-
النجده يارجال
فجاه وبدون سابق انذار الحته الشيرووكي ال ٢٠٠١ ال٦سلندر وانا ماشي بيها طبت وقفت ساكته محطتش منطق ادور مفيش نهاءيا جبتلها بنزين وحطيتلها برده مفيش جبت ميكانيكي قالي طرمبه بنزين وبعد ماجربها قالي سليمه جبنا كهربائي برده مفيش خالص قالولي كونترول حر بيعا سحب لبتاع الكومبيوتر برده مش راضين تدور اعمل ايه يااخوانا العربيه بقالها ١٠ايام على الحال ده من ورشه لورشه بتتسحب والسكته القلبيه ماسكه فيها الحقوني ياجماعه بجد الي عنده نصيحه او معلومه ميبخلش على اخوه الي في ضيقه :33:
-
ان شاء الله خير بس العربيه من يوم ما بطلت مشتغلتش تاني خالص ولا هتي مرة واحده ؟ طالما البنزين واصل ليها وتقدر تتاكد من الكبوت تفتحه هتلاقي علي راس المكينه بلف غطاه بلاستيك فك الغطا وشغل السوتش علي اون واضغط البلف لو طلع معاك بنزين بقوه معناه الطرمبه تمام وتبقي مشكلتك محصورة في شئ واحد اسمه كرنك سنسور ييجي فوق الجير مباشره ده بيعطل من الحرارة او الشغل التقيل بالعربيه في الرمله سعره غالي شوي بس ان شاء الله بتشتغل بعد ما تغيره عالطول وعلشان متخسرش روح لواحد بتاع قطع غيار مستعمله وجربه عنده لو مشتغلتش رجعه ليه وبرضه قبل الكلام ده تاكد من ان الكهربه واصله فك بوجيهه من البوجيهات ولمسه بالمكينه وشغل العربيه لو اداك شرارة يبقي كده كهربه وبنزين تمام ومش قدامك غير كرانك سنسور وادخل علي جوجل وابحث عنه وهتعرف مكانه فين بالضبط بالعربيه وتقدر تركبه بنفسك ببساطه وابقي طمنا
-
جيبولي موتورز
حضرتك بدل ما بيتجرب وتعباك الميكانيكية هاتلي العربية واكشفليك عليها بالجيهاز شكرا
العنوان 168 عمارات صقر قريش المعادي
ادارة م\ايهاب
-
انا جربت سنسور الكرنك برده مشتغلتش ومادارتش ولا مره نهائيا وانا متشكر جدا على اهتمامك على فكره اشتريت سنسور جديد وبرده مفيش فايده
-
حاضر يابشمهندس بس المشكله اني قاعد في المنصوره ولازم يا اسحب العربيه ليك يااما اجيبلها ونش يشيلها ربنا يسهل الحال واعرف اجيلك وشكرا ليك بجد
-
غريبة مشكلتك طب اخر حل وخليك ورا الكداب لعند باب البيت افتح علبة الفيوز اللي بالكبوت وشيل الفيوز بتاع الستارتر اللي هو اول واحد من ناحية القزاز وناحية باب الراكب وحط مكانه الفيوز التاني اللي بعده عالطول بتاع مروحة المكيف وشغل العربيه وده اخر حاجه اعرفها اتمنالك الخير
-
تنور يا باشا ولو عايز ابعتلك الونش البتعامل معاه انا تحت امرك
-
الله يكرمكم جميعا المشكله في الكونت رول بتاع العربيه حصلت فيه قفله نتيجه ان حساس الشكمان ساح فعمل القفله دي يا ريت تفيدوني ده يتكلف كام
-
ايه الكنترول ده تقصد الكمبيوتر يعني
-
ايه الكنترول ده تقصد الكمبيوتر يعني ؟
Content Relevant URLs by
vBSEO 3.6.0 PL2