انزل عند الكيلانى وهات حاجتك كلها مره واحده
عرض للطباعة
مع احترامى الكامل للناس اللى داخلة تقولك فكك ومش فكك
العربية ماهى الا حالة
ممكن عربية زيرو وتلاقيها زباالة ومحتاجة شغل جامد وتفتح بوئها على طول
وممكن عربية موديل سبعينات بس نضيفة وصاحبها مهتم بيها
ياريت مش كل واحد ربنا كرمه بقرشين وجاب عربية يقوم منفوخ ع التانى ويعملى فيها اللى مفيش زيه :D
انا مرة شوفت عربية judge GTO موديل 1969 فى امريكا وشغالة لحد النهاردة وتدى اى عربية تانية بالجزمة
واحنا هنا اصلا ولا بنعرف نتعامل مع مستعمل ولا نيلة واغلبنا مش بيبيع العربية الا لما يفحتها ويخربها ويهملها وتبقى عاملة زى صندوق الزبالة
لو 127 كويسة شدها ومتبخلش عليها وحافظ عليها كويس ودة اللى هيعلى سعرها لو فكرت تبيع وهتريحك من مشاكلها واهو تضرب عصفورين بحجر سواء استعمال او بيع
مش هتصدق لو قولتلك ان امريكا فيه عربيات لحد دلوقتى شغالة من موديل تمانينات وسبعينات وستينات وفيه منها بايظة طبعا بس الحالة العامة كويسة مش زى هنا :)
ياريت بقة نرحم نفسنا شوية والمفروض اصلا المرور المحترم بتاعنا يهتم بموضوع العربيات المستعملة والبيع والشرا بدل ماهو سايب الناس عمالة تعك
انا لسه من اسبوعين شفت عربية اونو طلعت زبالة وكانت عاملة 16 ولما اترفعت بنزينة طلعت محتاجة شمبر وكل عيوب العربيات فيها
تحياتى وبالتوفيق