الى خبراء شبكات الانترنت مساعده فى اختيار اكسس بوينت مناسب

ياجماعه دلوقتى انا محتار فى شراء اكسس بوينت مناسب
انا عندى راوتر وحابب اعمل شبكه توزيع بس عايز ابتدى واحده واحده
بالصدفه كده واحد قريبا ساكن بعديا بشارع كان عايز نت وطبعا ماينفعش اوصلله سللك
فقولت حلو دى البدايه اجيب اكسس بوينت واوصله منه لللاب بتاعه

بس دلوقتى بقى مش عارف اجيب اى جهاز كفاءته عاليه؟؟؟ ومدى بتاعه يكون قد ايه؟؟؟ واجيب جهاز كام انتينا ؟؟؟

دى صوره للمنطقه عندنا اهى
http://nileup.com/up/uploads/nilemotors_14057251631.jpg

المسافه بينه وبينه حوال 60 متر بس معظم العماير عاليه وهو ساكن فى السابع (مع انه لاقط الواير ليس بتاع البيت اللى قدمانا وفى نفس مستوانا بردو) وانا فى التانى ولكن دى محلوله ممكن اعلق الجهاز على العماره اللى جنبنا 6 ادوار بحيث اعرف اغطى اكبر مساحه ممكنه وابقى اعملله علبه خشب علشان الشمس واعمل فتحه للانتينا

دلوقتى اجيب ايه

افيدونى

متابع

منصحكش تفكر في الوايرليس
انا عندي اكسيس بوينت ف البيت double antinna.. وواصل لاودتي ضعيف جدا رغم ان المسافه.متزيدش عن 8 متر
كمان انت عاوز تعمل شبكه وايرليس يعني اكسيس بوينت يقرا سيجنال اكسيس بوينت تاني وايرليس ودي سمعت انها بتعمل مشاكل وبينصح انك توصل من الراوتر للاكسيس بوينت بسلك عادي

ماهو انا هاوصل الاكسس بالراوتر بسلك عادي واوزع من الاكسس
وبعدين ده الراوتر نفسه الواير ليس بتاعه كويس اوي انا فيه واحد موصل معايا عليه بينه وبينه 4 بيوت وبيلقط من جوه البيت عنده

اظن الموضوع بيتوقف علي الجهاز نفسه ومكانه لان وضعيه الجهاز تأثر علي قو الارسال

Acess point هتاخد سلك من الراوتر وتوصله بيه عندك نوع ابو اريال واحد او 150 MBps
150Mbps Wireless N - Wireless - Products - Welcome to TP-LINK

هات النوع ده TP link وبلاش D-link او Cisco بايظين وضايعين وبيفصلوا على طول عن تجربة

وعندك النوع الاقوى والاسرع 300 MBps
300Mbps Wireless N - Wireless - Products - Welcome to TP-LINK

يوزع جوه بيت كامل دورين مثلا

ولو من عمارة لعمارة يبقى لازم الاكسس الكبير ده بتاع العمارات

High Power & High Gain Wireless - Wireless - Products - Welcome to TP-LINK

ده بينقل الاشارة لمسافات بعيدة توصل 50 كيلو بس من سطح عمارة لسطح عمارة تاني ويكون فيها نفس الجهاز تاني في المكان التاني ليستقبل الاشارة ويعيد بثها للعمارة تحته

High Power & High Gain Wireless - Wireless - Products - Welcome to TP-LINK

اثرأ التفاصيل

سعر الجهاز الجهاز الاول حوالي 200 ج والتاني والتالت نفس السعر 450 جنيه

ايه المعلومات المفصله دى
مشكور ياباشا جدااااااااااااااااااااااا ااااااااااااااااااااااااا اا

طب دلوقتى قريت على النت ان اجهزه tb link بتهنج كتير ومش حلوه
اعمل ايه ؟؟؟؟

وبعدين ده على كده الراوتر عندى كويس اوى بقى مغطى تقريبا عندى نص الشارع (الشارع عندنا حوالى 100 متر )

يعنى علشان اجيب اجه تغطى كويس لازم اجيب حاجات عاليه اوى كده ؟؟؟

سؤال اخير بقى معلش ياباشا هاتقل عليك
بالصدفه كده على النت لاقيت انه ممكن اغير الانتينا واجيب حاجه تانيه اطول او اقوى كمان وممكن اجيب انتينا بسللك وارفعها مكان ما ان عايز والجهاز يفل فى مكانه عادى

ايه راى حضرتك فى الموضوع ده

انا جربت dlink... Netgear.. Tp link
Tp link اقل واحد عمل مشاكل عندي ومش بيهنح ولا بيفصل
وفي حاجات بتباه ب 3 antinna ده اكيد بيدي اشاره قوية
يمكن المشكله عندي ف الجدران الخرسانه صعبه شويه

الاريال مقوي الاشارة والله ما عنديش معلومات عنه ما جربتوش لكن ما اتوقعش انه يقوي سرعة النت ..

لكن الراوتر ابو اريال واحد 150 MBps ده ضايع وبيهنج ويفصل واقلهم مشاكل ال TP-link

الافضل ابو اريالين او 3 ارايل 300 MBps قوي وسريع ويخترق مثلا 3 حوائط خرسانية

طبعا الاجهزة دي بتشتغل access point و bridge و extender

ا bridge يعني ياخد الاشارة وايرليس من راتور تاني ويحولها لنت سلكي لاجهزة الالعاب والديسك توب مثلا

ال extender بياخد اشارة النت الوايرليس من الاماكن الضعيفة ويقويها لمسافة اكبر واطول على نفس اعدادت الشبكة الاصلية وباسووردها

تمام انا هانزل النهارده كده البستان ادور علي tp link ‎اتنين انتينا واشوف الاسعار نظامها ايه

منصحكش
انا كنت عايز اعمل حاجة كده
وروحت لشركة النت وكلمت المهندس قالي صعب
احنا بنجيب الحاجه وهي بترمي على قد متقدر فمقدرش اوعدك بمسافه
وعلى فكره انا عندي راوتر tp بانتينا واحده مش بيجيب آخر الشقة

وياريت لو جربت ونجحت انقل تجربتك بالتفصيل

في اجهزة مخصوص كبيرة فيها اكتر من 6 انتينات وتحس ان الجهاز شديد كده .شوفتو في فودافون بس معرفش للبيع ةلا ايه واكيد سعره غاااااالي؟

الوايرز احسنلك

نزلت امبارح البستان

لاقيت tp-link n300mbps 4 port 2 antenna ب250 جنيه فى محل اسمه مؤسسه الامين

وكان فيه d link n300mbps 1port 2 antenna ب260 جنيه
والاربعه انتينا كان ب350 جنيه

انا جبت tp-link n300mbps
http://nileup.com/up/uploads/nilemotors_14059656821.jpg

الجهاز ده فيه نظامين
1- اوصلله واير من الراوتر وهو يوزع واير ليس وواير فى نفس الوقت
2- اوصلله وايرليس من الراوتر وهو يوزع واير

انا كان يهمنى اول نظام

المهم الراجل قالل انه بيغطى 200 متر بس حسب العوائق اللى قدامه لان مساحه التغطيه مش مضمونه بسالعوائق والحيطان

روحت وصلت الجهاز وظبط الاعدادات وحطيته كده فى البلكونه زى الرواتر ونزلت الشارع بالموبايل اشوف التغطيه عامليه ايه خرجت لاخر الشارع الفرق بينه وبين الرواتر ان الراوتر اشاره 100 % لحد اخر الشارع مسافه حوالى 50 متر او اكتر بعد كده بيختفى الاكسس مختلف كل لما تبعد الاشارع تضعف لحد اخر الشارع كان بيوصل 50 % تزيد او تقل
الجهاز فى الدور التانى فحست ان الراوتر احسن منه لان الله اعلم الاكسس هايغط جوه الشقق كمان ولا لا

النهارده بقى حاظبطله مكان فى البيت اللى جنبنا فى الدور الخامس على السطح بحيث اشوف كده قريبى هالقطه ولا لا بس ان شاء الله يلقطه لانه هو بيلقط رواتر فى البيت اللى قدامنا تخيلوا راوتر بينقل واير ليس لحوالى 60 متر وحواليه عمارات كمان فى الدور التانى زى فربنا يسهل كده واشوف الاكسس هايبى نظامه ايه

بس فيه مشكله بقى مكتوب على العلبه ان درجه حراره التشغيل من 32 : 40 c !!! ايه ده معنى كده ان مش هايستحمل الشمس اعملله علبه يعنى بحيث يبقى فى ظل على طول ولا ايه؟؟

الجهاز بقى جاى معاه بوكس صغير كده اسمه poe
http://nileup.com/up/uploads/nilemotors_14059661821.jpg

انا اللى فمته ان ده وظيفته ان لو المسافه بين الكهرباء والجهاز بعيده اول poe ده واوصلله كهرباء بحيث كابل النت نفسه اللى رايح اللاكسس ينقل كهرباء ونت مع بعض بس مش عارف ده ينفع فى النظامين ولا ايه

ودى الصوره اللى فيها الشرح
http://nileup.com/up/uploads/nilemotors_14059661822.jpg

بالصدفه بقى بدور على النت لاقيت مواضيع عن تقويه اشاره الوايرليس
باستخدام عاكس شبه طبق الدش كده

هاقرأ شويه عن الموضوع ده

بص يا باشا .هو حضرتك كل ما تحب تمد الشبكة هتجيب اكسس ! في جهاز اسمه وايفاي ريبيتر كل شغلتو يقوي الارسال

ممكن معلومات عنه اكتر

اعتقد انت جبت wireless router مش access point ده ممكن يعمل IP conflict مع الراوتر الاولاني اللي موصل منه

ازاى
هو ده الجهاز
http://nileup.com/up/uploads/nilemotors_14059688471.jpg

شوف يا زعييم ، لولا انك اشتريت الاكسس فعلا كنت قولتلك ما تشتريش و وصل سلك مباشر
الوايرليس ده ليه اعتبارات تانية خالص ، متعبة و مرهقة و مش فى حساباتها اللابات و الموبايلات و الكلام ده ( إلا إذا كان اكسس شخصى متوصل ب سلك جوة البيت و توزيعه داخل البيت )

المهم ، بالنسبة لإنك عاوز تحطه فوق السطح ، هى ك تجربة فى مجال الوايرليس كويسة مش وحشة ،،
جرب و شوف اشارته ، بس حط فى حسبانك ان ممكن موضوع قريبك دا ماينجحش ، أو انه يقولك ان الاشارة مش بيلقطها إلا و هو جنب البلكونة و إنه عاوز النت يوصله جوة البيت و الاشارة مش واصلة
( وقتها بيبقى الحل الافضل انك توصله سلك ، و فى آخر السلك عنده تركبله اكسس يوصل منه وايرليس )

استخدام الاكسس فى توصيل الوايرليس بيبقى من ناس قريبة جدا منه ،، أو ناس مفيش بينهم و بينه اى عوائق
لــــــكــــــــن دا مش الاستفادة الرئيسية منه ، او مش وظيفته الرئيسية هنا
وظيفته الرئيسية فى حالتك ان يلقط عليه ناس تانية برضه هايستخدموا اكسس بوينت للاستقبال

**********
طيب لنفترض انك طلعت الاكسس بتاعك فوق السطح ، و قريبك واجه المشكلة اللى بقولك عليها دى ، و هو عاوز يبعد عن موضوع توصيل السلك دى ،،
يبقى ممكن يجيب اكسس بوينت ، و يركبه عنده فى البلكونة مثلا ( فى حالة لو من بلكونته انت شايف الاكسس بتاعك ) و بيعمل على وضعية اسمها repeater ، بيها تقدر تستقبل من الاكسس بتاعك ، و يوزع تانى عنده فى البيت .

تمام
انا هاجرب وربنا يسهل
موضوع السلك ده هايبقي مشكله لانه هايعدي كده علي شارعين