مشاكلي في صني 2010... محتاج مساعدتكم
عندي كام مشكلة في العربية وحاجات عايز اركبها ... محتاج خبرتكم
1- من ساعة ما اشتريت العربية زيرو والنور بتاعها تعبان اوي ... على الطريق السريع ملوش اي لازمة .. ايه الحل ؟ باريت بالتفصيل :)
2- العربية اول ما جبتها كنت ابتدي اقلق فوق ال 140 ك/س ... دلوقتي اول ما اجيب ال 100 على الدائري العربية تروح مني شمال ويمين وببقى قلقان جدا وانا بجري ... في التوكيل من فترة قالولي ان المساعدين عايزة تتغير ... فهل ده ممكن يكون السبب ولو لا ازاي ارجع العربية ثابتة زي زمان اول ما جيبتها ؟؟ طيب لو هغير المساعدين اغيرها في التوكيل ولا لا وايه احسن نوع لان انا بجري بالعربية وطريقي دائري رايح جاي
3- عايز ادلع العربية واركب وحدات رفع ومرايات طي :) ... فين وبكام
4-عايز اغير الكاسيت وياريت لو في حاجة ينفع تركب يكون فيها جي بي اس وكدة
5-عايز اركب جنوط سبور اعمل ايه واروح فين وياريت تجاربكم في الموضوع ده :)
معلش اسئلتي كتير
جزاكم الله خيرا