أرجو المساعدة ضرورى !!!!!!!!!

**adelabdo** · 18-07-2014 11:18 AM

ياجماعة أنا اتسرق منى أول امبارح جهاز تابلت لينوفو من امام حمام السباحة وانا فى الفندق فى شرم الشيخ فهل فيه طريقة اعرف ارجعه بيها أو اعرف مكانه أو على الأقل اقدر احصل على الصور اللى أتصورتها مع الأولاد علشان هما متضايقين جدا"... أرجو الرد سريعا" لو سمحتم

**shiko85** · 18-07-2014 03:26 PM

مش السرقه داخل الفندق ؟؟ يبقى حضرتك لازم تقلب الدنيا فالفندق ده و للأسف لازم تزعق خصوصا فاللوبى و تبلغ المسئول عن امن الفندق ان التابلت لازم يرجع و هو هيعرف يوصله و تطلع تعمل محضر كمان

**S O P H O S** · 18-07-2014 06:58 PM

فعلا يا باشا
ده اتسرق من جوا علي كلامك
يعني هما مسؤلين او يدفعوا قيمته

**M_OSMAN88** · 18-07-2014 07:06 PM

فى المواقف اللى زى دى حاول تعمل هيصة وتعلى صوتك وهما هيحاولو يلمو الموضوع ويجيبوة من تحت طقطيق الأرض

**عبدالله برعى** · 18-07-2014 10:03 PM

صعب جدا ترجعة لانو ملوش security زى الموبايلات

**shiko85** · 18-07-2014 11:13 PM

يا باشا لازم تاخد موقف قبل ميعاد نزول الموظفين اجازه (غالبا يبنزلوا اليومين دول علشان يرجعوا الفندق قبل العيد)
سهل يعرفوا مين اللى سرق لان مش كل العاملين فالفندق مسموح لهم التواجد قرب حمام السباحه

**adelabdo** · 19-07-2014 02:21 AM

كل ده عملتو ه ... عملت محضر فى شرطة السياحة وجالى مدير الفندق وقاموا بتفتيش كل الـستاف اللى كان موجود ومالقوش معاهم حاجة وراجعو شريط الكاميرا اللى كانت موجودة على حمام السباحة لكن للأسف المنطقة اللى كنت قاعد فيها الكاميرا مجابتهاش وقالولى أنه ممكن يكون نزيل هو اللى سرقها .. فهل فيه حل ممكن أعمله علشان أرجعه أو حت أرجع الصور اللى صورتها