عرض للطباعة
السلام عليكم
لو سمحتوا حدي يعرف حاجه عن الشركه دي لنقل السيارات حول العالم
www.dnbtransworld.com
فيه واحد معرفه بيبيع عربيته من انجلترا بعد لما كانت هنا ف مصر
وهوه سفرها هناك لانه كان لسه شاريها
وهايز يبعتهالي عن طريق الشركه دي وهيا المسئوله قدامي عن كل حاجه
فكنت عايز اعرف مدي المصداقيه وهل هيا فعلا شركه كبيره و محترمه ولا لا
وشكرا
متبابع معاك الموضوع ومنتظرين لو حد عنده خلفية
بس المشكلة فى الجمارك واسعارها
ولا هى اصلا نمر مصر
باشا فكك من الحوار ده عشان ده نصب فى نصب و انا كنت هاشترى عربية رانجلر كان صاحبها بيقول نفس الكلام و سيبت الموضوع كله و صرفت نظر عنه ..نصيحة اخوية فلوسك فى جيبك و العربيات كتير فى مصر متجريش ورا وهم و شوية نصابين.
العربيه كانت نمر القاهره فعلا وباسم صاحبها ونمرها ( ووج 351 ) وياريت لو حد يعرف يتاكدلي من البيانات ولاسم و مرور ايه و كدا
ياباشا طالما مش البيع وجها لوجه و معاك الميكانيكى بتاعك و سال فى المرور على العربية و على الرخصة و متأكد 100% من حالة العربية و اوراقها سليمة و ان صاحبه رجل محترم متشتريش العربية اساساً ( النصابين مفيش اكتر منهم ).اقتباس:
المشاركة الأصلية كتبت بواسطة ahmed_gouda
حتى لو كان لسه شاريها , لو باعها هنا كان هيشترى بتمنها حاجات احسن كتير هناك
السلام عليكم ورحمه الله
هو الموضوع ده رجع ثانى - هذه عمليه نصب
برجاء اعمل سيرش فى المنتدى لان فيه كان موضوع سابق بخصوص بيع سياره وشحنها من انجلتر
ياباش النصابين كتير و طالما الناس مش بتطبل تصدقهم هايقعوا فى الفخ ، انا اتعمل عليا الحوار ده و اكتشفته و نفضت طبعاً.اقتباس:
المشاركة الأصلية كتبت بواسطة sas5
خلاصة الموضوع لو حضرتك شايف ان الراجل اللى هاتشترى منه ده صادق قوله يبعتللك المستندات الاتية نسخ طبق الاصل و احنا نتاكد منها:-
اولاً : عقد شراء السيارة من الشركة الام او الوكيل .
ثانياً: رخصة السيارة باسم المالك اللى هتشترى منه.
ثالثاً: صورة من جواز السفر .
رابعاً: اى مستندات تقول انه كان بيعمل هنا فى مصر ( صورة من عقد العل مثلاً - عقد إيجار المكان اللى كان ساكن فيه ).
لو بعتللك المستندات دى كلها روح اسال عليه فى القنصلية و بعد كدا ابقى اشترى العربية و ابقى قابلنى لو بعتللك حاجة.
شكرا يا رجاله بصراحه فكرت في كلامكم وصرفت نظر وهيا شكلها نصبايه فعلا
زي موضوع الاثار كدا و شوف حد امين ياخدهم
نصب طبعا. لأ و بينقي دوله الدركسيون فيها يمين و سعر العربيات فيها ارخص علشان يشحن لها عربيه من مصر ؟ :b4_237:
انت بتقول واحد معرفه وكان سؤالك عن الشركه اللي هتنقل العربيهاقتباس:
المشاركة الأصلية كتبت بواسطة ahmed_gouda
وفي الاخر شكلها نصبايه زي موضوع الاثار طب ازاي!
اقتباس:
المشاركة الأصلية كتبت بواسطة land_cruiser
هههههههههه
مستواهم ضعيف أوي ...يعني يا مؤمن عايز تقنعنا إنك واخد عربيه من بلدنا هنا لإنجلترا
طب ليه
و أيه الميزه ... و لا يمكن علشان عربيات بلدنا متميزة في وسائل الأمان و الرفاهيه و الخامه ... كل شئ جايز
لصاحب الموضوع أنا كنت فاكر من أول الموضوع إن صاحب العربيه صديق لك ... لكن مع الردود طلع متعرفوش و تقريبا حضرتك شوفت إعلان علي صفحة منتدي أو فيسبوك
بالله عليك خلي بالك ...دي واضحة إنها نصب .. و في الغالب بتبقي العربيه اللي عاملها النصاب ده طعم عربيه دفع رباعي (لاند كروزر و لاكزس و نيسان باثيفندر ...إلخ) فاكرنا عرب بقي و رمله و كثبان رمليه ..ههههه
100% كلامك صح و مقنع جداًاقتباس:
المشاركة الأصلية كتبت بواسطة hossam99
بص يا باشا الموقع دا بتطحت فيه الينك بتاع اى شركه وهوا بيقولك تاريخ انشاءها ومدى المصداقيهاقتباس:
المشاركة الأصلية كتبت بواسطة ahmed_gouda
is catlindata.com a scam or legit | catlindata.com trust reviews |check catlindata.com for fraud and risk | is catlindata.com safe or fake
ولما حطيت اللينك بتاع الشركه زى لقيت تاريخ انشاء الموقع بقاله 20 يوم بس وبيحذر منه
ولو عاوز تطمن ممكن تحت فيه اى شركه تعرفها تانيه مثلا زى الـ yahoo وتشوف بيقول ايه
ودا التقرير الى قاله عن الشركه الى انت عاوز تتعامل معاها
is www.dnbtransworld.com a scam or legit | www.dnbtransworld.com trust reviews |check www.dnbtransworld.com for fraud and risk | is www.dnbtransworld.com safe or fake
بيقول كلام مايطمنش
طيب خلى بالكم لانه اثناء الدخول على الموقع يتم زرع تروجن في جهازكاقتباس:
المشاركة الأصلية كتبت بواسطة أسامه الحسيني
انهى موقع وايه الاضرار والمعالجه ازاىاقتباس:
المشاركة الأصلية كتبت بواسطة sas5
اقتباس:
المشاركة الأصلية كتبت بواسطة أسامه الحسيني
is catlindata.com a scam or legit | catlindata.com trust reviews |check catlindata.com for fraud and risk | is catlindata.com safe or fake
على الجهاز انترنت سكيورتى 2014 واخبرنى انه اثناء الدخول على الموقع بانه يتم زرع تروجن على جهازى وقامبعمل بلوك للملفات التى حاولت الدخول على جهازى
متالبع
كنت اعرف واحد سعودي راح بعثه اليابان تقريبا شحن عربيته معاه
وهي عربيه خليجي هوندا يعني قمه المواصفات
اليابانيين مرضوش يدخلوا العربيه اصلا وقالوا غير مطابقه للمواصفات وهما اساسا الي مصنعيين العربيه
ودي بريطانيا يامعلم مستحييييل العربيه تدخل
ارجو الحذر من هذه النوعيه من الاعلانات التى تقوم بها عصابات منظمه و قد وقع فى دبى كثيرا من الناس فى هذه المشكله يبداون بارسال المبلغ و لن تاتى السياره ابدا
و قد تم التعميم من الشرطه على هذا النوع من الاعلانات
لذا ارجو الانتباه و تنبيه الاعضاء
و شكرا
يا باشا لو العربيه مطابقه للمواصفات الخليجي مش هايدخلوها اليابان، ونفس الطريقه لو مطابقه للمواصات الانجليزيه، مالهاش دعوه بالصانع، يعني مش كل عربيات هوندا ممكن تستخدمها في اليابان، في عربيات بتتصنع بمواصفات قياسيه لكل منطقه في العالم وده طبيعياقتباس:
المشاركة الأصلية كتبت بواسطة حماده المصري
نصبايه