الموضوع: سياره ب35 الف تهزم سياره ب60الف

كل عام وانتم بخير جميعا
الموضوع ده كان لازم اشاركه لكل الاخوه الاعضاء والاستغراب الشديد للسوق الصعب والسخيف ....
من شهر كان معايا دايو لانوس موديل 2008 بعتها ب60 الف كانت عربيه ممتازه بره وجوه المهم بعتها وربنا كرمني بعد فتره قلت لازم اعلي واجيب اوبترا في رنج 90 او 95الف المهم معرفش النصيب هيرميني لغايه فيين المهم حمايا العزيز كان مكلفني اجيب عربيه لواحد معرفه فا واحد جاري لاقيته جايب اوبل فيكترا موديل 94 مانويل 2000 سيسي فا استغربت جدا منها قلت اوريها لحمايا المهم سقت العربيه بصراحه اترعبت منها سحب وثبات فوق الرهيب وفرامل وتكييف معقول مش ممتاز بس معقول جدا واعده مريحه راحت راكن العربيه علي جانب واعدت اتفرج عليها يمين وشمال وقلت انا هاخد العربيه دي بس بشروط اني استعملها 3 ايام وتبقي معايا المهم وريتها لميكانيكي معرفه قلي علي الحاجات الي محتاجاها ورحت طبعا اسأل علي قطع الغيار وانا عارف ان ده هو الي هيبوظ الموضوع وهنا تأتي المفاجاه ماستر فرامل ب400 جنيه مقابل 550 ماستر الدايو الي ينقص ان بتاع الاوبل من غير الكوبايه البلستيكم الي بيتحط فيها الباكم
تيل امامي ب110 نوع جولد
تيل خلفي ب90
سير كاتينه الماني في علبه صفرا ب80 جنيه
مساعدين امامي اوبل اصلي ب575
مساعدين خلفي ب500 جنيه اوبل الماني مقابل 450 دايو كوري
وسألت علي الاسكترا لاقيتها ب450 وعصايه الفتيس ب150
بصراحه دحكت في عبي واشتاريت كل الي محتاج00ه للعربيه حتي قبل ما اخلص فيها وكنت خايف من حوار البنزين برضو الميكانيكي قلي يا استاز دي 80 مش 92 قلتله بس دي انجكشن قلي منا عارف جربها بالتكييف ومنغيره لو قطعت يبقي بلاش المهم فعلن خلصت في العربيه بعد ما جربت البنزين والاستهلاك مع ال80 ممتاز وتقريبا بتعمل 220 في الصفيحه وطعم تاني فعلن غير الدايو نهائ كل عيب العربيه الهوايه الي في نص التابلوه مكسوره ومش لاقيها عندنا في الشرقيه واكييد بأزن الله هجيبها من الحرفيين او بورسعيد
انا بس كلمه هؤلها مش لازم يا جماعه لانسر بومه او دايو لانوس او فيرنا او النترا انا بتكلم بشكل عام في عربيات ممتازه فعلن وبجد في عربيات تستاهل اكتر من فلوسها بجد انا بعد الاوبل دي لايمكن احط 50 الف في دايو ابدا حتي لو مش اعرف ابيع الاوبل هقلبها نص نقل هتديني اكتر من الي انا عاوزه كل الكماليات مع الاحساس بالامان في عربيه جامده فعلن