الموضوع: برش و بسمكر العربيه و عاوز راكم فى السعر

بلضبط اخد 1100 جنية منى سمكرة + دهان
منهم بس 400 جنية سمكره و دهان العتبه الشمال عشان كانت واخده خبطه فتم قص الصاج بتاعها و لحام صاج جديد للعتب عشان العتب كان مش هينفع يستعدل
الاجزاء الى اترشت هى 2 اكصدام + 2 رفرف امامى + كبوت و العتبة ,, و الراجل من عنده رش لى البابين الى قدام من غير ما اكون متفق عليهم او قايله يرشهم ومحاسبنيش عليهم
السمكره كانت للرفرف المامى شمال واخد خابطة جامده و الكبوت كان فيه نقره واحده و الرفرف اليمين واخد خبطة بسيطة + تفصيل و لحام العتبة
ووالله انا دى اول مره اتعامل معاه و الى كان قايل لى عليه كهربائى بتعامل معاه هو الى رشحهولى


بس للاسف الحلو ميكملش
انهارده الصبح نزلت لاقيت حد واخد لى الكبوت من اوله لاخره مخربشهولى ,,حسبى الله ونعم الوكيل فيه ملحقتش اصور العربيه ولا حتى اخرج بيها مره واحده وهى نضيفه

انا ممكن اكتب الرقم بس مش عارفه كدا هخالف قوانين المنتدى ولا لا
لو حد عارف يقولى

ياباشا الف مبروك ، و عامة ولاد الشياطين كتير معلش حاول تجيب قلم علاج الخربيش، على فكرة دى مش دعاية لحد انك تتكتتبلنا اسم و عنوان السمكرى طالما كويس و بتشكر فيه عشان الناس كلها تستفيد ، المشكلة انه بعيد عنى اووى .

المشاركة الأصلية كتبت بواسطة mmamdouh

اكتب الرقم عادى طالما الناس هى اللى بتسال علية و عايزة الرقم...

المخالفة بتبقى فى انك تعمل اعلان... يعنى تقول انا روحت عند فلان و عمل شغل تمام و دة رقمة و عنوانة

mmamdouh

شكرا ليك ياباشا
ويارب جعلنى سبب فى ان حد يروح له و يعمل شغل نضيف جودته عاليه و سعر معتدل جدا

دا رقم السمكرى الاسطى محمد 01221478726

الى يحب يقوله انه من طرفى " محمد صلاح الى معاه نوبيرا زيتى ولو كلمتة بعد فتره ومفتكرش قله الى كان جايلك من طرف الاسطى ملاك الكهربائى "


عنوانة تنزل نفق الى بيعدى الهرم و كانك رايح على سوسو الى فى المريوطية تفضل ماشى لحد ما تلاقى محل اولاد رجب على يمينك
تدخل الشارع الى على ناصيتة """ هيبقى اولاد رجب على شمالك """
تفضل ماشى لحد ما تقابل صينية تدخل شمال منها وتفضل ماشى لحد ما تلاقى على شمالك سوبر ماركت اسمه اولاد الخير او الخير حاجة كدا
تدخل الشارع الى بعده " السوبر ماركت على شمالك "
و بعدين تدخل فى اول شارع شمال فى تانى شارع على اليمين

مواعيده كانت عامله ازاى معاك يعنى التزم بمعاد التسليم
هروح اجربه واقول ايه الكلام ربنا يسهل