عايز اركب جنوط عريضه ممكن مساعده؟؟؟!!!

السلام عليكم اخوانى الاعزاء فى المنتدى الجميل وخصوصا كل الداييوييهههههههههههه
انا عندى لانوس 2 2007 كامله بقالها سنتين معايا لانى جايبها فى 11 2006 وغيرت لها الكاوتش بتاعها كله من سنه لان استخدامى لها كان كتير ودلوقتى نفسى اظّبط شكل العربيه واركب جنوط وكاوتش جديد ياترى ايه افضل الانواع ولو ها اركب جديد انسب مكان فين علما بانى من القاهره وهل نفس مكان التركيب هاياخذ القديم ويركب الجديد مع دفع الفرق؟
ولو ركبت اركب عريض ولا عادى؟؟؟؟ الف الف شكر لمساعدتكم ودعمكم المستمر.
ايه الرغى دا كله ماكنتش اعرف انى رغاى كده بس معلهش حقيقى محتاج رايكم ومساعدتكم بالنصيحه.
http://www.postimage.org/aV1u2aHi.jpg

لو هتكبر الجنوط ميزدش عن 15
وادي المقاسات لو انت هتكبر
ال14 يبقى 185/60/14
ال 15 يبقى 195/50/15

افضل انواع الكاوتش عن تجربه شخصية البريدجستون رااااائع

بس البريدجستون بيخلى اللانوس تدب واحد صاحبى ركبه فى لانوس و بقى الدبدبه عاليه و مش مركب جنوط افتكرنا المساعدين فيها حاجه...روحنا لمهندس نعرفه قالنا ان الكاوتشه البريدج ستون ناشفه مش طريه وقال الافضل للانوس و الفيرنا هانكوك و كومهو عشان الكاوتشه طريه...وشرح شوية حاجات كده مش فاكرها...والراجل ده ثقه مش بيفتكس وشغال من يوم ما اتخرج فى مجال السيارات

الببروفايل ال 60 ، 50 واطي شويه ، ياترى ده ميتعبش الراكب في العربيه ، وميتعبش العفشه؟

لو حد معاه لانوس 1600 يقولنا راكبه جنط كام ، والكاوتش مقاساته كام

اقتباس:

---

المشاركة الأصلية كتبت بواسطة Hossam.Hamdy

بس البريدجستون بيخلى اللانوس تدب واحد صاحبى ركبه فى لانوس و بقى الدبدبه عاليه و مش مركب جنوط افتكرنا المساعدين فيها حاجه...روحنا لمهندس نعرفه قالنا ان الكاوتشه البريدج ستون ناشفه مش طريه وقال الافضل للانوس و الفيرنا هانكوك و كومهو عشان الكاوتشه طريه...وشرح شوية حاجات كده مش فاكرها...والراجل ده ثقه مش بيفتكس وشغال من يوم ما اتخرج فى مجال السيارات

---

انا مركبه مفيش اي دبدبة خاااااااااااااالص

الجو يير الاندونيسي برده كويس

اقتباس:

---

المشاركة الأصلية كتبت بواسطة morabet79

الببروفايل ال 60 ، 50 واطي شويه ، ياترى ده ميتعبش الراكب في العربيه ، وميتعبش العفشه؟

لو حد معاه لانوس 1600 يقولنا راكبه جنط كام ، والكاوتش مقاساته كام

---

the 1.6 lanos comes standard with 14" rims and 185/60/14 tires

MMamdouh

الف الف شكر على ردودكم ونصائحكم الغاليه يا كل الداييوييهههه . تفاعلكم مع طلب مساعدتى حقيقى عظيم. لازلت محتاج أعرف الجنوط العريضه ممكن تأثر على كفاءه العربيه ولا لأ وايه انسب مقاس والسعر فى حدود كام ومنين.
الف الف شكر مره ثانيه.

أكيد الجنط ومقاس الكاوتش إلي لانوس 1600 نزله بيه ـ طالما إن العفشه وحده في ال 1500 وال1600

يبقى زي ما أستاذ/ممدوح قال
14" rims and 185/60/14 tires
جنط 14
كاوتش 185/60/14