حسابات كل مايخص الاحمال الكهربية للسيارة والبطارية

**عبدالله برعى** · 18-07-2014 06:31 PM

بحكم انى متخصص الكترونيات فى البترول

س : ايه معنى بطاريه 70 امبير او 40 امبير او 1500 مللى امبير ؟

ج : لو بطارية 50 امبير
معناه ان هذه البطارية لها القدرة ان تطلع 50 امبير فى الساعه وتوصل لمرحلة under range
بالبلدى عايزا تتشحن والعربيه مش حتشتغل معاك خالص او ممكن توصل 25% بردو ومتشغلش العربية
علشان load الحمل اعلى من ال power الخاص بالبطارية فابالتالى العربية مش حتشتغل
الامبير الو احد = 100 مللى امبير وكل بطاريات الموبايل بالمللى امبير 1200 MA\H
معناها ان بطلع 1 امبير و200 مللى فى الساعه

س : ايه علاقة 12 فولت بتاع البطارية بالامبير اللى خارج منها ؟

ج : العلاقه فى القانون التالى P=I*V
اى ان القدره تساوى التيار فى الفولت
يعنى بطاريه عربيه 50 امبير ازاى اعرف القدره بتاعتها كام وات
اضرب ال50 فى 12
يعنى البطاريه دى قدرتها 600 وات
1 ك وات = 1000 وات

س : ازاى اعرف ان البطاريه low volt )نايمه)
ج : بالافوميتر مش حيحدد الشحن اللى فيها الن لو حطيت الافوميتر حيقرا 12 فولت وممكن لا يكون فيها شحنة
ولكن يوجد جهاز tester لقياس حاله البطارية وكميه الشحن اللى فيها

س : ازاى اعرف البطاريه عايزا كام ساعة للشحن؟
حسب الcharger اللى بيشحن لو بطاريه 50 امبير يعنى لو جهاز شحن بيطلع 1 مبير فى الساعه اذن البطاريه عايزا 50 ساعه على الشاحن

س : ازاى اتلاشى ان البطاريه تنام عند عدم تشغيل الموتور؟
ج : بطاريه 50 امبير قدرتها 600 وات
وحمل العربيه
كشاف امامى 50 وات * 2 = 100 وات
الكشافات الخلفيه 25 وات * 2 = 50 وات
الشبورة 70 وات
نور الصالون 10
وهكذا .....
بحساب هذه الاحمال لابد انها لاتتعدى 600 وات لو اتعدت 600 وات البطاريه بالبلدة حتفضى
وتضظر ان تدفع ( تزق ) العربيه

**MohammedAladel** · 18-07-2014 07:00 PM

بارك الله فيك يا أخى

**M_OSMAN88** · 18-07-2014 07:02 PM

تسلم ايدك على المعلومات الجامدة دى
احب اضيف بس نقطة صغيرة اللى هى لما تحب تغير البطارية متغيرش لبطارية اكبر من اللى نازلة فيها لأن الكلام دة هيضر الدينامو لسبب الشركة بتحسب كل احمال العربية وتفترض انها شغالة فى وقت واحد وهنفترض طلعت الأحمال 60 امبير فيقوم مركب دينامو للعربية 65 امبير على اساس انة مش هيشتغل بكامل طاقتة فى حالى ان الأحمال كلها شغالة .
ويقوم بتركيب بطارية 60 امبير علشان الدينامة يقدر يشحنها فالبتالى سيادتك لما تركب بطارية اكبر بتبقى بتقلل من العمر الفتراضى للدينامو على اساس انك بتحمل علية زيادة فالبتالى الملفات الداخلية للدينامو هتسخن وموضوع السخونة مع الوقت بتأثر على عزل الملفات الداخلية (بالبلدى القميص)

**khaled_yehya** · 18-07-2014 07:13 PM

موضوع جميل ومفيد

**عبدالله برعى** · 18-07-2014 08:17 PM

المشاركة الأصلية كتبت بواسطة M_OSMAN88

تسلم ايدك على المعلومات الجامدة دى
احب اضيف بس نقطة صغيرة اللى هى لما تحب تغير البطارية متغيرش لبطارية اكبر من اللى نازلة فيها لأن الكلام دة هيضر الدينامو لسبب الشركة بتحسب كل احمال العربية وتفترض انها شغالة فى وقت واحد وهنفترض طلعت الأحمال 60 امبير فيقوم مركب دينامو للعربية 65 امبير على اساس انة مش هيشتغل بكامل طاقتة فى حالى ان الأحمال كلها شغالة .
ويقوم بتركيب بطارية 60 امبير علشان الدينامة يقدر يشحنها فالبتالى سيادتك لما تركب بطارية اكبر بتبقى بتقلل من العمر الفتراضى للدينامو على اساس انك بتحمل علية زيادة فالبتالى الملفات الداخلية للدينامو هتسخن وموضوع السخونة مع الوقت بتأثر على عزل الملفات الداخلية (بالبلدى القميص)

دا متوقف علىmaximum load الخاص بالدينامو بعض السيارات بيكون اعلى من جهد البطارية وتكون البطارية اقل حتى يتم التوفير او الاقتصاد فى تكلفة السيارة , الفيصل حسب كل سيارة وكل دينامو بيكون مكتوب عليه الdadta sheet

**rotanamasoud** · 18-07-2014 09:31 PM

الله ينور والبطاريه الاكبر افضل والدينمو اللى بيشحن ال50 قادر يشحن ال70 بدون مشاكل وتستفيد من عمر البطاريه الاكبر
بس ليا ملحوظه لو تعرف تعدلها
الامبير الو احد = 100 مللى امبير
الى
الامبير الو احد = 1000 مللى امبير

**عبدالله برعى** · 18-07-2014 10:15 PM

المشاركة الأصلية كتبت بواسطة rotanamasoud

الله ينور والبطاريه الاكبر افضل والدينمو اللى بيشحن ال50 قادر يشحن ال70 بدون مشاكل وتستفيد من عمر البطاريه الاكبر
بس ليا ملحوظه لو تعرف تعدلها
الامبير الو احد = 100 مللى امبير
الى
الامبير الو احد = 1000 مللى امبير

خطا كتابة
1مبير= 1000 مللى

حتى انا كاتب لو ركزت فى الموضوع
1200 مللى تساوى امبير و200 مللى
شكرا على التنويه

**mr.moustafa** · 18-07-2014 10:23 PM

مشكوووووور والله يعطيك الف عافيه

**S O P H O S** · 18-07-2014 10:29 PM

تسلم يا باشا
كلام مفيد

**Dr\Mohamed** · 19-07-2014 11:35 AM

لو سمحتم يا جماعة أنا عندي البطارية جافة ACDelco لون العدسة بتاعتها بقى أخضر فاتح قوي فأنا عايز أعرف إيه الحل هل البطارية الجافة بتتشحن؟؟ ولا بتتغير؟؟

على فكرة العربية بتدور من أول مرة بدون مشاكل خالص

شكرا لحضراتكم..