قريبي معاه تأشيرة امريكا اللي هي b1 & b2
كانت 5 سنين ولسه منتهيه من اسبوع
فكان بيسئل ايه اجراءات تجديد الفيزا
انا دخلت سايت السفارة بس مستوعبتش قوي
هل فعلا بتتجدد بالبريد من غير مقابلة ؟؟
ياريت تفيدوني بالإجراءات علشان نجدد الفيزا
الف شكر
عرض للطباعة
قريبي معاه تأشيرة امريكا اللي هي b1 & b2
كانت 5 سنين ولسه منتهيه من اسبوع
فكان بيسئل ايه اجراءات تجديد الفيزا
انا دخلت سايت السفارة بس مستوعبتش قوي
هل فعلا بتتجدد بالبريد من غير مقابلة ؟؟
ياريت تفيدوني بالإجراءات علشان نجدد الفيزا
الف شكر
ما بتتجددش غير للاطفال و العواجيز
مش فاهم يعني ايه مش بتجدد ممنوع يعني ؟؟ فيه ناس جددتها عادي انا عاوز اعرف الإجراءات بس
هل نفس اجراءات استخراجها اول مرة؟؟ ولا ممكن بالبريد ؟؟
هو عموما 60 سنه
ما بتتجددش = يعني بتقدم من اول و جديد زي اول مرة
اظن انها بتتجدد عادى زى ما قريت على موقع السفاره
انا فيزتى خلصت من اسبوعين و بعمل ورق التجديد
و فاضل اتصور صوره جديده و ابعت الورق
الشروط على ما اتذكر
انه يطلعها من نفس السفاره اللى اخدها منها اول مره القاهره مثلا
انه ميكنش عدى عليها ١٢ شهر منتهيه.
ان تكون فى حيازته الفيزا.... يعنى متكونش فى باسبور قديم و ضاع
ميكنش اخد رفض قبل كده
ميكنش اترحل قبل كده من هناك
ميكنش اترفض دخوله على الحدود او المطار
لازم يقدم على نفس نوع الفيزا لو هيجدد ... يعنى لو بى١ بى٢ يبقي هى هى مينفعش يجدد وويكون عاوزه علاجيه مثلا او دراسه
ميكنش عمل اى جريمه داخل امريكا
دول اللى فاكرهم ... لو كله تمام
يملى ابليكشن الدى اس ١٦٠ وصوره جديده معداش عليها ٦ شهور خلفيه بيضه خمسه فى خمسه
و يعمل تسجيل على موقع المواعيد و يدفع المصاريف فى الcib
وبعدها يروح فرع ارمكس و يقولهم هابعته للسفاره امريكا
الابليكشن كونفيرماشن
ايصال الدفع
صوره شخصيه حديثه
الباسبورات اللى معاه قديمه و جديده
و يستنى ويتابع اونلاين على موقعهم وانشالله تتجدد من غير اى مشكله
لو احتاجت اى حاجه انا موجود
استاذ احمد كمال ... الاول كان لازم مقابله علشان تتجدد
نزل قانون جديد السنه اللى فاتت اللى معاه فيزا من ٢٠٠٧ فما فوق
ينفع يجدد بالبريد ... اكيد حضرتك مخدتش بالك
لحد السنة اللي فاتت كانت الشروط تشمل شرط السن تحت 14 او فوق 80
بس دلوقتي دخلت لقيت الشرط اتشال فعلا
Apply for a U.S. Visa | Renew My Visa - Egypt (English)
بعد ما تملى الابليكيشن بتدخل على الموقع ده
https://cgifederal.secure.force.com
و تتابع الحالة بعد كده يعنى بيديك فاتورة بتدفع بيها فى cib و بعدين بيقولك انت تبعت الحاجات بتاعتك بالاراميكس و لا تروح مقابلة
يعني هو بيقولي عندك مقابلة او لا بشكل واضح ؟؟
لو فيه مقابلة بيقولك ان فيه interview و يحدد لك الميعاد و لو بالبريد بيقولك drop box و تطبعها و بتوع اراميكس مش بيرضوا يبعتوا الحاجة غير لما تكون طابع الورقة دى