مش عارف ازاى اقدر اقيس زيت الاتوماتيك لان المقياس فية علامتين واحد مكتوب عليها cold والتانية مكتوب hot فيا ترى اعرف الزيت قليل او عايز يتغير ازاى وهل زيت الاتوماتيك هوة زيت الباور
واشكركم جميعا,,,, :)
عرض للطباعة
مش عارف ازاى اقدر اقيس زيت الاتوماتيك لان المقياس فية علامتين واحد مكتوب عليها cold والتانية مكتوب hot فيا ترى اعرف الزيت قليل او عايز يتغير ازاى وهل زيت الاتوماتيك هوة زيت الباور
واشكركم جميعا,,,, :)
المفروض الزيت يكون بين العلامتين كده يكون مضبوط .
وزيت الباور طبعا مش هو زيت الأوتوماتيك ده حاجة وده حاجة تانية ، الباور ده بيكون للدريكسيون .
زيت الأوتوماتيك تقيسه و العربيه سخنة و دايرة (لا بارده و لا مبطله) عكس زيت الموتور
ساعتها المفروض يبقى بين العلامتين
و متنساش برضه تتأكد من اللون و الريحه دول مش أقل أهميه من المقياس
أما زيت الباور فهو قريب جدا من زيت الأوتوماتيك و المواصفات القياسية بتاعتهم تقريبا واحدة
يعنى مثلا من اشهر المواصفات دى Dexron II او Dexron III
معظم العربيات بتستعمل زيت الباور بالمواصفة دى و كتير من العربيات برضه بتستعمل نفس الزيت للأتوماتيك
بس عامة العربيات الحديثة مطلوب لها ATF أو Automatic Transmision Flui بمواصفات أعلى من Dexron III عشان تحافظ على الفتيس زى موبيل ATF3 مثلا
التصرف الأمثل انك تستخدم انواع الزيوت اللى الكتالوج بيقول عليها
الخلاصة:
أى زيت باور ينفع يشتغل زيت اتوماتك بسسسسس لو مواصفاته مختلفه عن المطلوب مش ها يحافظ على الفتيس.. يعنى فى حالة الطوارئ و زيت الاتوماتيك ناقص و مش متوفر غير زيت باور ممكن تستخدمه مؤقتا لحد ما تغيره بأسرع ما يمكن
بالنسبة لي بحط زيت الاوتوماتيك نفس زيت الباور
الفتيس الاتوماتيك من النوع الحساس شويه عن الفتيس العادي و اهم حاجه علشان تحافظ عليه انك تهتم بالزيت و كل ما ينقص تزوده و بماركه محترمه مش اي كلام علي يعيش معاك اكتر.
مش بحب حكايه ان زيت الباور يتحط في زيت الفتيس دي خالص كل زيت وليه وظيفه