الموضوع: حد بيفكر يشترى سيااااارة الشباب ....

بصراحة العربية دي عشان تنجح محتاجة ألة الزمن
حتي أعتقد التقفيل بتاعها أسوأ من بتاع 84

بس هي هتتباع .. ناس هتقولك هي مصر ملهاش غير كدة
و محبي السواقة بالدراع هتعجبهم أوي

ياعم هتنجح وهتبيع شوف الادا 2107 لسه لحد دلوقتى فيه منها 2008 ياعم دى عربيات بتحتدى الزمن بس اللى نفسى افهمه ان العربيات دى فيها عيوب طبعا فى التصميم وكده طيب ليه لحد دلوقتى بتنتج وبنفس الشكل

ازاى احط 65 الف جنيه فى نيفا يا راجل دى اللادا 2107 اروع منها 100 مرة

انا شايف العكس تماما, سعرها رائع بالنسبة لسيارة 4*4, الناس مش واخدة بالها انو أقل عربية 4*4 تمنها يتعدى الربع مليون, باستثناء بعض الأشياء الصينية و فيل هندى قبيح طبعا كلنا عارفينه, و حتى هذه الأشياء الأسيوية سعرها يتعدى ال100 الف.
النيفا سيارة معروفة بقدراتها الرائعة على الطرق الوعرة و التى تضاهى سيارات يبلغ سعرها النصف مليون, و بعض هذه السيارات تعانى عند صعود رصيف و كأنه عائق أمامها.
طبعا السعر ده على حساب ادائها على الطرق العادية و مستوى الراحة بداخلها, لكن لو حسبناها بالنسبة لواحد محتاج عربية 4*4 لوقوعه مثلا فى منطقة نائية أو امتلاكه مزرعة أو من هواة السفارى, فالنيفا سوف تقدم له قدرات رائعة على الطرق الوعرة مقابل سعر سيارة صغيرة على حساب الأداء و الراحة, و هى صفقة رابحة فقط لمن يحتاج لاجتياز الطرق غير المعبدة.
لازم برضو نشير الى المتانة الاستثنائية التى تتمتع بها هذه السيارة, و التى تجعلها مناسبة لهواة صدم الأخرين و فرض السيطرة على الطريق.
و بالنسبة لصاحب الموضوع الذى أشار الى موضوع ال80 حصان, فيجب أن نتذكر أن النيفا سيارة مجهزة للطرق غير المعبدة فى الأساس, و لذا فان العزم هنا هو ما يهمنا لاجتياز المرتفعات و المعافرة مع الرمال, و هو ما حتم على مهندسى لادا تخفيض القوة الحصانية فى مقابل رفع العزم, للاستفادة القصوى من المحرك الصغير نسبيا, و لا يرجع هذا الى قدم التكنولوجيا الخاصة بالسيارة كما يعتقد البعض, و تبدو السيارة فى رأيى متقدمة تكنولوجيا على الأقل عن سيارات مثل التيجو الصينية و الفيل الهندى سكوربيو, رغم شكلها الذى لم يتغير (و هو جميل فى رأيى و يوحى بالقوة).