عايز موتور مياه اصغر من نص حصان

**raad13** · 20-07-2014 11:40 AM

دلوقتي انا مركب خزان مياه فوق على السطح بس انا ساكن في الدور الأخير و الماية بتنزلي ضعيفة و اخر ربع في الخزان مش بينزل خالص!! الواضح ان مفيش حل غير اني اركب موتور بس المشكلة ان موتور نص حصان هيكون قوي جدا و هيفضي الخزان في 10 دقائق ده غير انه تكلفة كبيرة على الفاضي!! مفيش اي حل يا رجالة؟

**بحار** · 20-07-2014 01:02 PM

حضرتك كده بتخسر الميزة اللى عندك وهى انك موفر قصة الموتور وصيانته والكهرباء ..
من رأيى رفع الخزان مسافة متر أو متر ونصف اذا كان لن يتسبب فى عدم وصول المياه اليه ..
او حل تانى لو ممكن زيادة حجم الخزان ..
اى حل من الحلين دول يرفع ضغط المياة ولا تحتاج لموتور وأوفر كمان .. اهم حاجه النظافة الدوريه للخزان .. تحياتى

**raad13** · 20-07-2014 01:31 PM

المشاركة الأصلية كتبت بواسطة بحار

حضرتك كده بتخسر الميزة اللى عندك وهى انك موفر قصة الموتور وصيانته والكهرباء ..
من رأيى رفع الخزان مسافة متر أو متر ونصف اذا كان لن يتسبب فى عدم وصول المياه اليه ..
او حل تانى لو ممكن زيادة حجم الخزان ..
اى حل من الحلين دول يرفع ضغط المياة ولا تحتاج لموتور وأوفر كمان .. اهم حاجه النظافة الدوريه للخزان .. تحياتى

ارفعه ازاي طيب؟ انا حطه على أعلى حاجة على السطح

**بحار** · 20-07-2014 02:06 PM

المشاركة الأصلية كتبت بواسطة raad13

ارفعه ازاي طيب؟ انا حطه على أعلى حاجة على السطح

يعنى يكون على حاجة مرتفعة على ظهر حجرة فوق السطح مثلا مش على السقف على طول
المقصود يرتفع اكبر قدر ممكن عن الحنفيات بتاعتك ..طول المسافة دى يزود الضغط ويحقق المطلوب..
طب لو مانقدرش اكتر من كده .. لأى سبب ؟؟
يبقى الحل التانى زيادة حجم الخزان ..

**raad13** · 20-07-2014 02:08 PM

المشاركة الأصلية كتبت بواسطة بحار

يعنى يكون على حاجة مرتفعة على ظهر حجرة فوق السطح مثلا مش على السقف على طول
المقصود يرتفع اكبر قدر ممكن عن الحنفيات بتاعتك ..طول المسافة دى يزود الضغط ويحقق المطلوب..
طب لو مانقدرش اكتر من كده .. لأى سبب ؟؟
يبقى الحل التانى زيادة حجم الخزان ..

لا زيادة حجم الخزان هيخش في تكلفة جامدة اكتر من 3000 جنيه

**rotanamasoud** · 20-07-2014 02:15 PM

فى موتور بتاع الطرد بتاع الغسالات الاوتوماتك بيعمل تقريبا 50 جنيه حيكون الانسب ليك

**raad13** · 20-07-2014 03:15 PM

المشاركة الأصلية كتبت بواسطة rotanamasoud

فى موتور بتاع الطرد بتاع الغسالات الاوتوماتك بيعمل تقريبا 50 جنيه حيكون الانسب ليك

و هي طلمبة الطرد دي ينفع تتركب على برة الغسالة عادي؟!

**Abo.Moazz** · 20-07-2014 03:47 PM

مع إحترامى لكل الآراء مش هينفع معاك غير الموتور النص حصان
وتكلفته أعتقد هتبقى أقل من تكلفة رفع الخزان أو زيادة حجمة
ومفيش مواتير رفع رأسى أقل من النص حصان
وممكن لو عايز تقلل التكلفة تشتغل بموتور صينى سعره يتراوح بين 80 لـ 100 جنية
أو أى موتور نص حصان ايطالى غير الكالبيدا ( زى الفورتكس مثلاً ) هتلاقى سعرة فى رينج من 160 ل 200 جنيه وعادة الحاجات دى متبقاش ايطالى أصلى بس بتبقى كويسة إلى حد ما
ولو عايز حاجة مضمونة وتريح دماغك منها يبقى الكالبيدا أو على الأقل الـ dab
الموتور هتركب عليه بالونة خمسة لتر صغيرة سعرها فى رينج 50 جنيه + أتوماتيك سعرة بالمشترك والعداد حوالى 50 جنيه
يبقى الموتور بمشتملاته لو إفترضنا ال ( dab ) يعنى موتور محترم جداً ومش غالى هيكلف حضرتك حوالى من 400 لـ 450 جنيه

**ramymechanics** · 20-07-2014 04:11 PM

طب ما تجيب النص حصان و تعمل خط bypass صغير ببلف نص بوصة تتحكم فيه ... يعنى الموتور يطلع منه خطين خط عالبيت وخط ببلف عالخزان نفسه وتتحكم انت فالبلف دة يديك الضغط المطلوب فالبيت

**rotanamasoud** · 20-07-2014 04:17 PM

المشاركة الأصلية كتبت بواسطة raad13

و هي طلمبة الطرد دي ينفع تتركب على برة الغسالة عادي؟!

الموتور 220 وليه ماسوره دخل وخرج للماء هو غير قوى لاكنه حيؤدى الغرض لضغط الماء

المشاركة الأصلية كتبت بواسطة ramymechanics

طب ما تجيب النص حصان و تعمل خط bypass صغير ببلف نص بوصة تتحكم فيه ... يعنى الموتور يطلع منه خطين خط عالبيت وخط ببلف عالخزان نفسه وتتحكم انت فالبلف دة يديك الضغط المطلوب فالبيت

فكره جامده لظبط الضغط المطلوب

الموضوع: عايز موتور مياه اصغر من نص حصان

LinkBack

أدوات الموضوع

عرض

-

-

-

المواضيع المتشابهه

عايز اجيب موتور مياه ..لعمارة او لشقة !!!!!

موتور مياه 1 حصان

للبيع : تكييف 1.5 حصان و 3 حصان وايت ويل + فلتر مياه 7 مراحل(كله جديد)

اصغر موتور v12

موتور 1800 cc و 160 حصان

الكلمات الدلالية لهذا الموضوع

المفضلات

المفضلات

ضوابط المشاركة