الموضوع: عايز عربية فى حدود 20000 الف لاختى ؟؟

المشاركة الأصلية كتبت بواسطة shiko85

يا باشا انت تحت امرك
بخصوص الثبات اقصى سرعه جبتها 140 (مره واحده) بس اعتقد اخرها 100 - 110 او 120 بالكتير مش المفروض تزود عن كده علشان العربيه 900 كجم و كمان علشان الفرامل
العربيه عريضه و ده بيحسن اداءها على الطريق
الصاج بتاعها مش خفيف خصوصا صاج الباب
سعر اعاده البيع هو مشكله للى اشترى من الزيرو لان سعرها نزل جامد النص تقريبا لكن مستعمله مش هتخسر فيها و اعرف واحد اشتراها مستعمله و لما باعها بعد استعمال حوالى 3 سنين كسب فيها
طبعا مش معنى كلامى انها عربيه بدون عيوب
اهم العيوب
1- سعر اعاده البيع و ده للى اشترى من الزيرو
2- قطع الغيار ده لو متعرفش اماكن البيع لانى كنت بسمع كلام من ناس انها مش لاقيه قطع غيار ليها خالص و كنت بستغرب من اللى بيقوله لانى كنت الحمد لله بلاقى كل حاجه
3- الشنطه صغيره بس ده مقبول لانها عربيه هاتش باك
4- عيوب تانيه صغيره زى مفيش لمبه فالشنطه او درج التابلوه ودول حلهم سهل
انا شايف ان معظم العيوب تعتبر مقبوله بالمقارنه بسعر العربيه لان مش من المنطق انى اطلب من عربيه بـ 20 الف انها تكون زى عربيه بـ 50 او 100 بس على الأقل لما اقارنها بالعربيات اللى بـ 20 الف تكون زيهم او احسن منهم مش اقل و اعتقد بالسعر ده مفيش عربيه فيها كل الكماليات دى

بصراحة انا نفسى اللى مش بحب الصينى أقتنعت بكلام حضرتك انا هبتدى أدور على محلات قطع الغيار الاول فى القاهرة و بعد كدا ادور على عربية نضيفة بس يارب هى تقبل بالصينى.

المشاركة الأصلية كتبت بواسطة s o p h o s

الماروتي صغيرة بس تكفي وتقوم بالمهمة
طالما الماتور سليم
مع صديق ليا وبيبقي فالعربية 5 وكبار
والعربية مش بتقول لا طالما بتحافظ عليها

مازلت بقول انها عربية دوان تاون مش تنفع فى المسافات الطويلة و خفيفة على الطريق اووووى.

المشاركة الأصلية كتبت بواسطة kantofanto

بصراحة انا نفسى اللى مش بحب الصينى أقتنعت بكلام حضرتك انا هبتدى أدور على محلات قطع الغيار الاول فى القاهرة و بعد كدا ادور على عربية نضيفة بس يارب هى تقبل بالصينى.

انا عايز اقول لحضرتك حاجه
الموضوع مش موضوع صينى الموضوع ان فيه ظروف بتحكم و مفيش حاجه كامله - الكمال لله وحده - يبقى الواحد يدور على الحاجه اللى توفر له اكبر نسبه من متطلباته و لو كنت حضرتك بتدور على عربيه بمبلغ اكبر كنت هلغى فكره الصينى طول ما فيه بديل افضل لكن لما البدائل كلها تكون عربيات اقدم و بدون اى كماليات و لما تكون العربيه لبنت او سيده مش المفروض انها تشترى عربيه علشان تعطل بها كل شويه و تروح عند الميكانيكى كل يوم و فالأخر تركنها تحت البيت و تاخد تاكسى يبقى العربيه اللى تحقق اكبر نسبه من المطلوب تبقى هى العربيه المناسبه
و ربنا يعلم انا بقول رأى بأمانه و لو ليا اخت كنت هقولها نفس الرأى ده و القرار فالأول و الأخر لصاحبه الشأن
المحلات اللى بتبيع قطع الغيار هتلاقيها فالتوفقيه فالمول و فالقصر العينى امام معهد السكر م/ جلال و ده عنده قطع غيار هو اللى بيستوردها و نضيفه فعلا و باقى المحلات فشارع فيصل (دى الأماكن اللى اعرفها بحكم انى كنت ساكن فشارع فيصل)

المشاركة الأصلية كتبت بواسطة shiko85

انا عايز اقول لحضرتك حاجه
الموضوع مش موضوع صينى الموضوع ان فيه ظروف بتحكم و مفيش حاجه كامله - الكمال لله وحده - يبقى الواحد يدور على الحاجه اللى توفر له اكبر نسبه من متطلباته و لو كنت حضرتك بتدور على عربيه بمبلغ اكبر كنت هلغى فكره الصينى طول ما فيه بديل افضل لكن لما البدائل كلها تكون عربيات اقدم و بدون اى كماليات و لما تكون العربيه لبنت او سيده مش المفروض انها تشترى عربيه علشان تعطل بها كل شويه و تروح عند الميكانيكى كل يوم و فالأخر تركنها تحت البيت و تاخد تاكسى يبقى العربيه اللى تحقق اكبر نسبه من المطلوب تبقى هى العربيه المناسبه
و ربنا يعلم انا بقول رأى بأمانه و لو ليا اخت كنت هقولها نفس الرأى ده و القرار فالأول و الأخر لصاحبه الشأن
المحلات اللى بتبيع قطع الغيار هتلاقيها فالتوفقيه فالمول و فالقصر العينى امام معهد السكر م/ جلال و ده عنده قطع غيار هو اللى بيستوردها و نضيفه فعلا و باقى المحلات فشارع فيصل (دى الأماكن اللى اعرفها بحكم انى كنت ساكن فشارع فيصل)

ياباشا انا واثق ان حضرتك بتقول رايئك بامانة و عن تجربة و عشان كدا انا نزلت البوست ده لان عارف ان اللى هايشارك فيه بيدى نصيحة لوجه الله و بيفيد غيره من خبراته ، ان كان ممكن انزل أسال ميكانيكى بس ممكن ميكانيكى قدامه عربية و عايز يبعها فيقوللى النوع ده كويس و اشرب انا انما هنا مفيش اى مصلحة مع حد كل اللى بيشارك عايز يفيدنى بخبراته و الثواب من عند ربنا ، انا فعلا متشكر جدا جداً للاهتمام حضرتك و ان شاء لله هاتكلم معها و اشوف رايها ايه لان هى صاحبة القرار مع اقتناعى الكامل بالجيلى فى حدود السعر المتاح . جزائك الله خيراً و جعله فى ميزان حسانتك ليوم الدين .