بصراحة العربيه ما شاء الله عليها عمرها ما حكت في مطب
عرض للطباعة
بصراحة العربيه ما شاء الله عليها عمرها ما حكت في مطب
والله يا جماعه انا مستغرب ردودكم جدا يمكن انا اللي باخد المطبات بسرعه شويه ف بتهبد مايا وتحك في المطبات ممممممم ممكن برضه
انا في كفر الشيخ ولكم ان تتخيلوا غباء المطبات
والمشكله اني جنط 15 اللي المفروض علوه عن الارض اكبر من الجنط 16 و17 بسنتيمتر واحد طبقا للموقع ده
Tire Size Calculator - Tire & Wheel Plus Sizing
على العموم انا هجرب اقتراح استاذ وليد لطفي في حكاية كاوتشة التعليه دي وشكرا ليكم جميعا
العربية معايا بتحك بصراحة في المطبات لو في واحد بس راكب ورا .. مش عارف ليه
ايه موضوع كاوتش التعليه دي؟؟ اجيبها منين وبتركب فين؟؟
ده حسب المطبات اللي بتطلع عليها وحسب المخلوق الغريب اللي عمل المطب ده (طبعاً 90% بيبقى مش انسان اللي عمل المطب يعني مخلوقات متنوعة !!!!!!!!)
والله ياباشا الحمد لله العربيه معايا كويسه ومافيش مطب وقف قدامها(بس انا في الكويت والمطبات محترمه)
وعلشان كده لما جيت أشتريها(عربيتي جنط 17 فل أوبشن) طلعت جربتها في شارع مكسر وأخدت مطب كان قبله حفره وبعده حفره والكورولا بتاعتي موديل 2006 حكت فيه جامد من وره لكن السيراتو عدت من عليه عادي جدا وكان معايا نفس الناس في العربيتين.
وكمان في مطب واقف كده بيرفع العربيه ويهبدها علي الأرض مره واحده في باركنج في السالميه كانت الكورولا 2006 بتلحسه من أولها لأخرها وكنا بنبقي أربعه فيها ,لكن نفس الأربعه في السيراتو ولا الهوا كأني معدي علي مطب عادي.
ظبط معيار الهوا بتاع الكاوتشات ياباشا.أنا عاملهم علي طول علي 33
النهاردة كنت فى التوكيل وقلتلهم على موضوع ان العربية بتحك فى المطبات مع الحمولة (لو في ناس راكبين ورا)
فكشفوا على العفشة .. قالي انها كانت محتاجة تربيط
قالي ان في قاعدة المساعد كانت محتاجة تتربط كويس .. والمفروض انها كده بقت كويسة .. هجرب واقولكوا ايه الاخبار ان شاء الله
ابعد عن موضوع العلايه ديه الى بتتحط عند السوست لانها بتشد المساعد جامد وبتبوظة بعد فترة وبتخلي العربية مش ثابته وبتدب جامد فى اى ارض مش مستوية فنصيحه اخوية بلاش
انا عربيتى سيراتو 2014 خليجى اول فئة جنط 15 حديد واحيانا 5 افراد فى العربية وعمرها ماحكت فى اى مطب
اولا انا لسة شايف واحد بيشتكي من الاسبورتاج انها اتخبطت منو من تحت البلد دي عاوزة عربية اللي بيسموها big foot
تغيير السوست فاشل لان مرونة السوستة مرتبطة ارتباط شديد مع وزن العربية بمعني لو معاك عربية 504 ووزنها تقيل تبقي عاوزة سوستة ناشفة لو ركبتلها طرية العربية هتنام في الارض وطبيعة السوستة الناشفة انها متريحش جامد مع الشيل
لو معاك عربية خفيفة من ورا وركبتلها سوستة ناضفة العربية هاتدب وتعوم والعربية هاتكسر وتتشرخ من نشوفية العفشة
يبقي كدة كدة ان عاوز الياي الاصلي ودة اللي موجود عندك
نيجي بقي للتعلية بالعلايات الكاوتش ممكن بس دة هاييجي علي حساب حاجات تانية
اولا العربية هاتنشف في المطب لان المساعد هياخد مشوار اقل من الطبيعي في المطب وهايبقي مفرود
ثانيا الثبات هايقل ودة هاتحس بية جامد في عربية زي السيراتو
انصحك تكون حريص في المطب وتاخدة علي زاوية وماتقلقش العربيات موش ورق وغالبا الحكة في اوطي نقطة وهي يا علبة شكمان يا شفة الكوريك ودي موش مشكلة اوي
وماتلعبش في العربية خالص لو احنا كنا انصح من اللي عملها كنا حتي صنعنا توك توك ومجبناهوش من الصين
شكرا
انا حكت مره واحده بس معايا و كان معايا وزن خفيف بس المطبخ كان نازل بحفره