نفسك ف كونسولة للشاريد .. ادخل واقولك علي كونسوله تركب عليها حلوه

معظم اللي معاهم شاريد اول التسعينات مش عندهم كونسولة لأنها نزلت ف عربيات قليله اوي
وعلشان طول عصاية الفتيس الغريبه العجيبه دي وعلشان نظبط شكل العربيه من جوا وفقت كونسولة العربيه الدايو النوبيرا عليها وجايه مظبوطه عليها جدا جدا وادي الصور
بس الكونسوله الافضل تجيب نصها فقط اللي هو ظاهر ف الصوره اما الذيل فممكن تجيب ذيل دايهاتسو ميرا وهتركبهم مع بعض
الكنسوله تحت الكاسيت بتركب بسلك ربط في العمود اللي رابط التابلوه من تحت
ومن الناحيه التانيه بتتربط في الديل بمسمارين بصاموله
http://i57.tinypic.com/34h6rh1.jpg

جامده جدا

وللعلم الذيل كنت جايبه من عند سعيد رزق اللي ف الوكاله ب 80 جنيه
وكنسولة النوبيرا النص اللي في الصوره ده ب 150

جمده جدا تسلم ايديك على الفكره
انا بفكر اعملها بس للاوتوماتك

سؤال بس انا مش فاهم قصدك ايه الديل ؟؟الى ب 80 ؟؟
الكنسوله تحفه بالنسبه للعربيه بس لو تبقى نفس لون التابلوه هتبقى تحفه اكتر بيتهيألى كده

تنفع للاتوماتيك ؟

اقتباس:

---

المشاركة الأصلية كتبت بواسطة sohbamody

سؤال بس انا مش فاهم قصدك ايه الديل ؟؟الى ب 80 ؟؟
الكنسوله تحفه بالنسبه للعربيه بس لو تبقى نفس لون التابلوه هتبقى تحفه اكتر بيتهيألى كده

---

الديل اقصد الجزء اللي فيه فرامل اليد علشان اغلب الكنسولات بتبقي جزئين
الجزء اللي حضرتك سألت عليه اللي هو شكله ده
http://www.pakwheels.com/forums/atta...0607-00424.jpg
وده بتاع الشاريد مش الميرا للتوضيح

نفس لون التابلوه معتقدش انا لفيت عليه ملقيتش غير بيج × ابانوس وقالي فيها 250 جنيه وبيج × اسود ودي اللي جبتها ب 150 بجلدة الفتيس
لكن ممكن تترش بأسبراي الجزئين البيج لكن مع الاستخدام ومتنساش ان دي جنب الرجل فهتبهت مع مرور الوقت ويبقي شكلها وحش
انا عن نفسي مبسوط بيها كده علشان نفس لون الفرش

اقتباس:

---

المشاركة الأصلية كتبت بواسطة medo5th

تنفع للاتوماتيك ؟

---

ممكن حضرتك تطلع بالعربيه الحرفيين وتدور علي كنسوله وتقيس علشان الاوتوماتيك له مسافات معينه ممكن تجيبه ومتلاقيهوش مناسب علي مقاس الغيارات
لو مناسبه يبقي تمام اتوكل علي الله وخلص فيها لو مش مناسبه اديك مخسرتش حاجه ورحت بالعروسه فسحتها :d
علي العموم جرب وقولنا :d