شوية استفسارات عن كيا ريو
صباح الخير :) ... أنا عضو جديد و دي أول مشاركة ليا... فعلا منتدى رائع و منظم.
كان عندي بس شوية استفسارات عن كيا ريو عشان كنت عايز أشتريها بالتقسيط. هقسطها على 3 أو 4 سنين. مع العلم اني ساكن في الشروق، و جامعتي في العباسية، و شغلي في الرحاب.
1- ازاي الفتيس 4 نقلات بس؟ مش دة كدة يخلي الـrpm يعلى أوي بدون داعي؟
2- استهلاك البنزين؟
3- السحب و الحرق عالموتور فيه استجابة ولا أي كلام؟
4- الثبات على الطريق على سرعات عالية (170-180) ... و كذلك الـrpm على 140 مثلا ممكن يجيب كام؟ دول 4 نقلات بس!!!!!
5- هل العربية سواقنها مريحة ولا هتتعبني زي الرينو كليو المقرفة اللي مطلعة عيني؟
6- هل في في مصر Test Drive ولا لأ؟ لأني عمري ما سوقتها.
7- لو عملت حادثة، ايه نظام الصيانة و التكاليف؟ أنا عملت كذا حادثة بالكليو و الخساير كانت فادحة بسبب ضعف هيكل العربية و ضعف فراملها اللي مش بتسعفني.
متشكر جدا مقدما و أرجو تقبلوني كواحد من العائلة...
شكرا. ^^