الموضوع: يعنى اشترى العربية ولا رجع عن قرارى ؟!!!!

سلام عليكم
انا لجد معجب جدا بالمنتدى و ايتفدت منه كتير بس المشكله انى بقيت متلخبط جدا - فى موضوع من المواضيع اللى بتتكلم عن المميزات و العيوب للبروتون - كان بيقول ان من ضمن المميزات (المهمة من وجهة نظرى) ان التوكيل بتاعها ممتاز و فى خبراء من مليزيا بيتابعوا الدنيا ماشيه ازاي و بعدين لما ابتديت اتابع و أقراْ موضوعات اكتر امتشفت شكاوى كتير من صيانة عز العرب - سواء من المعاملة او من الحرفية فى الاداء - مشكلة طبعا انك تديهم العربية بعيوب و تستلمها بنفس العيوب - و بعدين برضه مشكله ان واحد يلاقى عيوب كتير فى العربية - زي موضوع التابلوه و فكه و كده فى صيانة الالف او حتى العشرين - انا اخويا معاه نيو اكسنت - اي نعم بيقعد كتير فى غبور - بس فى الاخر بيستلم العربية ممتازة ده علاوه على انهم بيظبطوا الناس اللى جاية التوكيل - مع اعتبار ان الهيونداي دلوقت واكله البلد يعنى متهيألى من كل 50 واحد معاه هيونداي تلاقى 1 أو 2 معاهم بروتون.
المهم انا فعلا دلوقت متلخبط - اشترى الجين 2 ولا لأ انا كنت ابتديت اعجب بامكانياتها - بس ابتديت اقلق من شكاوى الناس - مش عارف فعلا اعمل ايه - ياريت نصيحة اخوية لأخوكم المتلخبط
شكرا
محمد عبد العزيز

يا جماعه و الله انا متشكر جدا على ردودكم و اهتمامكم انكم تردوا عليا
بالنسبه للارتياح النفسى انا كنت مرتاح لها نفسيا جدا لكن موضوع التوكيل و خدمة مابعد البيع اللى انا شوفت الناس بتتكلم عنها هنا فى المنتدى هما اللى قلقونى من نحيتها مش اكتر علشان كده حتى انا كنت بقصد بسؤالى الناس اللى فعلا ركبوا الجين 2 و اتعاملوا معاها و مع التوكيل - ياريت لو حد عنده اضافة يفيدنى - و ياريت اللى عنده جين 2 يفيدنى برضه

وليا سؤال كمان - هل الـ 2009 هاتقل فى الكمايات عن 2008 ؟
انا سمعت ان مثبت السرعه هايتشال من 2009 - يارب يكون اشاعه و هل لو كلمت عز العرب و سألتهم عن الموضوع ده هايفيدونى ولا لا ؟!!!

شكرا جزيلا