السلام عليكم و رحمه الله و بركاته
لو هجيب تويوتا كورولا (اوتوماتيك) مستعمله
اجيب موديل سنه كام يكون افضل موديل؟
و هل موديلات 2014 و موديل 2015 افضل من الموديلات الأقدم؟
عرض للطباعة
السلام عليكم و رحمه الله و بركاته
لو هجيب تويوتا كورولا (اوتوماتيك) مستعمله
اجيب موديل سنه كام يكون افضل موديل؟
و هل موديلات 2014 و موديل 2015 افضل من الموديلات الأقدم؟
افضل موديل في المستعمل من ٢٠٠١-٢٠٠٧ الشكل ده من احسن ما انتجت تيوتا عيبها الوحيد انها مش بتاعة سرعات عاليه عشان خفيفه بس فيها كمية مزايا تخليها تساوي كل مليم يتدفع فيها
افضل موديل فعلا 2008 الخليجى يبانى فتيس عادى استيبترونك ملهاش حل شكلها نفس شكل الجنوب افريقى بس الموتور والفتيس والتقفيل مختلف
فى المستعمل موديل 2007 دة احسن موديل فى المستعمل واغلى موديل موجود
مفيش فية مميزات كتير من اهم ما يميزه هو :
+ ارتفاعه عن الارض مش بتحك ف اى مطب مهما حملت فيها
+ اعادة بيعه نااااااار بتوصل احيانا لو العربية فبريكه بره وجوة ممكن تتكلم ف 135 الف جنيه
ولكنها خفيفة ع السرعات العالية
وفقيرة فى التابلو
انا كان معايا 1995 ودلوقتي معايا 2015 طبعا الجديد جديد الموتور افضل والكماليات بس لو قولتلك انها افضل دلوقتي ابقي كداب انا مشيت بالقديمة 450 الف كيلو من غير مافك الموتور هل الجديدة هاتخدم كدة الللة اعلم
ايوة طبعا في فرق كماليات وموتور واوبشن بس المهم الاعتمادي مع الاستعمال واستهلاك قطع الغيار
وبصراحة سوال حضرتك صعب انت موش بتقارن بين عربيتين دانت عاوز واحد يكون ساق كل موديلات الكرولا لمسافات تخلية يحكم عليها انما لو قولتلك اني احكم علي عربيتي الحالية وانا في اول الف ابقي كداب
2007 مستعمل
مزايا التويوتا على العموم قوة الموتور وتحمل الظروف القاسية دا على كل الموديلات
ولكن الموديلات القديمة فقيرة شوية فى الكماليات
1995-1996 المعروفة بالملكة
2007
2011-2013
أعتقد ده افضل المستعمل
مهو من ٢٠٠١ -٢٠٠٧ هيا نفس العربيه شاسيه و عفشه و موتور و صاج الاختلاف فقط في الشبكه الاماميه و الفوانيس
و مش معاك ان مميزاتها قليله بالعكس و ادي بعض مميزاتها :
موتور ناعم جدا و فتيس اوتو استجابته سريعه و كلامي عن ال ١٣٠٠ سي سي فمابالك لو اتوفق في واحده ١٦٠٠
اريح كرسي عربيه ركبتها في حياتي
عفشه ناعمه تفكرك بالبيجو ٥٠٤ بتاعة زمان
اعتماديه عاليه جدا و قلة الاعطال
قطع غيار متوفره
عربيه ماسكه نفسها و بتحتفظ بحالة الزيرو لو اتعملت الصيانات في ميعادها يعني لو عربيه عامله ١٣٠ الف هتلقاها انضف من اي كوري عامل ٦٠ الف
بالاضافه طبعا انها عاليه عن الارض
نييجي للعيوب
خفيفه من الاخر اخرك سرعة ١٣٠ كم بعد كده هتحس بقلق
اداء فرامل متوسط
عدم وجود تقويه خلف الاكصطدام الخلفي اي عربيه بتخبطها خبطه صغيره بتلقى قفل الشنطه راح مرحل و الاكصطدام كبس و الشنطه مش هتتفتح لازم تعدي على سمكري يرد الصاجه و هيا ضعيفه اللي ورا الاكصطدام على البارد