معا ضد التوكيل

**Mohamed-Saoud** · 18-10-2008 07:17 PM

يادي القرف... يادي البلد دي... ده أنا كنت ناوي أشتري البرسونا
ياريت يحصل تحسن علشان أعرف أشتري و أنا متطمن.

**formoza** · 19-10-2008 12:17 PM

يا جماعه انا بعت تعليق عن التوكيل على الموقع ده و الاميل ده لاكن لسه مفيش رد جالى و انا مستنى و الجديد هابقى ابلغكوا بيه
ياريت الكل يبعت بردو عشان يحسوا ان فى مشكله و يريت محدش يكسل زى ما التوكيل بيكسل يعملنا اى حاجه
i.care@proton.com
http://www.proton.com/contact_us/index.php

**elmadawy** · 19-10-2008 12:49 PM

ليه يا جماعه توكيل برتون مستحمل شركة عز العرب انا دخلت علي موقع شركة برتون ولقين موديلات كثيرة مش موجودة في مصر من ضمن الاسباب لية شركة برتون مستحمله هذة الشركه ولازم علينا اننا نخاطب الشركة الام في ماليزيا ونقالها علي كل عيوب التوكيل مي مصر من اول الدعاية ال مش وخده حقها للسياره الي مشاكل الصيانه وضيق المكان الخاص بها وكل شي يخص السيارة وشكرا

**MohabSaeed** · 19-10-2008 02:03 PM

المشاركة الأصلية كتبت بواسطة r2tarek

لأسف انا لحد الان مدخلتيش التوكيل لانى بعد ماشتريت العربيه باسبوعين سافرت خارج مصر عندى شغل يستغرق شهرين بس انا سمعت شكاوى كتير من الأعضاء بخصوص التوكيل وفعلا كده كتير انا حالينا قريب من ماليزيا وعلى استعداد اروح 3 ايام ؟ لو الموضوع كده وقابل حد مسؤل بنفسى واشرح المشكله
بس برجاء افادتى على الاقل ب 10 مشاكل مهم

وفى انتظار ردودكم ومشاركتكم قرار السفر الى ماليزيا او انا عندى علاقات هناك
ممكن نستغلها ونرسل حد بالشكوه

بس بصراحه موضوع الوكيل مقلق جدا ولازم يكون فى حد للمشكله دى

وشكرا

اشكر حضرتك على العرض الكريم ده
انا بالنسبالى المشكله

1- اسعار قطع الغيار المبالغ فيها بشكل غير طبيعى و توازى اسعار اليابانى و فى بعض الاحيان اغلى ....

2- الصغر المتناهى لورشه بروتون فعلا صغيره جدا جدا جدا جدا و مش مستحمله كل اعداد العربيات الى بتدخلها .

3- قله مراكز الخدمه , شى غير مفهوم ازاى 3 مراكز خدمه بس , واحد منهم للخدمه السريعه ؟

4- الامبلاه من الصنايعيه و مهندسى الاستقبال

5- مشكله كبيره بالنسبالى ان اسيب عربيتى و ماشوفش بعينى الى بيحصل فيها ايه ....حاليا كل مراكز الخدمه الكبيره بتخلى العميل يشوف عربيته و هى بتتصلح من خلال جلوسه فى الاستراحه .

6- مده الضمان غير كافيه , المفروض يكون 5 سنوات او 100000 كيلو , مش 3 سنوات و 60000 كيلو .

7- مافيش اى عروض او تخفيضات فى اعمال الصيانه الدوريه زى باقى التوكيلات

المشاركة الأصلية كتبت بواسطة mazagnge

يا جماعه السفر لماليزيا اية ؟؟؟؟؟؟؟

من الاخر عايزين تعملوا دور واجب مع عز فى برتون ....

كتابة ايميل يـخذة جميع الاعضاء و يتم ارسالة بنفس الصياغه متضامنين ، مع كتابة عيوب التوكيل من الاتي :

- نقص قطع الغيار .
- الاستهتار فى المعاملة مع العملاء و عدم ملائمة او مناسبة المكان المخصص لراحة العملاء لحين استلام السيارة .
- عدم الالتزام بالمواعيد .
- تضارب المعلومات و عدم صحتها بين عملاء البيع و المسئولين فى برتون .
- .......... كل واحد يحط اللى هو شايفة ، و نكتبة فى ايميل موحد و ينبعتوا على ايميلات شركة برتون

انا مع الفكره ديه يبقى فى ايميل موحد بنفس الاسلوب و كل عضو يضيف شكواه , مع كتايه رقم الشاسيه و رقم الموتور لاثبات الجديه فى الشكوى .

**ussamalh** · 19-10-2008 06:07 PM

يا جماعة انا مع الاستاذة الى عاوزين يبعتوا ميل رسمى ويكون موجه للشركة الام و مكتوب فيه اسمائنا كلنا براقام التليفون و الميل الشخصى لكل فرد حتى يمكنهم من التاكد
ثانيا لازم الاميل ده يتعبت للشركة هنا برده عشان يعرف انهم زى الزفت ده اقل حاجه تتقال عنهم بس بجد ياريت ناخود الموضوع بهتمام و نكمل الموضوع ده
لانن لو عز العرب مستغنى و مكفيه التوكيلات التانية ياريت يسيب ده للى يهتم بيه
يتفرجوا نصير عمل ايه مع كيا
أسامة

**mayki4u** · 19-10-2008 06:46 PM

هو احنا كده المصريين الاستاذ هيعرض افكار والاستاذ التانى بيقول يالا والفلانى هنعمل ونعمل وفى الاخر مفيش حاجه بتحصل ولا بيتبعت ايميل ولا اى حاجه
رجاء اللى هيتولى الموضوع دا ينجز قبل ماتنزل الموديلات الجديده والناس تلاقى نفس الحال ويبقى الوضع على ما هو عليه
شكرا

**gagareen** · 19-10-2008 06:49 PM

لو الشكاوى دى وصلت ماليزيا اكيد حتجيب نتيجه خصوصا انهم عايزين يحسنوا المبيعات ومش عايزين شكاوى من العمله تمس الموديلات اللى نازله جديد وطبعا التوكيل حيستجيب بالضغط عليه من بره لانه دلوقتى المفروض انه شغال فى حوالى 4 موديلات او اكتر والعربيات كترت ومينفعهاش مكان بالحجم والمستوى الخدمى الموجود ده:err:

**MohabSaeed** · 19-10-2008 11:11 PM

المشاركة الأصلية كتبت بواسطة mayki4u

هو احنا كده المصريين الاستاذ هيعرض افكار والاستاذ التانى بيقول يالا والفلانى هنعمل ونعمل وفى الاخر مفيش حاجه بتحصل ولا بيتبعت ايميل ولا اى حاجه
رجاء اللى هيتولى الموضوع دا ينجز قبل ماتنزل الموديلات الجديده والناس تلاقى نفس الحال ويبقى الوضع على ما هو عليه
شكرا

طيب حضرتك مشكلتك ايه !؟؟ يعنى ايه مشاكلك مع التوكيل ؟ او مع العربيه ؟؟

احنا بنتناقش كلنا مع بعض ...مش بنهاجم بعض . ملهاش لازمه موضوع احنا المصرين و الاستاذ حيعمل و محدش حيسوى ., لوعندك فكره او شكوى او اقتراح قولها و شاركنا بيها , بدل الكلام ده .

**MedaSam** · 20-10-2008 01:31 AM

أنا مهتم فعلا بشراء GEN 2 بس طبعا كلامكم ده ما يطمنش خالص ........ أنا بقترح ان الناس اللي كانت ناويه تشتري زي كده تبعت برضه و تقول عن أسباب عدم الشراء .... و لو كنت أشتريت سياره تانيه خالص و صرفت نظر عن سياراة Proton اللي كنت ناوي تشتريها ياريت توضح ده برضه

بكده الناس اللي معاها العربيه فعلا تقول رأيها بواقعيه للتوكيل هنا أو الشركه الأم ... و اللي كان ناوي يشتري و غير رأيه يقول علشان ميستغربوش لو المبيعات قلت ..... المفروض بكده يحسوا ان سمعه السيارات Proton في مصر معرضه للخطر و لو خايفين عليها يتحركوا بقه

**mohamedkamal86** · 20-10-2008 04:51 AM

ياجماعه احنا عايزين صيغه موحده وتكون قويه عشان نبعتها احنا الكل للتوكيل عشان تقريبا احانا كلنا بنشتكى ولينا نفس التعليقات والمشاكل على التوكيل ونحط الصيغه هنا وكل اللى معاه العربيه يعتها للشركه الام وازا حب يضيف حاجه عنده يبقى يضيفها بس اهم حاجه يكون فيه حاجه اساسيه اللى تبين وجهه نظر الناس فى التوكيل
وياريت ياجماعه اللى عنده الميل بتاع الشركه الام مباشره يقولنا عليه عشان نبعت