معا ضد التوكيل

**mohamedkamal86** · 18-10-2008 04:56 AM

ياجماعه الموضوع ده عشان كل اللى عنده مشكله مع التوكيل يقولها ونقترح حلول للتوكيل
وانا عن نفسى ياجماعه انا عملت الموضوع ده بسبب سوء التوكيل وكل حاجه فيه انا مشوفتش فيه اى حاجه تشجع ان الواحد يحب العربيه
انا كرهت العربيه عشان خاطر التوكيل ابسط حاجه انا روحت التوكيل يعتبر مفيش حاجه اتعملت فى العربيه غير الزيت وكل المشاكل اللى فيها زى ماهى وواخد العربيه كمان منهم فيها مشكله فى العفشه ومشاكل كتير بقى فى المعامله والخدمه .ياجماعه اهم حاجه فى اى منتج خدمه ما بعد البيع والعربيه بالطريقه دى عمر ماهيكون ليه ماهيبقى ليه قيمه لو فضل التوكيل بالطريقه دى مع الناس واللامبالاه دى
واحنا لازم ناخد موقف منهم عشان عز العرب كده بيستهبل كفايه كل منكلم حد فى التوكيل يقولك ياعم فى توكيلات عربيات اهم من البروتون واخدها
دى اقل عربيه عنده
بالاضافه الورشه اللى مش محصله محل البقاله ولا فيها اى حاجه والصنايعيه اللى مبشتغلوش ولا حد فى دماغه من الاخر توكيل...............
فياريت كل اللى معاه العربيه وعانى مع التوكيل نتفق ونبعت كل واحد فينا ميل للشركه الام وهى عمرها مهتقبل اللى بيحصل للعربيه فى مصر ازا كانت تبعت مندوبين يراقبوا التوكيل والخدمه وناس فنيه تتعامل مع العربيه او تسحب التوكيل من عز خالص
فياريت اللى يعرف الميل بتاع الشركه يكتبه ونبدا فى ارسال رسايل ليها

**r2tarek** · 18-10-2008 05:44 AM

لأسف انا لحد الان مدخلتيش التوكيل لانى بعد ماشتريت العربيه باسبوعين سافرت خارج مصر عندى شغل يستغرق شهرين بس انا سمعت شكاوى كتير من الأعضاء بخصوص التوكيل وفعلا كده كتير انا حالينا قريب من ماليزيا وعلى استعداد اروح 3 ايام ؟ لو الموضوع كده وقابل حد مسؤل بنفسى واشرح المشكله
بس برجاء افادتى على الاقل ب 10 مشاكل مهم

وفى انتظار ردودكم ومشاركتكم قرار السفر الى ماليزيا او انا عندى علاقات هناك
ممكن نستغلها ونرسل حد بالشكوه

بس بصراحه موضوع الوكيل مقلق جدا ولازم يكون فى حد للمشكله دى

وشكرا

**ahmad alshaaer** · 18-10-2008 06:12 AM

اول مشكله ان كل مااروح الصيانه اقوللهم في خشانه في العربيه يقولولي قطعة الغيار دي مش موجوده ولسه ماجاتش
تاني مشكله اسهل حاجه عندهم ان العربيه هتبيت وتاخدها بكره
تالت حاجه استهتااااااار في المعامله

**formoza** · 18-10-2008 07:42 AM

انا معاك فى فكرة الemail دى و ياريت لو فى فورمه معينه تكتبهلنا عشان يبقى عرفين ان احنا كولنا متجمعين على نفس المشكله و لا حياه لمن تنادى مع التوكيل و انا إن شاء الله هاحاول اجيب الميل بتعهم

**aeltokhy** · 18-10-2008 09:44 AM

المشاركة الأصلية كتبت بواسطة tweety26980

اول مشكله ان كل مااروح الصيانه اقوللهم في خشانه في العربيه يقولولي قطعة الغيار دي مش موجوده ولسه ماجاتش
تاني مشكله اسهل حاجه عندهم ان العربيه هتبيت وتاخدها بكره
تالت حاجه استهتااااااار في المعامله

ورابع مشكلة الورشه كبيرة جدا إصدى صغيرة جدا
وخامش مشكلة الصنايعيه وماأدراك ماالصنايعية إستهبال وعدم إعتنى وأعتقد إنه راجع إيضا للتوكيل لأنه مايقدرهمش فى الماديات وخلافة
دادس مشكلة الدعايه الجباره إلى عاملها التوكيل لبروتون فبالرغم من أن العربيه من 99 إلا إنه فيه ناس كتير واتعرفش يعنى إية بروتون شفتة الأعلان بتاع البرسونا كبير أد إية إية البزغ دة

**mazagnge** · 18-10-2008 01:06 PM

يا جماعه السفر لماليزيا اية ؟؟؟؟؟؟؟

من الاخر عايزين تعملوا دور واجب مع عز فى برتون ....

كتابة ايميل يـخذة جميع الاعضاء و يتم ارسالة بنفس الصياغه متضامنين ، مع كتابة عيوب التوكيل من الاتي :

- نقص قطع الغيار .
- الاستهتار فى المعاملة مع العملاء و عدم ملائمة او مناسبة المكان المخصص لراحة العملاء لحين استلام السيارة .
- عدم الالتزام بالمواعيد .
- تضارب المعلومات و عدم صحتها بين عملاء البيع و المسئولين فى برتون .
- .......... كل واحد يحط اللى هو شايفة ، و نكتبة فى ايميل موحد و ينبعتوا على ايميلات شركة برتون

**elmadawy** · 18-10-2008 03:10 PM

يا جماعه السفر لماليزيا اية ؟؟؟؟؟؟؟

من الاخر عايزين تعملوا دور واجب مع عز فى برتون ....

كتابة ايميل يـخذة جميع الاعضاء و يتم ارسالة بنفس الصياغه متضامنين ، مع كتابة عيوب التوكيل من الاتي :

- نقص قطع الغيار .
- الاستهتار فى المعاملة مع العملاء و عدم ملائمة او مناسبة المكان المخصص لراحة العملاء لحين استلام السيارة .
- عدم الالتزام بالمواعيد .
- تضارب المعلومات و عدم صحتها بين عملاء البيع و المسئولين فى برتون .
- .......... كل واحد يحط اللى هو شايفة ، و نكتبة فى ايميل موحد و ينبعتوا على ايميلات شركة برتون
كلام جميل وياريت ناخد موقف ونعمل حاجة التوكيل ياجد باله ان في ناس حتاخد موقف معاه وشكرا

**mohamedkamal86** · 18-10-2008 04:05 PM

المشكله ياجماعه ان التوكيل نفسه مش مقتنع بالعربيه يعنى لما تيجى تكلم معاهم على فرق المعامله اللى بتتعامل مع العربيات التانيه اللى عنده بيرد عليك الفنى الصنايعى بيقولك ده كزا ايه جاب البروتون للعربيه دى
دى حاجه وكمان لما تيجى تكلم الفنى على المشاكل اللى فى العربيه بيبقى متضايق جدا من الكلام اللى بتقوله وزى ميكون هيدفع من جيبه او جاى تقوله هات فلوس
وكمان المفروض كل حاجه بتحصل فى العربيه يقولك عليها واتعمل فيها ايه ولو متعملتش يقولك متعملتش او هى كدا طبيعيعه اما لما بتساله العربيه يقولك كله تمام
وغير كده انا مثلا انا طالع من بيتى الساعه 5.30 الصبح عشان اروح التوكيل والحق مكان كنت هناك الساعه 7.15 وكنت العربيه رقم 23فى الدور اللى واقف بره وغيرالعربيات اللى جت ورايا لدرجه انها وقفت كمان على الصحراوى والما دخلت كنت رقم 19 وبعد كده لقيته بيقولى الساعه خمسه وتخيل بقى مفيش كرسى تقعد عليه
وغير كده خرجت ورجعت على الساعه تلاته لقيت العربيه واقفه بسال محدش يرد عليا وفى الاخر لما لقيت الفنى اللى استلم العربيه بساله عليها يقولى كله اتعمل من قبل مساله على اى حاجه
قبل مفتح بقى على اى حاجه كانت فى العربيه الاقيه بيقول اتعملت من غير ميعرف انا بسال على ايه وفى الاخر بقوله يعنى كده خلصت قالى استنى لما حد يجربها استنى لغايه مجه واحد الساعه 4.45 يجربها خرج بيها ورجع لقيته بيقولى فى حاجه فى العربيه مش مظبوطه فى الاخر قالولى هتيجى تانى عشان فى مشكله فى ميزان العربيه بعد فتره والميكانيكى بيقاوح يقولك مفيهاش حاجه عشان عايز يمشى والباب عندى مفارق من عند الرفرف
ولما ركبت العربيه لقيتها مش مظبوطه خالص لدرجه قولت يارؤيتنى مروحت التوكيل العربيه كانت ماشيه معايا زى الفل
وفى مشاكل تانيه مرضيتش اقولهم عليها لما لقيتهم كده زى مثلا الكاسيت بتاعى مبيطلعش الاسطوانات بيقعد فتره ولازم تدوس على الزرار كزا مره عشان الاسطوانه تطلع
الباب بتاعى بيقفلش الا لما لازم ترزعه على اخر ماعندك انا جربت عربيات تانيه هناك لقيتها سلسه جدا فى القفل
يعنى توكيل يقرف ويكره الواحد فى العربيه بجد
انا روحت مثلا غبور وشوفت اسلوب المعامله وكل حاجه فرق بين السما والارض
ومحدش من صحابى اللى بيتعاملوا مع غبور اشتكى منهم فى اى حاجه
وكفايه جدا كل متيجى تكلم واحد يقولك بلاش تشترى بروتون عشان توكيلها زباله
واعرف ناس باعت العربيه مش عشان العربيه باعتها عشان خاطر التوكيل وقرفه

**aya5** · 18-10-2008 04:25 PM

ايه الطريقه علشان نوصل للاميل الشركه الام

**aya5** · 18-10-2008 04:42 PM

ياريت ياجماعه نوصل لحل بسرعه

الموضوع: معا ضد التوكيل

LinkBack

أدوات الموضوع

عرض

-

المواضيع المتشابهه

اسعار قطع غيار Elantra من 2007 الى 2011 داخل التوكيل وخارج التوكيل

مشكلتى مع التوكيل غبور و مهازل التوكيل و التحضير لشكوه اليابان الثانيه

ينفع اغير علبة الشكمان الوسطى بره التوكيل..سعررها فى التوكيل نارر

الى عايز يعمل صيانة لعربيته بره التوكيل وبكفاءة التوكيل وأحسن

موديلات رينو - التوكيل - مراكز الخدمة - إختبارات الامان - تقييم التوكيل

الكلمات الدلالية لهذا الموضوع

المفضلات

المفضلات

ضوابط المشاركة