتيب؟؟

فكرتنى بفيلم إسماعيل ياسين

كيف تهبط الطائرة
كيف تهبط الطائرة


مش قبل ما يطبقوا قانون, يفكروا فيه صح؟؟ دى مهزلة و الله

دول عالم عمالين يخترعوا و خلاص انا جيب مثلث تعبان كده و حالته متنيلخ بستين نيله و اللى هايكلمنى هاحطه فى عينه هو احنا لاقين تمن البنزين لما يقولوا المثلث و الشنطه حرامممممممممممممممممممممم مم