مشكلة فى تدوير السيراتو البصمة رجاااااااء المساعدة
السلام عليكم
انا عربيتى سيراتو 2011 بصمة خليجى 6 سرعات
العربية من حوالى شهرين بقت كل اسبوع اجى ادور العربية الاقى دواسة الفرامل محجرة ومش بتدور الا لما اعمل توصيلة للبطارية ,,, كشفت على البطارية لقيتها بتودع ,,,, وبالفعل غيرتها اول فاول يوليو يعنى البطارية الجديدة مكملتش شهر ,,,,, بعدها بيومين بدات تعمل نفس الحركة تانى اجى ادور الكونتاكت يفتح لكن دواسة الفرامل محجرة ومش راضية تنزل ومتدورش و البطارية لسه جديدة مكملتش شهرو الموضوع اتكرر 5 مرات من اول الشهر
المشكلة ان دلوقتى حتى لما بعمل واصلة كهرباء برده مش بتدور والفرامل برده محجرة
جربت اشغلها بالطريقة ال emergency ادوس زرار ال startup مرة وبعدين دوسة تانية لمدة 15 ثانية الكونتاكت بيفتح والعدادت تنور لكن برده مش بتدور يعنى كده على ما اعتقد ليست مشكلة مكنة الاستوب علما بان البطارية varta لسه جديدة مكملتش شهر
رجاء حد يساعدنى ويقولى اعمل ايه العربية واقفة بقالها 5 ايام مش عايز تدور لا بواصلة ولا بالطريقة ال emergency
ولكم جزيل الشكر