ترويش شكل الفليشيا

**المنسي** · 21-07-2014 11:17 AM

المشاركة الأصلية كتبت بواسطة kantofanto

زى الفل كدا ممكن كمان تلزق صور على الزجاج الخلفى من ورا

بلاش الزجاج علشان اخوانا بتوع المرور وقصة الملصقات
تقبلو تحياتى

**أحمد جودة** · 21-07-2014 11:33 AM

المشاركة الأصلية كتبت بواسطة kantofanto

زى الفل كدا ممكن كمان تلزق صور على الزجاج الخلفى من ورا

بردو فكرة جميلة بس أنا مركب ستارة على الزجاج وكاتب كلمة اسفل زجاج الشنطة ... تقبل تحياتي

**أحمد جودة** · 22-07-2014 07:55 AM

المشاركة الأصلية كتبت بواسطة mostafa hassan

ممكن تصور الستاره اللي ورا علشان لو عجبتني ممكن اعمل زيها

هما ستارتين مركبهم بالطول علشان طبعا ال ستوب لايت

وإن شاء الله أصورهملك مع شكل الكشاف الخلفي بعد التعديل

وعلى فكرة أنا ابتديت أركب واجرب وأبتكر أشكال وفكرت أعمل لون الاشارات أزرق وأعمل داير الفانوس باللون الاحمر وأخلي الليدات دي تنور وتطفي مع الاشارات

**أحمد جودة** · 24-07-2014 08:05 AM

المشاركة الأصلية كتبت بواسطة mostafa hassan

زي الفل
مستني الصور ان شاء الله

إن شاء الله هنزل الصور

**أحمد جودة** · 24-07-2014 08:13 AM

أخر ما توصلت له
أولاً

الحمد لله انتهيت من التجارب وفى النهاية عملت الاتي

تركيب شريط ليدات ( سيريا ) لون أحمر بعرض الفانوس الخلفي ووصلتها لتعمل مع الاشارات والانتظار
الشكل جميل وفرق معايا كتير ولو المنتدي اقدر احمل فيديو هصور شكل الفانوس وهوة شغال

ثانيا
تم تركيب لمبة غير بتاعت الصالون وهي عبارة عن دائرة صغيرة فيها 5 ليدات ابيض وطبعا الشكل اختلف والاضاءة بقت أفضل وإن شاء الله الصور ربما توضح ذلك

ثالثاً قررت تركيب لمبات اخري علشان عندي مشكلة فى زرار الانتظار انه مش منور
فكيت مخرج التكييف اللى فوق الزراير وركبت بردة شكل دائري به 5 ليدات ابيض ولاكن النتيجة غير مرضية .... فقررت أكون جريئ وأتوكل على الله وافك الطابلوة كله واغير اللمبات وانضفة من جوة

**أحمد جودة** · 24-07-2014 08:23 AM

خلاصة اللى اتعملته وقريت عنه خلال الايام الماضية
موضوع إضاء الليدات دة طلع حدوتة كبيرة بس حدوتة شيقة

أولا الليدات بالنسبة لالوانها الابيض أكتر لون حساس للضوء وإضائته عالية وباقي الالوان مختلفة فى الاضاءة والفولتية كمان يعني الاحمر بياخد كهربا غير الابيض غير الازرق وهكذا

طبعا لازم مع كل ليد بيركب مقاومة أو على الدائرة بالكامل مقاومة واحدة
ومن خلال التجارب عملت اكتر من شكل بأكتر من لون ولاكن للاسف عند التجربة والتركيب منفعش اركب أكتر من حاجة فى الكشاف الواحد لانها حاجة واحدة بتشتغل والتانية لازم تفصل معرفش ليه فأخترت أبسط الاشكال وأجملها علشان طبعا العربية متقلبش على فانوس رمضان ولا تاكسي

**sakr_skoda** · 24-07-2014 08:26 AM

المشاركة الأصلية كتبت بواسطة أحمد جودة

أخر ما توصلت له
أولاً

الحمد لله انتهيت من التجارب وفى النهاية عملت الاتي

تركيب شريط ليدات ( سيريا ) لون أحمر بعرض الفانوس الخلفي ووصلتها لتعمل مع الاشارات والانتظار
الشكل جميل وفرق معايا كتير ولو المنتدي اقدر احمل فيديو هصور شكل الفانوس وهوة شغال

ثانيا
تم تركيب لمبة غير بتاعت الصالون وهي عبارة عن دائرة صغيرة فيها 5 ليدات ابيض وطبعا الشكل اختلف والاضاءة بقت أفضل وإن شاء الله الصور ربما توضح ذلك

ثالثاً قررت تركيب لمبات اخري علشان عندي مشكلة فى زرار الانتظار انه مش منور
فكيت مخرج التكييف اللى فوق الزراير وركبت بردة شكل دائري به 5 ليدات ابيض ولاكن النتيجة غير مرضية .... فقررت أكون جريئ وأتوكل على الله وافك الطابلوة كله واغير اللمبات وانضفة من جوة

انا ضدد تركيب اى ليدات او شرايط نور داخل كابينة السيارة بتاتا خشية حدوث مشكلة او شورط قد تؤدى الى احتراق السيارة لا قد الله فبلاش الليدات فى كبينة السيارة ركبها فى الفوانيس الخلفية والاماممية زى مانتا عاوز لاكن بلاش داخل الكابينة**

**أحمد جودة** · 24-07-2014 08:27 AM

إن شاء الله هصور شكل الفانوس ولمبة الصالون وعندي كام فكرة هتكلم عنهم ونتناقش فيهم وأى إستفسار أنا فى الخدمة وياريت نلاقي حد متخصص إلكترونيات ونفهم منه أكتر

تقبلو تحياتي وانتظرو صور تعديل الفوانيس الخلفية وصور الشماسة والستائر

وكل عام وأنتم بخير بمناسبة عيد الفطر وأسف على الاطالة

الموضوع: ترويش شكل الفليشيا

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ترويش شكل الفليشيا

مساعده من اصحاب الفليشيا..محتار فى سعر الفليشيا ... وركوبتها

ترويش العربيه

الي خبراء الفليشيا<الفليشيا افضل ام الريجاتا>

ترويش ال a516

الكلمات الدلالية لهذا الموضوع

المفضلات

المفضلات

ضوابط المشاركة