انا اشتريت العربية من حوالي شهر موديل 2003 - 1400 سي سي -عاملة 100 الف كيلو
وتمام التمام مفيهاش اي حاجة - لحد من يومين لقيتها بتنتش وسحبها قل وصوتها علي شوية
زي ماتكون العربية متلتة ( ماشية ب 3 بوجيهات ) - وفي برجلة زيادة وملحوظة مع تشغيل التكييف
العربية كانت كويسة جدا والموتور زي الفل - لحد ما ظهر العيب ده ونفسي في اي حد يطمني
انها حاجة بسيطة قبل ما اكشف في التوكيل - وهل يستاهل ان انا اكشف في التوكيل ولا لأ ؟؟؟؟
يا جماعة بجد نفسي فأي حد يرد عليا - علشان ماحسش ان انا الوحيد اللي في البلد اللي راكب فابيا
أجيبوني - وجزاكم الله كل خير
Heeeeeeeeeeeeeeeeeeeeeeeeeeeeeeeeeeeeeeeeeeelp- any one here
heeeeeeeeeeeeeeeeeeeeeeeeeeeeeeeeeeeeeeeeeeelp
السلام عليكم
أنا جديد بردو زي حضرتك في المنتدي
بس ممكن أقولك إنه أكيد في صفحة خاصة بالسكودا ..... ممكن تدور فيها عن مشاكل مماثلة وحلولها
http://www.nilemotors.net/Nile/forum236/
شكرا يا باشا - ويارب نلاقي فعلا حد يرد ويفيدنا
يعني حضرتك حاطط الموضوع 10:35 ومستغرب ان مفيش حد رد عليك الساعة 11:32 الصبح
طيب ده كلام برده !! مهي الناس اكيد يا في الشغل يا نايمة والموضوع ملحقش يعني
علي العموم متقلقش ان شاء الله بسيطة
ياريت توضح المشكلة اكتر
هل العيب ده بيحصل اول متدور العربية ولا بعد متمشي بيها شوية
وغالبا حيبقي يا بوجيهات يا موبينة
الف شكر علي رد حضرتك يا أستاذ عمرو - وعلي فكرة انا في الشغل ومتوقع ان باقي التاس صاحيين زيي
عامة المشكلة من اول ما ادور - وممكن وانا ماشي الاقيها اتظبطط لوحدها لمدة دقيقة او 2 وترجع تاني
ما تسيبنيش يا أستاذ عمرو - انا ما صدقت حد رد عليا - وانا هنتظر ردك اللي جاي
غالبا العيب حيبقي زي محضرتك شخصته في اول الموضوع
عيب بوجيهات
فجرب حل البوجيهات لو تعرف او تخلي اي ميكانيكي يحلهم
وسنفرهم كويس ونضفهم وأحرقهم علي النار وبعدين ركبهم تاني
ان شاء الله المشكلة تتحل
الف شكر ليك يا استاذ عمرو - وكل سنة وحضرتك طيب
وعامة هجرب كده وابقي اقولك ايه الأخبار
انا فعلا غيرت البوجيهات - لان النوع اللي راكب مكانش كويس - والعربية بقيت تمام والحمد لله
والف شكر ليك يا استاذ عمرو - علي اهتمام ورأي حضرتك