الالنترا وكروز رفاهيه عاليه من جوه انما الصني اداء كويس
عرض للطباعة
الالنترا وكروز رفاهيه عاليه من جوه انما الصني اداء كويس
دلوقتى انا تقريبا هافاضل بين ( النترا - كروز )
اى العربيتين اختار ؟؟؟؟؟
الكروز قبل 2014 موتور سيء والفتيس فيه مشاكل.. الصني واطية وبتحك، خاصة لو محمل ورا..!
الإلنترا الصراحة معرفش عنها حاجة.. اللانسر لو حضرتك لقيت حاجة حالتها كويسة (نادر)، وفي نفس الوقت سعرها غير مبالغ فيه (أكثر ندرة)، يبقى توكل على الله..!
ولا أنصحك بالسكودا إيه فايف ولا الفوكاس 2009 مش لحاجة وحشة فيهم بس عشان قشكع غيارهم غالية شوية وإعادة بيعهم بطيئة إلى حد ما.. لو السببين دول مش فارقين مع حضرتك يبقى توكل على الله في الإسكودا الأول بعدين الفوكاس..
وابعد تماما عن الفيكترا.. الميزانية دي تجيب موديل 2008 وده فيه مشاكل كتير خاصة بنظام التبريد غير قطع الغيار الغالية والتوكيل (منصور) السيء للغاية..!