انا عاوز اعرف الفرق بين الاتنين ايه من حيث المساحه الداخليه و الاعتماديه وقطع الغيار و السعر حاليا للموديل سنه ٢٠٠٠
عرض للطباعة
انا عاوز اعرف الفرق بين الاتنين ايه من حيث المساحه الداخليه و الاعتماديه وقطع الغيار و السعر حاليا للموديل سنه ٢٠٠٠
السعر الأتنين قريبين من بعض فالسعر فى حدود الأربعين ألف اكتر شويه او أقل شويه حسب الحاله
الأعتمادية التنين ممتازين بس البيجو أقوى و امتن و بلاسكات البيجو أحسن
الوسع الأتنين ضيقين من حيث الشنطة بس داخليا لة طولك أكتر من 180سم محدش يقعد وراك مستريح و البيجو اوسع من الأبيزا
الأستعمال 90% من الى ركبين الأبيزا مطلعين عين ابوها البيجو هتلاقى فى حاجات حالتها احسن كتير من الأبيزا
الشكل البيجو أحلى و اشيك و احدث فى الشكل بس موضوع الشكل ده فى الأخر على حسب ذوق كل واحد.
قطع الغيار الأبيزا ارخص من البيجو فى حاجات كتير.
اتمنى انى اكون اديتك فكره سريع .
انا كنت بدور اصلا فى ال 206 و الأبيزا و البولو و الفيستا من حوالى سنتين و رسيت على الفيستا لان كان سعرها افضلو و قطع الغيار الأرخص فى كل دول فأشتريت الفيستا. بس البيجو مازلت الأعلى بالنسبه ليا فيهم كلهم و لو أحتجت حاجه ابعت لى .
طيب والفيستا عملت كام اما جبتها لو امكن يعني وعامله ايه معاك انا برضه البيجو عجباني اكتر وغالبا ربنا يكرم وهستقر عليها بس ١٤٠٠ لو عرفت اجيبه
كانت ب حوالي 30000 و انا اشتريت الي معايا ب 32 فيها رخصه سنه و كانت على نفس المرور بتاعي. و كانت فبريكا كلها موديل 99 و صرفت شويه عليها جوالي 5 كاوتش و سيور و فلاتر و تيل و طنابير و انجيكشن بس سبب الصرف انى كنت عاوز اعمل الحاجات دي.
و لو بتفكر تشتري فيستا انا بقولك هى احسن منهم كلهم بس بردك البيجو افضل فى كل حاجه بس هتلاقي الفيستا 2000 مثلا (الشكل الجديد ) فول اوبشن ب حاجه و تلاتين و قطع غيرها ارخص من البيجو
و انا اصلا ركيب مستعمل فاعمل حسابك اى مستعمل هتصرف عليه على الأقل المستهلكات.
انا غلب هستقر علي البيجو بس هنزل اتفرج وابص بقي
لا متقلقش عارف ان المستعمل بيصرف شويه